كلام ينور رحلة طويلة بدأت بفكرة وكبرت معاكم! وقدرنا نوصل لـ 200 حلقة مليانة نقاشات، أفكار، وضيوف مميزين! احنا وصلنا لنهاية الموسم الأول من كلام ينوروهنرجع لكم قريب جدًا بمحتوى أقوى! استنونا

النهاردة بنحتفل معاكم بالحلقة رقم 200 من بودكاست كلام ينور، فلاش باك مدته ساعة لحلقات البودكاست بداية من الحلقة 101

التحيز .. ولأن الناس ديماً بتتأثر بتحيز معين أو بتنحاز لفكرة معينة وقت اتخاذ القرارات تحديداً.. في حلقة الإسبوع ده بنتكلم عن أكتر 7 تحيزات بيأثروا في قراراتنا في البدايات واللي درس علم نفس هيبقى فاهم احنا بنتكلم على ايه ولكن احنا هدفنا ديماً تبسيط المعلومة بشكل يفيدنا في المجال المالي بشكل عام .. إعادة

حلقة النهاردة هي مقارنة بسيطة بين الأسهم والسندات كأدوات للتمويل الأساسية والمتداولة بشكل كبير جداً في الوسط المالي.. يعني إيه سهم ، يعني إيه سند ، إيه المميزات او الفروق بينهم وازاي بتحقق العوائد منهم.. إعادة

عالم الشركات الناشئة عالم معقد وفيه تفاصيل كتير.. ازاي تبدأ شركتك الناشئة ، لو عندك فكرة ازاي تجربها وكمستثمر ازاي تبص على الأفكار الناشئة من الناحية المالية والإدارية وكل الحاجات دي هنتعرف عليها مع أستاذ أمين الخولي ضيفنا في كلام ينور - إعادة

الخسارة مصطلح بيتكرر كتير جداً في عالم الاستثمار بشكل عام.. يعني إيه خسارة؟ وليه بتحصل؟ ازاي ممكن تتعامل معاها؟ في حلقة النهارده بنتكلم على الخسارة والأحاسيس اللي بيمر بيها المستثمر في المرحلة دي.. - إعادة

بنتكلم في حلقة النهاردة عن ازاي الضغط المجتمعي بيأثر على قراراتك المالية وصحتك النفسية، من خلال 8 نقط ازاي المجتمع بيضغط عليك وازاي تتجنب الضغط ده - إعادة

مع بداية 2025 حبينا نبدأ معاكوا السنة الجديدة بالموضوع الأشهر على الإطلاق وأكتر الاسئلة اللي بتجلنا "أنا مش عارف أعمل ميزانية ، ابدأ منين وازاي؟" في حلقة النهاردة بنعرّف المزانية ، ازاي تعمل ميزانية؟ إيه فوايد الميزانية؟ إيه أهداف الميزانية ؟ إيه اللي أنت محتاج تحققه من الميزانية؟ وبنرد على كل التساؤلات الخاصة بالميزانية - إعادة

مع بداية كل سنة بتبتدي تحضر للسنة الجديدة سواء في شغلك أو في حياتك أو في مشاريعك أو أهدافك وفي المجال المالي بناخد بداية السنة فرصة أنك تشوف عملت إيه في السنة اللي فاتت وتوقعاتك إيه للسنة الجديدة وإزاي تكون صورة مالية عن نفسك هتقدر من خلالها تاخد قراراتك استثمارية بشكل أفضل في المستقبل - إعادة

بمناسبة إن دي آخر حلقة في 2024، حبينا نفكركم بحلقة مهم جدًا تسمعوها قبل ما تبدأوا تخططوا لأهداف السنة الجديدة، الحلقة دي هتساعدكم تعملوا تقييم شامل لأداءكم خلال السنة اللي فاتت، وتحددوا إيه اللي محتاج يتغير أو يتطور، عشان تبدأوا 2025 بخطة واضحة وأهداف واقعية

