169. استراتيجيات استثمارية بإستخدام 11 ETFs قطاعية
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
(ETFs) في حلقة النهارده بنتكلم عن واحد من أهم أدوات الاستثمار اللي ممكن تستفيد منها في تنويع محفظتك الاستثمارية، وهي صناديق المؤشرات المتداولة
اتكلمنا قبل كده عن الصناديق المتداولة ولكن النهاردة بتكلم بشكل أعمق شوية عن الصناديق المتداولة اللي بتتركز على القطاعات المختلفة في السوق الأمريكي
:في حلقة النهاردة
إيه هي صناديق المؤشرات؟ -
إزاي الصناديق بتساعدك تنوع استثماراتك وتقلل المخاطر؟ -
المصروفات الإدارية لكل صندوق وازاي حجم الصناديق دي بتأثر على الاستثمار؟ -
:أهم 11 صندوق مؤشرات متداولة على القطاعات في السوق الأمريكي -
قطاع التكنولوجيا (XLK)
قطاع المالي (XLF)
قطاع الرعاية الصحية (XLV)
قطاع الطاقة (XLE)
القطاع الاستهلاكي غير الأساسي (XLY)
قطاع الاتصالات (XLC)
القطاع الصناعي (XLI)
القطاع الاستهلاكي الأساسي (XLP)
القطاع الخدمي (XLU)
قطاع العقارات (XLRE)
قطاع المواد (XLB)
ما تنساش تضيف الصناديق دي لقائمة المراقبة بتاعتك، و تبعت لنا أسئلتك واستفساراتك، و استنونا في حلقة جديدة الأسبوع الجاي
تابعوا حلقتنا واكتبولنا آرائكم بعد سماع الحلقة
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
أهلا بيكم في حلقة جديدة من بودكاست كلام ينور، النهاردة إحنا هنعمل حلقة على صناديق المؤشرات المتداولة على القطاعات في السوق الأمريكي، لإن أنا جالي أسئلة كتير الفترة الأخيرة على الناس عايزة مثلا تستثمر، إيه الأفكار الموجودة خاصة في السوق الأمريكي، بما إن هو أكبر سوق، والناس بيبقى عندها وصول عليه من خلال حساباتها من شركة سمسرة خاصة الدولية يعني
كنا اتكلمنا أول مرة عن الموضوع ده في حلقة رقم 72 إللي هي اسمها ما وراء القطاعات، كنا اتكلمنا بشكل مبدئي، يعني إيه قطاع؟ إزاي الأسهم بتتقسم في السوق، بشكل قطاع، القطاعات الدفاعية، كان حاجات كتير، فلو حابب ترجع تسمع الحلقة رقم 72، هي كانت تمهيدا لحلقة النهارده، يعني إللي إحنا هنتكلم فيها أكتر بتركيز على المؤشرات بقى نفسها، والصناديق الاستثمارية إللي أنت تقدر تستثمر فيها في السوق
الفكرة هنا إن زي ما اتفقنا إن الناس ما بيبقاش عندها وقت إن هي تستثمر، فممكن مثلا تستثمر في صندوق زي (إس إم بي 500) أو أكبر 500 شركة في السوق الأمريكي، بيبقى في صناديق استثمار مطروحة متداولة في البورصة من خلال مثلا شركات زي فانجارد أو بلاك روك أو ستيت ستريت اللي هم الشركات الكبيرة لإصدار المؤشرات أو لإصدار صناديق الاستثمار المتداولة دي
ولكن النهاردة هنا أنا عايز خد خطوة كده أعمق شوية وأشوف إيه هي قطاعات الرئيسية المتداولة في السوق، بحيث إن أنت مثلا حابب تستثمر في السوق مثلا الأمريكي، ومش عايز تاخد مؤشر متنوع زي (الاس ام بي 500) وعايز مثلا تاخد مركز مثلا على حتة معينة من السوق أو قطاع معين أنت شايفه قطاع واعد، أو شايف إن أنت عايز تحط فيه فلوس الفترة إللي جاية
