200. الحلقة ٢٠٠
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
النهاردة احنا بنحتفل معاكم بـ 200 حلقة كلام ينور، لما كلام ينور تم 100 حلقة قدمنالكم حلقة بعنوان 100 حلقة في 60 دقيقة ، وكانت مقتطفات سريقة لأول 100 حلقة في البودكاست، النهاردة احنا بنكمل معاكم مقتطفات سريعة للـ 100 حلقة التانيين
للناس اللي بتسمعنا لأول مرة الحلقة دي ممكن تكون فرصة حلوة انكم تتعرفوا علينا بسرعة، وتعرفوا احنا قولنا إيه في الحلقات اللي فاتت ولو في أجزاء عجبتكم ممكن ترجعوا تسمعوا الحلقات بالكامل
في الجزء الخاص بالـ Transcript هتلاقوا الحلقة كلها مكتوبة بالدقايق وعنوان كل حلقة عبارة عن Hyperlink هيوديكوا على طول على الحلقة عشان تقدروا تسمعوها أو تقرأوها كامله
وفي النهاية، من قلبنا بنشكر كل مستمعينا وضيوفنا على الوقت والمجهود، وعلى مساعدتهم أن البودكاست يكمل للحلقة الـ 200 ، شكرا جدا على استماعكم للبودكاست وعلى تفاعلكم معانا، وديماً هنستنى منكم تبعتولنا آرائكم ومقترحاتكم وإيه المواضيع اللي حابين نتكلم فيها في الحلقات القادمة بإذن الله
تابعوا حلقتنا واكتبولنا آرائكم بعد سماع الحلقة
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
أهلا بيكم في حلقة جديدة من بودكاست كلام ينور
النهاردة الحلقة رقم 200 أنا عن نفسي مش مصدق إن إحنا بقالنا 200 أسبوع معاكم في كلامي ينور فأول حاجة بس عايز أشكر كل الناس اللى بيسمعونا وعلى الدعم وعلى الرسايل وعلى الناس اللي قابلتها خلال الرحلة بتاعة كلام ينور بشكر كل واحد فيكم على وقته وأتمنى إن يكون البودكاست يعني فادكم أو غير من طريقة تفكيركم في الحاجات المالية
الفترة الأخيرة اتكلمت مع ناس وان أون وان بشكل كبير، وكانت تجارب لذيذة، جدا بالنسبالي إني أتعرف على الناس و أتعرف على الناس اللى بيسمعونا شخصيا أعرف قصصهم، أعرف مشاكلهم بشكل عام، الموضوع ده بيساعدني إن أنا أفكر بشكل أحسن بيساعدني إن أكون حلقات أو أحاول أعرف الناس عايزة تسمع إيه بشكرهم على وقتهم، وبرضو أتمنى يكون المقابلات دي مفيدة للناس
زي ما عملنا كده في حلقة 100 إن إحنا عملنا مقتطفات من الحلقات القديمة، النهارده برضو هنعمل نفس الموضوع بحيث إن الناس ممكن تكون تسمع مثلا أجزاء معينة في حتة معينة من حلقة معينة فيرجعوا يسمعوا الحلقة لو هي مفيدة وبرضو إحنا بنحتفل معاكوا بالـ 200 أسبوع، ونحاول نفكر نفسنا ونسمع برضو الحلقات معاكوا فبشكر التاني جدا الناس على وقتها وعلى مجهودها معانا، ومساعدتنا في إن إحنا نطور المحتوى بتاع الكلام ينور وهسيبكوا تسمعوا المقتطفات
02:27
الحلقة (101): رحلة لعالم الدفع الإلكتروني - الجزء الأول
