في الحلقة النهاردة بنناقش موضوع مهم جدًا وهو إزاي ممكن نقيّم المخاطرة في استثماراتنا، وخصوصًا من خلال مفهوم الـ Drawdown. ناس كتير بتخاف تستثمر لإنهم مش فاهمين المخاطر اللي ممكن يواجهوها، الحلقة دي هتساعدك تفهم مفهوم المخاطرة بشكل أعمق. 

حلقة النهارده بنتكلم عن أداة مهمة لكل مستثمر، وهي "إعادة توازن المحفظة" الهدف من إعادة توازن المحفظة هو الحفاظ على المخاطر وضمان إن المحفظة بتاعتك متماشية مع أهدافك الاستثمارية اللي انت حاطتها لنفسك من أول يوم

المحفظة الكلاسيكية أو محفظة 60/40 .. المحفظة المتفق عليها من خبراء المجال المالي .. شكل المحفظة عامل ازاي؟ بتعمل إيه؟ إيه هدف منها؟ وليه الخبراء بينصحوا بيها؟ وحاجات تانية كتير في حلقة النهاردة (إعادة)

في حلقة النهارده، بنكمل الجزء الثالث مع أ/ مصطفى عبد العزيز عن الطرح العام لشركة "أكت فاينانشال". النهارده بنتكلم عن خطط "أكت" والتغيرات اللي ممكن تحصل بعد الطرح، وإزاي الاستثمار في "أكت" ممكن يكون أفضل من الاستثمار في شركات تانية

بنكمل النهاردة الجزء الثاني من حوارنا مع مصطفى عبد العزيز، بنتكلم النهاردة عن تجربة طرح الشركة للاكتتاب العام، خطوات التحضير والعقبات اللي واجهتهم، وإزاي الشركات ممكن تستغل الفرص الاستثمارية حتى في الظروف الصعبة للسوق

انجاز كبير حققته شركة أكت فاينانشال الفترة دي وهو الطرح العام في البورصة المصرية، هدف حلقة النهاردة اننا ننقلك التجربة من أول الفكرة لحد التنفيذ ونشوف المراحل اللي مرت بيها الشركة لحد ما وصلت للطرح العام في البورصة المصرية مع أ/ مصطفى عبد العزيز - الجزء الأول

أوقات كتير بناخد قرارات استثمارية بشكل عشوائي بدون دراسة وتحليل ومتابعة للبيانات ولكن عدم تنظيم المعلومات دي ممكن يأثر على قراراتنا في المستقبل وممكن يخلينا منبقاش فاهمين احنا بنعمل إيه! بنتكلم النهاردة على خطوات من خلالها تقدر تعمل مراجعة وتحليل لشكل محفظتك الاستثمارية.. ازاي وليه تحللها؟ والتحليل ده هيساعدك ازاي في المستقبل؟

استكمالاً لسلسلة الحلقات اللي بنتكلم فيها عن صناديق الاستثمار المختلفة وخاصة المتداولة، النهارده بنتكلم عن نوع مميز من الصناديق المتداولة وهو صناديق التقاعد المقيدة بزمن أو Target-Date Funds

في حلقة النهارده بنتكلم عن واحد من أهم أدوات الاستثمار اللي ممكن تستفيد منها في تنويع محفظتك الاستثمارية، وهي صناديق المؤشرات المتداولة ولكن النهاردة بتكلم بشكل أعمق شوية عن الصناديق المتداولة اللي بتتركز على القطاعات المختلفة في السوق الأمريكي 

ناس كتير نفسها تستثمر في البورصة ولكن مش عارف تبدأ ازاي! في حلقة النهاردة بنتلكم عن صناديق الاستثمار أداة من الادوات الاستثمارية المهمة جداً وازاي تستفيد منها في خططك الاستثمارية سواء في ​الادخار أو في التقاعد

ضيف جديد في كلام ينور محمد عادل، محمد بيشتغل في شركة البركة كابيتال، وبيقدم بودكاست عن كرة السلة، في الجزء الأول بنتكلم عن الجزء الخاص بشغله في المجال المالي وهو إصدار أدوات التمويل في أسواق رأس المال

أتكلمنا قبل كده عن صناديق الاستثمار مين بيبعه ازاي تقدر تشتريه والتفاصيل دي كلها في حلقة قديمة.. ولكن في حلقة النهاردة بنقارن ما بين صناديق الاستثمار العادية والصناديق المتداولة على البورصة

(إعادة)

بنجدد النهاردة لقاءنا مع مدربة التداول ومؤسسة برنامج التدريب على أخطاء التداول لارا أحمد سُليمان للمرة التانية بعد وقت قصير بسبب كم كبير من ردود الفعل على الحلقه اللي فاتت فحبينا نعرف منها تفاصيل اكتر عن البرنامج اللي بتقدمه

بنكمل الجزء التاني من لقائنا مع ضيفنا أ/عمّار معلا مدير مبيعات ساكسو بنك (الإمارات) في لقاء من جزئين بنغطي فيهم التحديثات اللي بيقدمها ساكسو بنك بشكل مفصل

ضيفنا للمرة الثانية في كلام ينور أ/عمّار معلا مدير مبيعات ساكسو بنك (الإمارات) في لقاء من جزئين بنغطي فيهم التحديثات اللي بيقدمها ساكسو بنك بشكل مفصل.. الجزء الأول

التضخم من الحاجات اللي بتحصل في العالم كله لأسباب اقتصادية معقدة لها علاقة بأداء الدول ولكن النهاردة احنا بنبص عليه من ناحية الفرد، ازاي الفرد يستثمر في هذه الظروف! وليه الطبقة المتوسطة هي اكتر طبقة بتتأثر وقت التضخم.. ازاي نتجنب الموضوع ده ونعدي من فترات التضخم العالي من غير ضرر

اتكلمنا على الاستثمار العقاري كذا مره قبل كده بس النهارده حابين نتكلم عليه من ناحية الاختيار.. ازاي تختار وتفاضل بين اختيارين، في عوامل كتير بتأثر على اختيارك للعقار، حاجات سهلة وبسيطة بس بتأثر عليك وانت بتختار

عمرك فكرت ازاي الأسواق أدائها بيتقاس؟ إيه المقايس اللي بنحدد على أساسه اذا كان السوق ده طالع بشكل كويس أو نازل بشكل جامد؟ ازاي أقيم العوائد بتاعتي في الاستثمار؟ في حلقة النهاردة بنتكلم عن مؤشرات أسواق المال ، وازاي تقيم أدائك في البورصة

بنكمل النهاردة الجزء الثاني من حوارنا عن التحليل الفني مع أ/ هيثم عبد السميع، عضو مجلس إدارة الجمعية المصرية للمحللين الفنيين ورئيس لجنة الخريجين ومؤسس قناة المنبة الفني على اليوتيوب

حلقة جديدة مع ضيف جديد منورنا في كلام ينور أ/ هيثم عبد السميع، عضو مجلس إدارة الجمعية المصرية للمحللين الفنيين ورئيس لجنة الخريجين.. بنتكلم مع أ/ هيثم على مدار حلقتين عن مجال التحليل الفني، والجمعية المصرية للمحللين الفنيين - الجزء الأول