فالنهاردة انا هتكلم على مجموعة صناديق هما تقريبا 11 صندوق، الصناديق دي كلها مقيدة في السوق الأمريكي، وبتستثمر فلوسها في السوق الأمريكي فبمجرد إن إنت اشتريت سهم واحد في هذه الصناديق، فجزء من محفظتك بتحطه في هذا الصندوق، والصندوق نفسه متنوع جوا الأسهم دي
XLK يعني ممكن مثلا على سبيل المثال هنبتدي بأول صندوق اللي هو
احنا طبعا هنسيب أسامي صناديق في الشو نوتس دي لو حابب يعني تقرأ الاسم هو الصندوق التكنولوجي أو صندوق قطاع التكنولوجيا الـ 11 صندوق اللي أنا أتكلم عليهم دي نازلين من شركة (ستيت ستريت) والصندوق الأول دا اللي هو بيركز على قطاع التكنولوجيا
هنلاقي جوا الصندوق ده فيه تقريبا 70 شركة المصروف اللي انت بتدفعه عشان الإداره هو بيتخصم سنويا منك من خلال سعر الصندوق يعني أنت مش حتحس أنت مش تدفع مصروف ولكن هو بيخصم من داخل الصندوق بياخد تسعة نقط أساس أو على كل 100 دولار أنت بتحطهم بياخد 9 سنت في السنة فدا يعتبر من الصناديق الرخيصة، يعني أي حاجة تحت عشر نقط أساس بنعتبرها من الصناديق الرخيصة اللي هي على المدى الطويل تقدر تحتفظ بيها، والمصروف بتاعها مش هيبقى عالى، هنلاقي مجموعة السنة دي كلها 11 بنفس المصاريف الإدارية
الصندوق ده هو أكبر صندوق في الـ 11 فيه 72 مليار دولار النهارده وقت تسجيل الحلقة يعني ده معناه إن الـ 11 صندوق الناس لما وزعت فلوسها ده أكتر صندوق الناس حاطه فيه فلوس من المجموعة دي يعني لو قلنا إن الـ11 صندوق دول أصدرتهم شركة واحدة ده أكتر صندوق لم فلوس مش بس لم فلوس هو برضو ممكن يكون لم فلوس أقل من كده، بس مع الأداء القوي لقطاع التكنولوجيا فالأصول بتاعته أو القيمة السوقية بتاعة الصندوق نفسه كله طلع أكتر من القطاعات الأخرى، الصندوق ده زي ما قلنا فيه 70 شركة هتلاقي الأسامي المعروفة بقى إللي هو آبل، جوجل، هتلاقي كل الأسهم التكنولوجية المعروفة وهنا إحنا بنتكلم عن القطاعات الرئيسية، يعني الـ 11 صندورة بنتكلم عليهم دول القطاعات الرئيسية الموجودة في السوق ممكن يبقى في قطاعات فرعية جوا التكنولوجيا يعني جوا صندوق التكنولوجيا ده هنلاقي إن هو متقسم برضو حاجات داخلية، ولكن ده مش هدف الحلقة النهاردة الهدف إن أنا بتكلم على القطاعات الرئيسية وإزاي تستثمر فيها، وإيه الفرص إللي موجودة
لأن مثلا ممكن نبقى نعمل حلقة ثانية فقط مثلا على قطاع التكنولوجيا لو عايزين ناخد صناديق متركزة مثلا صندوق بيركز على الكلاود كومبيوتنج (الحوسبة السحابية) صندوق تاني بيركز على الهاردوير بتاع تكنولوجيا المعلومات صندوق تالت بركز على الأمن الإلكتروني فبنلاقي إن الشركات مع الوقت أصدروا صناديق استثمار بتركز على القطاع الفرعي جوا قطاع الرئيسي، بس دي يمكن كل قطاع ممكن يبقى ليه حلقة كاملة إللي إحنا نركز إيه بقى القطاعات الفرعية لو أنت حابب أكتر تنزل وتركز وتاخد صندوق استثمار