النهاردة أنا معايا الرئيس التنفيذي لشركة الأهلي ممكن للمدفوعات الإلكترونية، شركة مصرية مرخصة بتساعد الناس على تنفيذ عملياتهم إلكترونياً أنا بالنسبالي كان الموضوع جديد عليا، عايز اعرف برضه في الخلفية إيه اللي بيحصل، كلنا طبعاً بنعمل عمليات من خلال كروت الإئتمان أو من خلال كروت الخصم المباشر أو المحافظ الإلكترونية ولكن هنلاقي إن في أطراف كتير ورا الموضوع ده هناقش مواضيع زي الأمن الإلكتروني وأمن الشبكات، هناقش موضوع البيانات، موضوع الناس اللي بتشتغل ازاي الناس بتتعين مثلاً في الشركات دي وإيه المعايير اللي الناس بتدور عليها عشان يشتغلوا في الشركات دي أحمد خبرة طويلة في المجال فوق الـ 20 سنة، وعنده خبرة كبيرة في مجال التكنولوجيا المالية فأنا مبسوط جداً ان انا استضفت أحمد النهاردة ويارب الحلقة تعجبكم
03:20
الحلقة (102): رحلة لعالم الدفع الإلكتروني - الجزء الثاني
بص احنا الشغلانه بتاعتنا، المجال بتاعنا ده بيسموه فنتك كلمة تك دي نص شغلنا تكنولوجي والتكنولوجيا دي دلوقتي بقى التغيير فيها يعني زمان كان في مقولة كده شفناها لعالم اللي كانوا بيشتغلوا مع بيل جيتس أن التغيير اللي في التكنولوجي مبيبقاش منحنى بيبقى منحنى أسي يعني كل ما الوقت يعدي كل ما سرعه التغيير بتزيد قوي قوي يعني زمان عشان تطلع من بنتيوم 2 لبنتيوم 3 قعدوا 10 سنين، دلوقتي عشان تطلع من كور اي 7 لكور اي 9 حصل في سنتين فأنت لازم يبقى عندك نفس الديناميكية عشان تقدر تكمل زي ما انت قولت كده بالظبط خلاص مبقاش في حاجه اسمها خبير في حاجه اسمها حد اشتغل الشغلانه دي بس لازم يقعد كل يوم يتعلم يا اما خلاص هيبقى قديم
04:05
الحلقة (104): متوافق مع الشريعة الإسلامية
ازاي استثمر فلوسي بطريقة متوافقة مع الشريعة الإسلامية؟ ولو مشينا كده الأصول واحده واحده يعني خلينا نقول انا روحت فتحت حساب في البنك، حطيت فلوسي في البنك، عايز أشتري بقى بالكاش ده حاجه والبنك ده إسلامي زي ما اتفقنا
نادر: بص هو أول حاجه وأسهل حاجه الدهب والفضة والحاجات دي يعني دي من الحاجات اللي طبعاً حلال وتعتبر حاجه ممكن سعرها يزيد بالوقت فكل المكسب بيبقى من الأصل نفسه اللي هو الدهب أو الفضة فده من أسهل الحاجات اللي يكون متوافق مع الشريعة الإسلامية
04:47
الحلقة (105): العربيات المستعملة مع سيلندر - الجزء الأول
الهدف من الاسم اننا كنا عايزين اسم مرتبط بالعربية ومتعدد اللغات يعني لو انت في مصر وبتتكلم عربي تعرف الكلمة ولو انت في بلد تانية غير مصر تعرف الكلمة فـ سيلندر كانت بالنسبالنا الكلمة اللي بترتبط في دماغنا لما تقول سيلندر هيجي في دماغك العربية لو بتتكلم عربي هتعرف تقولها لو بتتكلم إنجليزي هتعرف تقولها فدي كانت الفكرة اننا نجيب الكلمة دي يعني
05:15
الحلقة (106): العربيات المستعملة مع سيلندر - الجزء الثاني
التمويل هاخد وقت قد إيه عشان يجيلي التمويل بتاعي؟
نص ساعة، احنا عندنا كذا شريك اللي بنشتغل معاهم، عندنا فاليو، عندنا بنك الإستثمار، عندنا شركة اسمها أولين، عندنا بنك تجاري كبير خلاص بنمضي معاه اخر الشهر ده بس طبعاً انت عارف كل واحد له طبيعته كوقت عشان يعرف يديلك الموافقة على التمويل بس حد زي فاليو بيعرف يدي موافقة في 30 دقيقة
