148. اللقاء الثاني مع ساكسو بنك - الجزء الأول
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
"ساكسو بنك يعلن عن تخفيض أسعار خدماته بنسبة تصل إلى 90% في أسواق الأسهم الأمريكية" ولذلك معانا النهاردة للمرة الثانية في كلام ينور أ/عمّار معلا في لقاء من جزئين بنغطي فيهم التحديثات اللي بيقدمها ساكسو بنك بشكل مفصل
ضيفنا هو أ/عمّار معلا مدير مبيعات "ساكسو بنك" (الإمارات) وخبرة في قطاع الخدمات المالية ومتخصص في المبيعات المباشرة وإدارة العلاقات
Ammar Moualla @LinkedIn :تقدروا تتواصلوا مع عمّار
https://goto.saxo/ky :زوروا منصة ساكسو بنك من خلال الرابط
: في الجزء الأول
(03:22) أنواع الحسابات الموجودة في ساكسو بنك؟ -
(04:47) تسعير الأسهم عامل ازاي في حسابات ساكسو؟ -
(07:19) التخفيض ده هيفيد مين؟ -
(08:53) هل التخفيض مطبق على الأسواق العالمية كلها؟ -
(09:48) هل عملت حد أقصى؟ -
(11:37) هل التخفيض ده مطبق على فئات أصول تانية زي السندات مثلاً؟ -
(16:50) هل في تغيير في رسوم عدم النشاط؟ -
(17:50) هل في تغيير في رسوم الحفظ؟ -
(19:14) كلمني على ردود فعل عملاء ساكسو على خفض الأسعار؟ -
(21:05) التخفيضات دي بتطبق مع المستثمر الجديد والقديم مع ساكسو؟ -
استنونا الاسبوع الجاي ان شاء الله في الجزء الثاني من لقائنا مع أ/ عمّار معلا
تابعوا حلقتنا واكتبولنا آرائكم بعد سماع الحلقة
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
أهلاً بيكوا في حلقة جديدة من بودكاست كلام ينور
النهاردة انا مستضيف معايا أ/عمّار معلا هو بيقود المبيعات في ساكسو بنك في مكتب الإمارات أتمنى تكون حلقة مفيدة هتلاقوا الروابط بتاعة ساكسو بنك وعمّار في الشو نوتس و هسيبكوا تسمعوا الحلقة
(01:25)
عمر: عمّارازيك؟ شكراً جداً على وقتك، النهاردة انت معانا للمرة الثانية في كلام ينور
حلقة النهاردة كان سببها إن في إعلان كبير حصل في ساكسو بنك وبما انكم راعاة معانا على البودكاست وطبعاً احنا مبسوطين جداً انكم معانا واعتقد الإعلان ده كمان هيفيد المستمعين المستثمرين أياً كان هو متداول يومي أو مستثمر طويل الأجل فحبيت اننا نعمل حلقة نغطي الموضوع ده وبرضه نتكلم على كذا سؤال في دماغي شكراً جداً على وقتك يا عمار
عمّار: اولاً شكراً كتير ليك على الاستضافه أول مرة عملنا بودكاست كان ممتع جداً وبيسعدني أكون معاك للمرة الثانية، وأكيد حابب نتكلم على الإعلان بتاع ساسكو والاسعار وكل التفاصيل معاك
عمر: هي كمان الإعلان ده حاجه تشدني انا بما اني بعمل بودكاست على الاستثمار فدايماً بنبص على حتة المصاريف الاستثمار فلما لقيت الإعلان ده وحصل بينا تواصل حبيت اننا نتكلم عليه بشكل مفصل لأن الموضوع برضه معقد للناس اللي مش في المجال انا ممكن ابقى فاهم انت ممكن تبقى فاهم بس حبيت المستمعين بشكل عام يفهموا اكتر
عمّار: صحيح، احنا لما عملنا اعلان اننا خفضنا تكاليف الاستثمار معانا كتير ناس في المجال ده حاولوا يتواصلوا معانا ويسألونا شو خفضوا؟ كيف انا ممكن استفيد منها؟ وده اللي موجود في المجال فما بالك بشخص مش بيستثمر ابداً أو ما عندو معلومات كافية فممكن نحكي عنه بالتفاصيل المملة لاحقاً في الحلقة وشو الفوائد وشو الجوانب السلبية اللي هي ما في أي جوانب سلبية ابداً