إحنا هنا ليه دايما بنتكلم عن صناديق الاستثمار، مش بنتكلم عن شركات بعينها، عشان الناس إللي هي عايزة تعمل توزيع للمحفظة وما عندهاش وقت تتابع أسهمها وعايزة تحط فلوس كل شوية إللي هو الحاجات إللي إحنا بنتكلم عليها دايما اللي هو تحوش وتحط فلوس، فلو حابب تحط فلوسك في قطاع التكنولوجيا فده XLK أول صندوق النهارده معانا، اللي
XLF تاني صندوق وهو
ده صندوق برضه تصدره شركة (ستيت ستريت) وهي من أكبر يمكن أقول 4 أو 5 شركات بتصدر صناديق حول العالم، يمكن على ما أتذكر مثلا ممكن يكون بلاك روك وفان جارد أكبر منهم يمكن ستيت ستريت تعتبر برضو من الشركات الكبيرة جدا فتعتبر فلوسك نوعا ما مضمونة أو بنسبة كبيرة جدا هي مضمونة، XLF صناديقهم كبيرة يعني هنلاقي
بيستثمر في القطاع المالي، هنلاقي البنوك هنلاقي الشركات المالية موجودة في الصندوق ده، الصندوق ده فيه 75 سهم، متوزع الفلوس جوا 75 سهم، حضرتك لما بتشتري وثيقة واحدة أو سهم واحد منه أوتوماتيكي بتوزع استثماراتك في ال75 الشركة اللي موجودة، حجم الصندوق ده حوالي 40 مليار دولار برضه الصندوق يعتبرنا السنة الكبيرة، نسبة النفقات بتاعها 9 نقط أساس برضه زي ما قلنا الصناديق بتاعت النهاردة كلها هي 9 نقط أساس
XLF فلو حابب تستثمر في القطاع المالي وتشوف الأداء بتاع محفظتك مرتبط أكتر بالقطاع المالي، ممكن تأخذ جزء من محفظتك وتحطه في
بعد كده قطاع يمكن من القطاعات الدفاعية إللي تكلمنا عليه قبل كده، قطاع المستشفيات أو القطاع الطبي، شركات الأدوية كل حاجة ليها علاقة بالرعاية الصحية XLV موجودة في صندوق
صندوق فيه 65 اسم وتقريبا الأصول الموجودة فيه 39 مليار دولار، هنا تاني أرجع أقول ليه بنتكلم على القطاعات دي تاني ممكن حد يبقى بيستثمر مثلا عمل محفظة متنوعة في الأسهم وحاطط مثلا 80% من فلوسه في S&P
وعايز يركز على قطاع جوه محفظة أكتر بال20% اللي فاضلة فمثلا واحد قال أنا عايز أحط 80% في S&P وعايز احط 20% في الرعاية الصحية فهنا هاخد XLV صندوق
XLK أو واحد مثلا بيقول عايز ياخد قطاع التكنولوجي جنب الـ S&P 500 فياخد الـ
وهكذا
XLE القطار الرابع من حيث الحجم في هذه الصناديق هو قطاع الطاقة في صندوق
نفس الكلام 9 نقط أساس كمصروف وحجم الصندوق 37 مليار دولار، وفي 26 شركة، هنا كل الصناديق دي بتتبع مؤشرات والمؤشرات دي بيحصلها إعادة توازن وبتتغير على حسب مثلا دخول شركة جديدة في السوق أو خروج شركة من السوق فهو الصندوق بيظبط نفسه أنت مش محتاج تعمل أي حاجة أنت موجود جوا الصناديق دي وفي حد بيديرها بالنيابة عنك فانت مش محتاج تعمل أي حاجة
XLY بعد كده من حيث الحجم الصندوق رقم 5 وهو
اللي هو ايه الحاجات الاستهلاكية اللي هي تعتبر شوية مش أساسية يعني دي باختيار المستهلك اللي هو بيختار بقى حاجات مش أساسية يعني هنلاقي فيه صندوق تاني بعد كده اللي هو الحاجات الأساسية دي الحاجات الغير الأساسية اللي هي مثلا زي امازون، زي لو بتشتري مثلا حاجات شوية فيها رفاهية فدي موجودة في XLY الصندوق