05:43
الحلقة (107): الاستثمار في زمن التضخم
أسباب التضخم ترجع لحاجات اقتصادية معقدة لها علاقة بالدولة، لها علاقة بحاجات كتير ولكن انا عايز ابص عليها من ناحية الفرد ازاي يتعامل في هذه الظروف، ازاي يستثمر، هنبص على فئات الأصول وبعدين عايز اتكلم على زي ما بنقول في الظروف دي ايه اللي بيحصل ان الطبقة المتوسطة هي اكتر طبقة بتضر، ازاي نتجنب الموضوع ده وازاي نقدر نعدي من فترات التضخم العالي لانها بتبقى صعبه جدا على الناس
06:14
الحلقة (108): التحيز للاستثمار المحلي
النهاردة انا عايزه اتكلم على موضوع له علاقة بالتحيزات في الاستثمار، التحيزات تعتبر مخاطرة لصانع القرار في محفظته، وانا النهارده بعمل المحفظه بتاعتي التحيزات دايما بتخليني أخد قرارات عشوائية أو عاطفية مكنتش المفروض اخدها، النهارده هتكلم على التحيز اللي له علاقة بالبلد اللي انت عايش فيها، بنلاقي ان الحاجه دي عالميه مش موجوده بس في دولة معينة، بنلاقيها في الأسواق الناشئة وبنلاقيها في الأسواق المتطورة الكبيرة زي امريكا وانجلترا واليابان واستراليا هنتكلم على شويه إحصاءات بتأكد وجود نوع التحيز ده
06:57
الحلقة (109): ازاي تتعامل مع الخسارة
النهاردة أنا عايز أتكلم على موضوع الخسارة، الخسارة هو مصطلح مكرر كتير في عالم الاستثمار، هنلاقي أفلام كتير أو اي حاجه بتتكلم على البورصة او الاستثمار بشكل عام، رواد الأعمال، المستثمرين في جميع المجالات، كلمة الخسارة مرتبطة جدا جدا جدا بالاستثمار انا عايز النهارده اكسر كده الكلمة يعني ايه خساره؟ وليه بتحصل؟ ازاي ممكن تتعايش معاها؟ وايه سببها اصلا اللي بتخلينا نفكر فيها؟ حاجات كده كتير ليها علاقة بكلمة خسارة
07:33
الحلقة (110): ما يسأله المستمعون - الجزء التاسع
سؤال بيقول لو هبدأ البيزنس الخاص بيا احط قد ايه من استثماراتي فيه؟
ده من احلى الاسئلة اللي ممكن تكون جاتلي لسبب ان هنا التحجيم مهم جدأ جداً يعني انا دايما كنت بتكلم على مش لازم تبقى فأحسن فكرة استثمارية، مش لازم تبقى فى أحسن حاجه هتجيبلك عائد لانك لسه متعرفش انت لسه بتبدأ وبتجرب ولكن لما هتاخد مخاطرة في مشروع خاص التحجيم مهم جدا
08:00
الحلقة (111): ما يسأله المستمعون - الجزء العاشر
ايه النصايح اللي تقدر تقولها لنا عن استخدام الذكاء الاصطناعي في الاستثمار؟
انا هنا هروح اكتر للناس اللي هي مهتمة بالبورصة أو بتكوين المحافظ الاستثمارية أيا كان فئة الأصول هم دول اللي ممكن يستخدمه اكتر الذكاء الاصطناعي في تحسين العملية كواحد مثلا مدير صندوق عايز يستخدم الذكاء الاصطناعي ان هو يعمل محفظه بشكل احسن ياخد بيانات كثير ويحللها يعني رسوم بيانيه بطريقه اذكى ولكن على مستوى الانسان العادي اعتقد ما زال ان انت تلتزم بالميزانيه وان انت يبقى