عمر: في التخفيض دايماً المنافسة بتبقى في مصلحة العميل في الاخر، دايماً تخفيض الاسعار بتبقى حاجه كويسة في مصلحة العميل ومع الوقت بتنعكس على الشركات ان ممكن الحجم بتاعتها أكيد يكبر فهو وضع مربح للجانبين اعتقد يعني
عمّار: صحيح
(03:22)
عمر: خلينا نبتدي كده نراجع مع بعض إيه هي أنواع الحسابات الموجودة عندك هبتدي من النقطة دي عشان أعتقد التسعير هيفرق على كل حجم حساب مظبوط؟
عمّار: صحيح، احنا بساكسو زي ما حكينا المرة الماضية بنقدم 3 أنواع حسابات الحساب الكلاسيكي هو عادة أي حساب بيتم الإيداع فيه أقل من 250 ألف دولار وعادة هو الخيار المفضل للمستثمرين، حساب البلاتينوم اللي هو 250 ألف دولار لمليون دولار وفي حساب الفي اي بي من مليون دولار لأكثر
الأختلاف صراحة كان سابقاً كبير ما بين الكلاسيك والفي اي بي، كنا بنقول ان الحد الأدني للصفقة بسوق الأسهم 11$ تقريباً للكلاسيك، بينما كانت 4$ للفي اي بي حالياً صار الحد الأدنى للأتنين 1$ شيلنا الفرق الكبير بين الحسابين لمصلحة المستثمر اللي حابب يبدأ برأس مال أصغر أو يضل على رأس مال صغير بشكل عام
البلاتينيوم ما بين الاتنين كان سابقاً 30% أقل تكلفة من الحساب الكلاسيكي بس لاحقاً لما نحكي بالتفاصيل هتشوف ان لسه في اختلاف لسه في أفضلية للبلاتينيوم عن الكلاسيك اللي هي احنا بنحكي تكلفة نقاط اساس بدل ما يكون تكلفة أسهم فبيضل البلاتينيوم ليه مكان مميز ما بين الأتنين
(04:47)
عمر: طيب تعالى نتكلم كده على أكبر حجم بيحصل على الأسهم، أعتقد هي أكتر حاجة فيها سيولة في الأسواق فتعالى نتكلم كده على تسعير الأسهم في الثلاث حسابات بيبقى شكله ازاي وانت قلت لي ان انت نقلت تسعيرك لنقاط أساس، تعالى نقول كده مثلا في كل حساب شكل التسعير عامل ازاي
عمار: تمام، اول شيء بس حابب اوضح ان حساب الفي اي بي هو اي حساب بيتم الإيداع فيه من مليون و250 ألف دولار فأكثر، بالنسبة للمقارنة من ناحية التكلفة هلأ عندك على الكلاسيك سابقا كانت اثنين سنت على السهم بس كان في حد أدني 10.99$ هلأ حالياً بالنسبة للكلاسيك هي 8 نقاط أساس كتكلفة للصفقة يعني الأمر ده بيعود على حجم الصفقة اللي بتكون فيها لنفترض اليوم اشتريت 4 أسهم قيمة السهم 500$ تقريبا سعر سهم تسلا الآن، بدل ما تكلفك 10.99$ هتكلفك 1.60$ الفرق شاسع في التكلفة ما بين الأتنين
اذا بدنا نقارنها مع البلاتينيوم هو 5 نقاط اساس فقط بينما الفي اي بي هما 3 نقاط أساس فقط
عمر: يعني معنى كده خلينا نقول لو انا مستثمر صغير وهعمل صفقة وهحط 1000$ همشي معاك تاني في الحسابات انت بتقول لو عندي حساب كلاسيك فانا هدفع 8 نقط أساس مظبوط
عمار: صح، يعني هتدفع 80 سنت فقط، اللي هو حد ادني 1$ فهتدفع 1$ فقط للصفقة
عمر: حلو جداً، أنا قبل كده كنت بدفع كام؟
عمار: 10.99$
عمر: يعني انت كأنك أدتني 90% تخفيض على التكلفة ده للمستثمر الصغير اللي لسه بيبتدي
عمار: صحيح