هنلاقي إن الصندوق ده فيه 54 شركة حجم صندوق 20 مليار دولار وقت تسجيل الحلقة
XLC بعد كده فيه ، قطاع الاتصالات
هنا في 24 شركة، حجم الصندوق 19 مليار دولار
XLI يجي بعد كذا في اللستة بتاعتنا
وهو القطاع الصناعي هنلاقي حجم الصندوق بتاعه 18 مليار دولار
XLP بعد كده
وهو القطاع الاستهلاكي، ولكن في الحاجات الأساسية هنلاقي حجم الصندوق 15 مليار دولار
XLU بعد كده قطاع تاني من القطاعات الدفاعية إللي هو
اللي هو القطاع الخدمي اللي هو مثلا زي الكهرباء المياه الحاجات اللي هي الخدمية هنلاقي فيه 33 شركة، وحجم الصندوق بتاعه 14 مليار دولار
XLRE بعد كده
وهو قطاع العقارات حجم الصندوق، تقريبا 6 مليار دولار، فيه 34 شركة
وآخر حاجة الماتيريال الصندوق ده يمكن أصغر واحد عندهم فيه 31 شركة وحجم الصندوق بتاعه 5 مليار دولار
تاني النهاردة أنا عايز بس اديكوا فكرة وجود القطاعات دي ووجود الاستثمارات بتاعتك، فيه حاجة برضه مهمة لازم نقولها إن الشركات المقيدة في السوق الأمريكي هنلاقي إن الربح بتاعها يعني أمريكا مختلفة شوية عن العالم في حاجة إن الشركات بتاعتها تعتبر شركات عالمية، يعني مثلا لو أخدنا مثلا ش شركة زي جوجل، فهي ما بتجيبش الدخل بتاعها كله من داخل أمريكا بنلاقي مثلا إنه ممكن 50، 60% من الدخل بتاعها جاي من أمريكا و30، 40% جايين من برة مثلا أو بتختلف طبعا من شركة لشركة، بس الميزة في الموضوع ده، إيه إن الشركات دي لوحدها هي فيها تنوع في المصدر الدخل، يعني هي مش معتمدة على اقتصاد دولة واحدة، مش معتمدة حتى على الاقتصاد الأمريكي فقط هي معتمدة على الاقتصاد العالمي فبالتالي لما أنت بتشتري شركة زي دي في تنوع حصل بنلاقي معظم الشركات في أمريكا بهذا الشكل غير مثلا لو بتشتري البنوك المحلية بتاعة الدولة، مطعم مثلا جوه أمريكا فقط، ده وقتها 100% من الدخل بتاعه في أمريكا، ولكن السنة دي الكبيرة دي والشركات الكبيرة في أمريكا دي الشركات دي عمرها ما بتكبر بهذا الحجم الضخم، غير لما بتبقى شركة عالمية، وعندها دخل من دول أخرى، فالتنوع بتاع الاستثمار أنا بس بطمئن الناس إن هو مثلا عشان بيقول لازم تنوع الصناديق دي بالفعل متنوعة بما فيه الكفاية بمعنى إن أنت بتشتري شركات أصلا دخلها متوزع عالميا، وبعد كده أنت بتشتري مجموعة من الشركات دي مع بعض، يعني أنت ما بتشتريش شركة واحدة منهم، أنت بتشتري كذا شركة مع بعض في شكل الصندوق ده، فالتنوع هنا موجود والاعتماد على الأداة بتاع الدولة لوحدها مش موجود هنا لإن أنت عندك توزيع في المخاطرة العالمية الموجودة
فيه مثلا واحد ممكن يقول لي كمان أنا مثلا عايز أستثمر في القطاع التكنولوجي ولكن الت قطاع التكنولوجي مثلا طلع فترة الأخيرة، يعني مثلا لو بصينا على العوائد بتاع قطاع التكنولوجيا في 5 سنين اللي فاتت أو 10 سنين فاتوا هنلاقيها أعلى من الـ S&P أو أعلى من متوسط العام بتاع السوق وأعلى من القطاعات الأخرى مثلا القطاع ده غلي فهو أنا مثلا مش عايز أستثمر فيه دلوقتي فبيختار صناديق تانية