عندك فائض في دخلك وان انت تستثمر في اصل يجيب لك فلوس والقصد ده ممكن ما يبقاش انت بتعمل فيه مجهود خالص زيك ما قلنا امثله كتير جدا زي مثلا بتشتري ذهب او بتشتريه عقار للايجار او تشتري اسهم او بتستثمر في حصه انت ما لكش دعوه في الشركه اصلا هي بتدير نفسها الحاجات دي انت مش محتاج فيها الذكاء الاصطناعي النهارده ان انت تختارها لان في ادوات جاهزه وممكن آلية اتخاذ القرار انت ما تعملهاش حد يعملها بالنيابه عنك
09:05
الحلقة (113): حوار مع مستثمر ملائكي - الجزء الأول
النهارده اول حلقة من حلقات هنتكلم فيها عن الاستثمار في الشركات الناشئة أو الاستثمار المخاطر، هيبقى معايا ماري تيريز في مجموعة حلقات عملناها، فكرنا ازاي ممكن نجيب ضيوف تساعد الناس انها تسمع التجارب بتاعتهم من خلال ان هم ازاي مستثمرين او واحد رائد اعمال او ناس بتشتغل في المجال ده.. النهارده معايا أول حلقة وأول ضيف في المجموعة دي أحمد متولي هو مستثمر ملائكي عنده خبره طويله في المجال، هو دلوقتي مستشار بيساعد الشركات الناشئة وبيستثمر بشكل مباشر في مجموعة افكار بتجيله هنسمع حاجات كتير جدا في المجال ازاي الناس بتبتدي رحلتها في المجال عمل ايه؟ وازاي أنشأ المجموعة الخاصة بتاعته؟ ازاي بيجيب الأفكار ويستثمر فيها؟
10:05
الحلقة (114): حوار مع مستثمر ملائكي - الجزء الثاني
إيه فئات الأصول الجانبية اللي انت بتحطها جنب استثماراتك في الشركات الناشئة عشان المحفظة اللي هي بشكل أكبر اللي هي صافي القيمة بتاع أحمد أو عمر أياً كان هل بتحط جنبة عقارات، هل بتحط أسهم، هل بتحط خليط من كل حاجه .. ازاي بتفكر في الحتة دي؟
أحمد: طبعاً زي ما انت قولت يا عمر هو انا ببص على التنوع كهدف أكبر ورا إننا دايماً ببص على كل حاجه مش حاجة واحدة بس زي ما انت قولت لو عقار بيبقى جزء من الحاجه اللي بتحصل فيها استثمار، لو أسهم بحط حاجه في أسهم بس لو بحط بحط أقل لأن الأسهم الطلوع والنزول فيها ساعات بيبقى فيها مخاطرة أعلى وأصول بقى زي الدهب لانه حاجه من الحاجات اللى بتبقى ماسكة نفسها، بره بيبصوا على الكريبتو (العملات المشفرة) دي حاجه من الحاجات اللي الناس بتفكر فيها برضه كاستثمار، وفي ناس بتبص على الاستثمار في أفكار جديدة خالص، لما بدأ العالم بتاع nfts اللي دخلت كتريند ده برضه كان من الناس اللي هما بدأوا يبصوا عليها فالنصيحة اللي أنا ممكن أقولها لكلام ينور أن احسن حاجه تعملها انك تقسم المحفظة زي ما انت قولت يا عمر بالظبط على مجالات أو قطاعات مختلفة بأنواع مختلفة
11:33
الحلقة (115): حاضنة أعمال الشركات الناشئة - الجزء الأول