عمر: حلو جداً، البلاتينيوم هيدفع أقل هيدفع 50$ اللي هي 5 نقط أساس وبعدين الفي أي بي هيدفع 30$ على الـ 1000$ برضه مظبوط؟
عمار: لأ، على 5 نقاط أساس للبلاتينيوم راح يدفع 50 سنت والفي اي بي هيدفع 30 سنت إذا كانت قيمة الصفقة 1000$ انت عندك حساب بلاتينيوم مع ساسكو وعندك 1000$ حابب تستثمرها في شراء 4 أسهم قيمتهم 1000$ هتدفع بس 50 سنت اللي هي الحد الأدنى وبعدين بيصير 1$ ده اللي انت هتدفعه 1$ بينما الفي اي بي راح يدفع كمان 1$ بس التكلفة الفعلية ليه هي 30 سنت
(07:20)
عمر: التخفيض ده هيفيد مين؟ يعني انتو عاملينه لمين؟
عمار: للمستثمر باختصار شديد، حاليا التريند في السوق متجه للاستثمار يعني لما بتشوف كل الاخبار والتحاليل وتدخل بأحاديث مع الناس الكل مهتم يدخل بسوق الأسهم بشكل عام ويستثمر للمدى الطويل لعدة اسباب بس منطقة الشرق الأوسط بالدرجة الأولى باعتبار ان احنا مقيمين فيها احنا بنشوف ان المستثمرين بيواجهوا كتير من الإشكاليات في التكلفة وأنه ما بيعرف ليه التكلفه غاليه وما بيشوف الأنسب بالنسبة له حتى يجرب، التجربة ممكن تكون مكلفة في كثير أحيان والسبب لما بنبص على المتداول العادي اولا هو عارف شو هي التكاليف المرتبطة بالتداول بس المستثمر مش عارف وبناء عليه احنا بنحاكي المستثمر حتى يستثمر اكثر واسرع بتكلفه اقل يعني فيك تعتبر اننا هدفنا نسهل الوصول للأسواق للمستثمرين بالدرجة الاولى سواء المستثمر ده راح يحط 5000 دولار او راح يحط 10 مليون دولار راح يشوف المكان الأنسب ببنك عمره أكثر من 30 سنه عم يقدم خدمات على مستوى العالم فالمصداقية أعلى الموثوقية أعلى، حماية رأس المال موجوده منصة من الافضل عالميا بالإضافة الى تكاليف منخفضة يعني وضع مربح للجانبين باختصار
(08:51)
عمر: طيب الكلام ده مطبق على الأسواق العالمية كلها ولا ده على السوق الأمريكي؟
عمار: لأ على الأسواق العالمية كلها في تخفيض، بس الاهتمام العالمي بشكل عام على السوق الأمريكي، زي ما حكينا على السوق الأمريكي لو عندك حساب معانا في اي بي راح تدفع 3 نقاط أساس هنفترض على سبيل المثال عندك اهتمام بالبورصة الألمانية التكلفة هناك برضه 3 نقاط أساس بحد أدني 3 يورو بس
في عندك كمان البورصة الايرلندية كمان صارت 5 نقاط أساس، كانت سابقاً 8 او 10 نقاط أساس بحد أدنى 10 يورو صارت بحد أدني 5 يورو يعني بنحكي بأكثر من 50% تخفيض للحد الأدنى للصفقة
عمر: طبعاً الحد الأدنى ده حاجة كويسة جداً ان انت فعلاً شيلت حاجز على الناس الصغيرة اللي عايزة تستثمر بأرقام صغيرة انه يدفع في الصفقة 11$ أو اكتر ده كان مبلغ كبير
(09:48)
طيب كلمني هل في حد أقصى؟
عمار: راح جاوبك على الحد الأقصى، بس هضيف إضافة في ناس كتير بتحب تستثمر بشكل شهري تخصص جزء من مدخراتها شهرياً لتشتري أسهم بالبورصة، لما بيشوف ان كل صفقة هتكلفة 10$ لـ11$ بشكل عام لحتى يفتحها عم يجمع رأس ماله ويدخل صفقة واحدة لاحقاً واحنا بنعرف القاعدة الاساسية بالاستثمار اذا ما عم تستثمر اليوم فانت خسرت مصاري كل ما استثمرت اكتر كل ما كان افضل فاحنا كمان شيلنا الحاجز من الاشخاص اللي بيحبوا يستثمروا بشكل دائم شهري ربع سنوي او سنوي بحيث اني شلتلك التكلفة بنسبة 90% هي النقطة كمان تعتبر إيجابية للمستثمرين