واحد يقول لأ، أنا عايز أستثمر فيه، بس عايز أستثمر فيه بالراحة مش عايز أحط فلوسي كلها مرة واحدة عشان الأسعار عالية فاهستنى مثلا القطاع ده مع الوقت ينزل شوية بس هبتدى صغير دلوقتي فالميزة إن أنت لما تبتدي تتبع الصناديق دي بدري أو تبقى شايفها أو حاطتها قدامك في المحفظة بتاعتك أنت ممكن اللي حصل نزول جامد في السوق، تقدر تزود في القطاعات دي أو تقدر تتحرك من قطاعات لقطاعات يعني مثلا كنت شاري قطاع مثلا دفاعي زي الرعاية الصحية أو الخدمات والسوق بيطلع جامد والقطاعات الدفاعية دي ما بتتحركش، وبعدين حصل العكس إن حصل نزول جامد القطاعات دي وقفت حمتك وقطاع التكنولوجيا مثلا نزل بشكل جامد أكتر من القطاع الدفاعي، فأنت مثلا نقلت من القطاع الدفاعي للقطاع الهجومي أو القطاع إللي هو لو السوق طلع هو هيطلع أكتر من القطاعات الدفاعية
فأنت ممكن تتحرك ما بين ده وده ولكن أنا مش برشح لو أنت عايز تعمل محفظة متعملش فيها مجهود، مش برشح الإستراتيجيات اللي تقعد تتحرك من القطاعات أنا أكتر أرشح إن أنت تختار القطاعات اللي أنت شايفها قطاعات واعدة في المستقبل لمدة 10 ،15، 20 سنة بتحط فلوس بأجزاء قليلة كل شهر أو كل 3 شهور أو كل 6 شهور على حسب السياسة الاستثمارية بتاعتك وتفضل قاعد ومتتحركش على ده ما تقدر ولكن تبقى واخذ بالك برضه لو حصل نزول جامد ممكن تبتدي تزود في استثماراتك إن دي فرص دخول أحسن وهكذا
بس دي كانت كده ملخص سريع عن القطاعات في السوق الأمريكي دايما مفيش محافظة صحيحة ومفيش حاجة 100% كله يرجع لسياستك الاستثمارية اللي انت عايز تعملها، فيارب دي تكون حلقة مفيدة فتحت لكم الباب إن أنتوا حتى تتابعوا أو تحطوا الحاجات دي على الواتش ليست بتاعكوا تحطها في مثلا في الواتش ليست بتاعتك في شركة سمسرة أو تحطها لو أنت مشترك في خدمة أو على جوجل فاينانس أو على أي كان بتشوف أسعار الصناديق دي منين تبتدي تتابع أداء الصناديق دي
وأشكركم شكرا جزيلا إنتو قعدتوا معايا لحد هنا، ولو عندك أي أسئلة ليها علاقة بالقطاعات يا ريت تبعتوا لنا على صفحتنا، وأشوفكم إن شاء الله الأسبوع الجاي
Translation of some words and terms:
Access الوصول
Position مركز
Exposure التوسع
Assets الأصول
Market Cap القيمة السوقية
Expense Ratio نسبة النفقات
Holding شركة
Cloud Computing الحوسبة السحابية
Information Technology تكنولوجيا المعلومات
Cyber Security الأمن الإلكتروني
Sector قطاع
Rebalancing إعادة التوازن
Consumer Discretionary Sector قطاع السلع الاستهلاكية التقديرية
Revenue ربح
Healthcare الرعاية الصحية
Utilities خدمات
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينوّر #بودكاست #بودكاست_عربي #بودكاست_بالعربي #استراتيجيات #استثمار #صناديق_مؤشرات_متداولة #قطاعات