في الجزء الـ 16 من حلقات ما يسأله المستمعون، بنجاوب على أهم الأسئلة اللي وصلتنا من مبادرة #كلم_عمر، اللي كنا أعلنا عنها من فترة، الأسئلة غطت مواضيع مهمة زي التمويل الشخصي، الاستثمار، التقاعد، تكوين الثروة، وازاي ننقلها للأجيال اللي جايه

القرض رحلة بتقعد معاك فترة طويلة ممكن توصل لـ25 سنة في بعض الدول ، فلازم وانت بتاخد القرار ده تكون فاهم ايه توابعه عليك. حلقتنا هي محاوله منا لتبسيط المفاهيم الصعبة عشان تفهم يعني ايه أقتراض ، أنواع القروض المختلفة وازاي البنك بيحسب الفوايد على القروض - إعادة

في حلقة النهارده بنتكلم عن سر اختفاء الثروات العائلية بعد الجيل التاني أو التالت موضوع يهم أي أسرة أو شخص بيحاول يبني ويحافظ على ثروته. هنتناقش في الحلقة الاسباب اللي بتخلي الثروات تضيع مع مرور الوقت وإزاي العائلات تقدر تحافظ عليها وتضمن استمراريتها عبر الأجيال

بنكمل النهاردة الجزء الأخير من حكاية هريسة الحلبي واحدة من أنجح الأمثلة للفاميلي بيزنس في مصرمع أ/ يحيى الحلبي المدير التنفيذي للحلبي اللي بيحكلنا قصة نجاح شركة عائلية من محل صغير في محطة الرمل إلى مؤسسة كبيرة - الجزء الثالث

بنكمل النهاردة قصة واحدة من أنجح الأمثلة للفاميلي بيزنس في مصر، هريسة الحلبي واللي امتدت جذورها من سوريا إلى إسكندرية، معانا النهارده أ/ يحيى الحلبي المدير التنفيذي للحلبي بيحكلنا قصة نجاح شركة عائلية من محل صغير في محطة الرمل إلى مؤسسة كبيرة - الجزء الثاني

هريسة الحلبي واحده من أنجح الأمثلة للفاميلي بيزنس في مصر، واللي امتدت جذورها من سوريا إلى إسكندرية، معانا النهارده أ/ يحيى الحلبي المدير التنفيذي للحلبي بيحكلنا قصة نجاح شركة عائلية من محل صغير في محطة الرمل إلى مؤسسة كبيرة - الجزء الأول

حلقة النهاردة هي دي دليلك الشامل لاختيار السمسار المناسب، بنتكلم عن أهم 10 نقاط لازم تراعيها في اختيار السمسار المناسب ليك بداية من أهدافك الاستثمارية، للتكاليف، وكمان الأدوات و الخدمات اللي بيقدمها كل سمسار 

موضوع حلقتنا النهاردة عن الحسابات البنكية أول وأهم الأدوات المالية اللي هتساعدك تبدأ خطواتك إلى الاستقلال المالي، بنتكلم على أنواعها والفرق بينها وازاي تقدر تستفيد من الحسابات دي في تحقيق أهدافك الاستثمارية - إعادة

عشان ناس كتير بتلاقي صعوبة في البداية وبتحتاج دعم وقت اتخاذ القرارات المالية بنقدم لكم مبادرة جديدة من "كلام ينور" وهي (مكالمة مجانية) مع عمر بشكل مباشر هتقدروا من خلالها تسألوا وتتناقشوا في أي موضوع يخص المال أو الاستثمار بشكل شخصي

في الحلقة النهاردة بنناقش موضوع مهم جدًا وهو إزاي ممكن نقيّم المخاطرة في استثماراتنا، وخصوصًا من خلال مفهوم الـ Drawdown. ناس كتير بتخاف تستثمر لإنهم مش فاهمين المخاطر اللي ممكن يواجهوها، الحلقة دي هتساعدك تفهم مفهوم المخاطرة بشكل أعمق.