بالنسبة للحد الأعلى هلأ سابقاً ساكسو ما كان عندها حد أعلى بس حالياً احنا ضيفنا حد أعلى للسوق الأمريكي لعدة اعتبارات، ممكن حضرتك كمستثمر حابب تدخل بمبلغ كبير بالسوق الامريكي بصندوق متداول لنفترض (اس ان بي 500) ممكن تحط 100 ألف أو 250 ألف دولار لما تطلع على 3 نقاط دولار التكلفة راح تكون كتير كبيرة عليه فمبدأياً عشان نكون على وجه أكمل من الشفافية مع المستثمرين لما بيكون عندك صفقة تكلفتها أكتر من 40$ ما رح تدفع أكتر من 40$ يعني لو كانت قيمة الصفقة دي 500 بناءاً على نقاط الاساس اللي اتكلمنا فيها اليوم على قيمة الصفقة اللي راح تفوت فيها ما راح تدفع إلا 40$ طبعاً دي حالات نادرة وقليلة بس حتى هي فكرنا فيها
عمر: حلو جداً
(11:37)
عمر: طيب احنا بنتكلم هنا على الأسهم لو روحنا لفئة اصول اخرى إيه اللي عملتوه في السندات لو حد بيستثمر في سوق السندات انا شايف برضه ان في قطع في العمولات بتاعتكم؟
عمار: السندات بشكل عام مع ساكسو بنك كانت من الأرخص يعني لو هتقارن مع بنوك محلية احنا بناخد على السند نسبة مئوية قليلة يعني بناخد 5 نقاط أساس من قيمة السند في حساب الفي اي بي وبناخد 0.05 يعني من 0.50 عشان نكون واضحين تمام
في عندك 10 نقاط اساس اذا كان حسابك بلاتينيوم وفي عندك 20 نقطة اساس لو حسابك كلاسيك فبحد أدنى للكل 20 يورو تمام التكلفة دي لو قارنتها بأي حد في السوق احنا من الأرخص في السوق مش هنذكر اسماء وارقام بس هي من الأرخص في السوق
نفس الأمر بينطبق في الصناديق المشتركة هي بالأساس مع ساكسو بنك هي من الأرخص حساب في اي بي بيدفع 10 نقاط أساس، والبلاتينيوم بيدفع 13 نقطة أساس والكلاسيك 15، والحد الأدنى هو 15 للكل باستثناء الفي اي بي 10 دولار
عمر: هايل، حلو جداً
عمار: لكمل على سؤالك وين احنا خفضنا في اهتمام متزايد بالاستثمار بالعقود وفي اهتمام متزايد للتداول الخيارات احنا بالاتنين خفضنا التكاليف بشكل كبير يعني احنا لما بنحكي عن العقود اول حاجه الحد الأدنى للصفقة 10.99$ كأنك عم تداول سهم عادي حالياً انت بتدفع ما يقارب 3$ للكلاسيك، 2$ بلاتينيوم، 1$ للفي اي بي عم تحكي كمان عن خصم كبير جداً على الفروقات
بالنسبة للخيارات حامل حساب الفي اي بي كان بيدفع 10.25$ صار يدفع فقط 75 سنت، الكلاسيك كان بيدفع حوالي 5$ تقريباً بقى بيدفع 2$ لا غير يعني الأدوات المالية اللي احنا بنشوف أن المستثمرين كانوا حابين يشوفوها ارخص صارت ارخص بالنسبة لينا احنا في اهتمام بالعميل متل ما بنحب نسميها او متل ما هو متعارف وكل ما كنا نشوف اداة مالية او اصل او اي شي العملاء بيفضلوا يشوفوها ارخص وافضل استجبنا لهاد الشي
ومن نقاط الاستجابة هي تبديل العملة اليوم لو بدك تحول تشتري لنفترض فوركس على سبيل المثال فأول شيء كنت تدفع عمولة تحويل لو حسابك في اي بي 30 نقطة أساس دلوقتي راح تدفع بس 25 نقطة اساس، لو كنت محول على حسابك معانا 100 ألف درهم إماراتي هتوصل لحسابك في ساكسو وتحولها للدولار لو حسابك كان كلاسيك راح تتخصم عليك 1% عمولة تحويل حالياً بس 0.025 يعني كمان خصم 75 على التحويل هاي من العمولات اللي الناس ما كتير بتلاحظها بس احنا فكرنا فيها وخفضناها يعني لما بتحول فلوس ما كتير بتطلع على هالفرق البسيط بس احنا اطلعنا عليه