النهارده معانا تاني ضيف من الضيوف اللي هيساعدونا في رحلتنا وتعرفنا على قطاع الشركات الناشئة والاستثمار في الشركات عالية المخاطرة معايا النهارده محمد حمزة محمد كان من الناس اللي ليهم دور كبير جدا في حاضنة أعمال الجامعة الأمريكية، النهارده هو موجود في بنك مصر أنشأوا برنامج لمساعدة الشركات الناشئة والاستثمار فيها هنعرف الفرق ما بين القطاع الخاص وقطاع العام.. ازاي بيفكروا، ازاي بيختاروا الشركات، ازاي الطريقة اللي انت تقدر تقدم بها عشان تخش في البرامج دي، وازاي ده بيساعد المجال بشكل عام
12:17
الحلقة (116): حاضنة أعمال الشركات الناشئة - الجزء الثاني
عمر: هسالك اخر سؤال له علاقة بالشركات الناشئة وبعدين ممكن نخش على حتة تانية.. التحديات.. اكبر التحديات اللي بتشوفهم تحديات قدام الناس قدام ريادة الأعمال نفسها؟
حمزة: التحديات عامة قدام ريادة الأعمال طبعا في كذا حاجه في التحديات اللي هي العامة اللي بنقول انها تحديات مستمرة اللي هي فكره مشوار رائد الأعمال معظم الوقت بيكون مشوار في جزء من الوحدة هو بيواجه صعوبات وتحديات مختلفة مش شرط يبقى حواليه ناس كتير لسه معندوش موارد كافية انه يعين ناس كتير انهم يبقوا بيقسموا التحديات دي عليهم ففريق العمل دايما بيبقى عليه ثقل من المسؤولية وثقل من المجهود اللي لازم يبذل عشان يحققوا حاجه زي كده، الضغط بتاع عدم القدرة على التنبؤ بالمستقبل أو أن هو مفيش وضوح للدنيا ماشيه ازاي دي برضه بتبقى تحدي كبير جدا في رحلة أي رائد أعمال وفي بقى الناحيه التانيه بتاعه التغيرات اللي بتحصل في الوضع الاقتصادي العالمي دلوقتي
13:18
الحلقة (118): المضاربة vs الإستثمار طويل الأجل
النهارده انا عايزه اتكلم كده على موضوع اتسالت فيه برده قريب من أحد المستمعين وهو موضوع لطيف موضوع المضاربة والاستثمار طويل الأجل الفرق ما بين الحاجتين الفرق ما بين مين ده ومين ده انت مين فيهم اللي بتسمعني او حضرتك اللي بتسمعيني في ناس عايز تبقى الكارير بتاعها بشكل معين النظام اللي هينفع معاها المضاربة مش حاجه وحشه كاسم يعني ممكن الناس تفتكر ان هي حاجه غلط او وحشه بدل بالعكس المضاربة أو التداول اليومي نوع من انواع الشغل عادي زي اي شغلنا، زي التجار لو قلنا ان في تجار بتشتري وتبيع على طول يعني واحد مثلا بيشتري بضاعه معينه بيحطها في محل عنده اسبوع او اتنين ويبيعها وبيعمل عليها هامش ربح معين، في البورصة أو في الاستثمار اللي فيه سيوله عاليه زي الأسواق المالية المضاربة هي عبارة عن انك انت بتاخد مراكز معينة وتتوقع سعر سهم مثلا معين هيطلع الاسبوع الجاي او الاسبوع اللي وراه او ممكن بكره الصبح او كمان كم ساعة وتبتدي تخش وتخرج فيه
14:20
الحلقة (119): 5 أفكار مختلفة للمحافظ المتنوعة