عمر: والله انا كان في ناس من صحابي يمكن حتى يكونوا بيسمعوا الحلقة دي كان يقولي على فكرة انا بحول فلوسي وفلوسي بتوصل هناك ناقصة ليه لأن هو بيحول مبالغ صغيرة انا مش بتكلم عن ساكسو انا بتكلم عن سمسار اخر أو بنوك ما بين بعض، الناس مبتبقاش فاهمة الحاجات البسيطة دي مين بياخد المصاريف اللي في النص لو انا بحول عملة وهتوصل لحساب بعملة تانية بنلاقي ان بيحصل رسوم العملات الأجنبية دي حاجه انا معنديش تحكم فيها النهاردة انت بتقولي ان التحويل ده محدد بـ 25 نقطة اساس لأ بالعكس الحاجات دي مهمه ومهمه كمان للناس اللي هتعمل تحويلات كتيرة صغيرة لأنها مع الوقت الحاجات دي هتجمع مصاريف والفكرة من الحلقة دي ان الناس تفهم التكلفة الحقيقية بتاعة الاستثمار يعني هو ده الهدف احنا بناخد ساكسو كمثال لمنصة تقدر تنفذ عليها حاجه زي كده فهي حاجه مهمه جداً
حاجة تانية صاحبي ده برضه هو هو كنت بسأله على لو المنصة بتاعتك المصاريف بتاعتها عالية جمع استثماراتك واعمل الاستثمار بتاعك كل 3 شهور بدل كل شهر عشان متدفعش عمولة زي ما انت قولت بالظبط بس بالطريقة دي لما تخفض العمولات هتخليه يعمل 3 مرات بدل ما يعمل مره واحدة
عمار: صح، كمان في نقطة انا حبيت اضيفها للموضوع ده احنا بالنسبة لينا كناس موجودة في السوق انا وانت والمستمعين الموجودين في السوق بيسمعوا كتير عبارة "مفيش عمولات مخفية" دي بتعتبر نوع من العمولات المخفية بطريقة او بآخرى لما بتكون بتدفع رسوم تحويل ومش حاسبها لما بنقول مفيش رسوم مخفية وحطينلك على الويب سايت كل المصاريف الموجودة بأدنى ما يمكن فنحن عم نكون صريحين وواضحين معاك لأبعد مثال
(16:50)
عمر: حاجه برضه من الحاجات المهمه جداً يا عمار عمولة عدم النشاط احنا اتكلمنا عليها الحلقة اللي فاتت اللي هو لو حد اشترى اسهم ومعملش تداول على الحساب هل غيرتوا موضوع عدم التداول؟
عمار: غيرناه متل ما حكينا بالبداية احنا اهتمامنا تجاه المستثمرين بالدرجة الأولى بهاي الفترة المستثمر بطبعة ممكن يحط أمواله أو مدخراته على جنب ويشتري اسهم ويتركها بناءاً عليه ممكن يمر اكتر من 6 أشهر هو ما يعمل اي صفقة بيع او شراء هو حاطت استثماره وماشي كان بيدفع 150$ عمولة عليها او كان مضطر يتفاداها بإنه يفتح صفقة مش مضطر عليها او يقفل جزء من الصفقة اللي عنده وهو مش عاوز بس يوفر على حالة هاي لغيناها بيضل الحساب 4 سنين بدون ما يفتح اي صفقة ما في عليها لا عمولات عدم نشاط ولا عمولات صيانة متل ما بعض الوسطاء الماليين بيسموها
(17:50)
عمر: المصاريف التانية اللي انا عارفها موضوع الحفظ هل غيرتوا مصاريف الحفظ بتاعتكم؟
عمار: الصراحة ما غيرنا مصاريف الحفظ بتاعتنا لأنها بالدرجة الأولى كانت منخفضه، بس شيلنا الحد الأدنى بتاعها يعني أول شيء كان عندك حد أدنى 5$ في الشهر يعني بتدفع في السنة 60$، لنفترض حتى لو كان عندك اسهم بقيمة 5000$ راح تدفع 60$ بالسنة فلبعض المستثمرين ما كانت ملائمة بطريقة او بآخرى فنحنا تركنا عمولة الأحتفاظ 15 نقطة اساس للكلاسيك، 12 نقطة اساس للبلاتينيوم، و5 نقاط اساس فقط للفي اي بي تركناها هيك بدون حد أدنى باختصار
يعني أول شيء كان لازم يدفع حد ادني بالشهر 5$ هلأ ما عاد هاي موجودة، شو حامل اسهم بتدفع عليها عمولة احتفاظ ببساطة، تغييرات إضافيه على تكلفة الاستثمار مع ساكسو بنك ما في كتير شي ينحكى فيه تقريباً ده كل شيء بس حتى التغير كبير بما فيه الكفاية لحتى يلفت أنظار المستثمرين بالسوق وحتى المنافسين يعني احنا حتى بنفتح الباب للمنافسين يخفضوا اسعارهم أكتر لمصلحة المستثمر
(19:14)
عمر: كنا اتكلمنا قبل التسجيل ان ده عامل ضغط عليك في الشغل الفترة دي، نتمنى دايماً النجاح ليكم والناس كلها في المجال يعني.. كلمني عن ردود الفعل من ناحيتك اللي انت شايفها
عمار: ردود فعل المستثمرين معانا في كتير ناس بيوصلك اتصال او ايميل انه فعلياً انتو خفضتوا الأسعار؟ ساكسو بنك خفض الأسعار.. آه خفضنا الأسعار ليش متفاجئ، طب انا كنت بدفع 11$ على الصفقة راح ادفع بس دولار! صحيح طيب لأي مدة؟ ما في مدة انه خلاص نزلت الاسعار، دي مش تخفيضات الكريسماس ده تخفيض جه لحتى يضل، فـ 90% من العالم اللي انا حكيت معاها شافته شيء ممتاز يعني انا بنفس المنصة اللي انا مرتاح فيها وفيها كل شيء انا بدفع أقل
يعني كان لسه في نسبة قليلة من المستثمرين بيقولولي طيب انا مرتاح معاك بالمنصة وبالخدمة بس التكاليف شو عالية هلأ ما ضل عنده البس، نسبة قليلة من الناس نوعاً ما حست حالها مش مشمولة بها لتخفيض، بعضهم ممكن بيتداول فوركس بس انا لسه الانتشار بتاعي 5 بيتس على يورو يو اس دي لحساب بلاتينيوم ممتاز ما راح ينزل اكتر من هيك مبدأياُ، طبعاً ده مش وعد بس انما حديث يستثمر انه ان شاء الله زي ما هدفنا في الاخر اننا نخدم المستثمر راح نوصل اننا نخدم المتداول بعمولات أقل بخدمات اكتر وأوسع وأشمل فالتغيير قادم
(21:05)
عمر: تمام، وطبعاً ده انت جاوبت على سؤالي اللي كنت هسأله الكلام ده مش للمستثمرين الجداد ده يطبق على المستثمرين حتى اللي فتحوا معاك قبل كده؟ مظبوط؟
عمار: صحيح
عمر: يعني ده مش عرض مثلاً للناس الجديدة اللي هتفتح النهاردة، لأ ده للمستثمر الموجود مع ساكسو او اللي هيتفح حساب جديد النهاردة
عمار: اه والمستثمر الموجود مع ساكسو عارف قبل بشهر اننا راح نخفض الاسعار وكيف راح نخفضها لأنه بيهمنا العميل اللي معانا خدمته بالدرجة الأولى وبعد شهر مما هو عرف الناس عرفت حتى صرنا نعمل ترويج لهالموضوع
(21:40)
عمر: انا النهاردة قبل ما أنفذ أي صفقة النظام بيطلعلي انا هدفع عمولة قد إيه مظبوط؟ يعني أنا النهاردة انت ذكرت مثال سهم تسلا مثلاً هشتري سهم واحد من تسلا وبفتح تذكرة تداول اختار السهم من على المنصة وبقول انا عايز اشتري سهم واحد لتسلا او أبل مثلاً في التذكرة نفسها قبل ما احط الطلب بيبين لي العمولة صح؟
عمار: صحيح، هتشوف العمولة والسعر وفي عندك بتذكرة التداول ودي حاجه بحبها جداً في ساكسو وانا مش بقول كده لأني في ساكسو اللي هو ما كتير بتشوفه عند كتير وسطاء ان التذكرة دي تقريباً فيها كل شيء انت محتاج تعرفه عن الصفقة اللي هتكون فيها
يعني في أعلى التذكرة على اليمين في عندك عنصر معلومات صغير دائرة فيها حرف أي بتخبرك شو العمولة بالتفصيل متل ما شايف معي ان العمولة هنا 5 سنت هاي السنت هي 5 نقاط أساس على قيمة الصفقة تمام وعلي بورصة موجودة شو أوقات التداول وإذا بدك تتطلع على التكلفة لنفترض بدك تحمل هاي الصفقة لمدة شهرين، طبعاً لمستثمر ما راح تفرق معاه بس لمتداول راح تفرق معاه لأنه عنده رسوم التمويل لليلة واحدة راح توريك التكلفة بتاعتها ففي معلومات شاملة
عمر: تمام في شفافية للصفقة قبل ما تنفذها بتعرف انت هتتكلف قد إيه من خلال تنفيذ الصفقة دي وبرضه بيبن لي على التذكرة أنا قد إيه عندي كاش في الحساب واقدر اشوف عندي رصيد هقدر انفذ الصفقة دي ولا لأ
عمار: صحيح، هلأ كمان اذا بدك تطلع على العقود مقابل الفروقات على سهم أبل على اليمين بتضغط عليه وتقول عاوز اشتري لنفترض 100 هتقولك الحد الادنى لتكلفة الصفقة شو مفروض يكون في حسابك لحتى فيك تنفذ الصفقة بالاضافة للفوائد اليومية عليها
عمر: تمام، ده اللي هو عقود الفروقات ودي بتبقى أداة مالية للمستثمر اللي هو بيبقى محتاج تمويل صفقة فيها هامِش
عمار: صحيح، طبعاً اهمية تذكرة التمويل انه المتداولين بشكل عام دايماً بيرجوا للموقع تبع الوسيط او المنفذ اللي بيديهلهم الوسيط أو السمسار أو الخدمة لحتى يشوفوا هاي التفاصيل.. لأ مع ساكسو بتشوف هاي التفاصيل من ضمن المنصة كل شيء محتاجه الموقع قليل الاستخدام بطريقة او بأخرى لحتى تعرف معلومات أساسية عن التداول بتاعك على الحساب
عمر: تمام اعتقد كده احنا خلصنا الحتة بتاعة العمولات عايز اشكرك جداً انك وضحتلي الاسئلة اللي كانت في دماغي او في دماغ أي حد بيستخدم المنصة شكراً جداً على التغطية بتاعة الموضوع ده
عمار: شكراً إليك
عمر: وبكده نكون وصلنا لنهاية الجزء الأول شكراً جداً على وقتكم معانا وان شاء الله عمار هيبقى معانا في الحلقة اللي جايه هنغطي برضه مواضيع مهمة فشكراً على وقتكم و اشوفكم الاسبوع اللي جاي
Translation of some words and terms:
Announcement إعلان
Sponsor راعي
Day Trader متداول يومي
Long Term Investor مستثمر طويل الأجل
Competition المنافسة
Volume حجم
Win-Win Situation وضع مربح للجانبين
Liquid سيولة
Basis Points نقاط أساس
Actual Cost التكلفة الفعلية
Minimum الحد الأدنى
Exchange Trading Fund = Etf صندوق متداول في البورصة
Bond سند
Feature ميزة
Currency Conversion تحويل العملة
Afix إصلاح
Fx Fees رسوم العملات الأجنبية
No Hidden Fees لا توجد رسوم مخفية
Activity Fee مصاريف عدم النشاط
Maintenance Fees رسوم الصيانة
Custody Fees عمولة احتفاظ
Spread الانتشار
Trading Ticket تذكرة تداول
Information Element عنصر معلومات
Commission عمولة
Overnight Financing Fee رسوم التمويل لليلة واحدة
Cfd العقود مقابل الفروقات
Margin هامِش
Portal منفذ
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينوّر #بودكاست #بودكاست_عربي #بودكاست_بالعربي #ساكسو_بنك #اللقاء_الثاني #الجزء_الأول