النهارده انا عايز اتكلم على موضوع المحافظ المتنوعة سواء للاستخدام في أهداف زي التقاعد او انت بتحوش لحاجه معينه مثلا على مدار خمس سنين او 10 سنين يعني مش حاجه لازم تكون هتاخدها وانت عندك 60 سنة وعايز تعمل محفظة بشكل متنوع تنوع فيها المخاطر عملت كده بحث سريع، صغير على أنواع المحافظ وهرشح النهارده ازاي الناس ممكن تكّون محفظتها وانا هنا بتكلم على الأسواق العالمية يعني لازم يكون عندك سمسار ينفذلك الحاجات دي لان احنا بنستخدم النهارده النماذج كلها اللي احنا عاملينها صناديق استثمار مقيدة ETFs اللي تكلمنا عنها قبل كده والسبب ان احنا بنستخدم الصناديق دي ان الصناديق دي التنوع فيها بيبقى موجود بالفعل، انت مش محتاج تعمل فيها اي حاجه بس انت محتاج تشتري صندوق من على بورصة مقيدة فيها وفي نفس الوقت الصندوق ده بيبقى فيه مصاريف قليلة جدا وهي تعتبر ارخص طريقة ان انت تبني بيها محفظة متنوعة واحسن طريقه على المدى الطويل
15:30
الحلقة (120): أول صندوق مصري للاستثمار في الذهب (مع ثاندر) - الجزء الأول
عمر: هل انت كنت متوقع انكم تحققوا الأرقام دي في السنة التالتة؟
أحمد: أبقى بضحك عليك لو قولت إني آه كنت متوقع اننا احقق الأرقام دي، اللي عارفة واحنا بنبدأ ثاندر سواء أنا أو سيف أو الفريق المؤسس من الأول كان عندنا إيمان كبير جداً ان دي خدمة هتساعد ناس وإن دي خدمة الناس محتاجاها وان اي حد المفروض يكون من حقه انه يستثمر وأي حد المفروض يكون من حقه انه يكبر من صافي ثروتة، ابقى كداب لو قولتلك اننا كان عندنا فعلاً نوصل لهذه الأرقام أو كنا متخيلينها بس كان دايماً بنراهن يعني دايماً كان بيتقال ان الشعب ده مش جاهز انه يتعلم يعني ايه استثمار، ده مختلف عن الناس اللي كنا دايماً واثقين فيه ادي للناس بس فرصة، أديهم طريقة سهلة انهم يتعلموا الناس دي هتفاجئك بقد إيه هما وانا شوفتها حتى في أوبر قبل ثاندر قد إيه الشعب ده والجيل ده عنده من القدرة انه يدور على فرص جديدة ويحسن من حياته ويتعلم حاجات جديدة ويزود من دخله وده اللي شوفناه بصراحة في ثاندر
16:40
الحلقة (121): أول صندوق مصري للاستثمار في الذهب (مع ثاندر) - الجزء الثاني
عمر: طيب انت قلت موضوع إن الناس في مصر بتحب الـ 3 حاجات، الناس في مصر من معرفتك بقى كانوا بيشتروا الدهب ازاي اصلا قبل كده؟
أحمد: اهالينا كانوا بيشتروا دهب دهب، سلاسل وغوايش والحاجات دي وبيورثوها هدايا لأولادهم.. اللي ابتدى يحصل خلال آخر 5 سنين ان الناس بقت بتشيل سبايك واللي بيحصل دلوقتي او التطور الطبيعي للاستثمار في الدهب انه يكون عن طريق الوثائق، اكبر حاجه هنقيس بيها نجحنا ان الناس تبقى عارفة ان انا بدل ما انزل اشتري سبيكه وادور على حته اخزنها وبعدين اروح ابيعها انا ممكن استغنى عن كل ده بإني اشتري وثيقة في الصندوق اللي بيستثمر في الدهب
17:18
الحلقة (122): خلاصة بدايات الادخار
يعني ايه benchmark، الـ benchmark حاجه بتخليني أقيس انا ماشي صح ولا غلط ، بمعنى إيه.. لازم أحددلك نسبة شهرية تحوشها من مرتبك ، هتلاقي الناس كلها في العالم انت ظروفك مش مختلفة عن ناس كتير في العالم انت تعتبر في فئة معينة وانا في فئة معينة ، يعني كل واحد في العالم في فئة معينه سواء في الوظيفة بتاعه او في دخله او في أي حاجه المفروض في نسبة صحية لكل واحد
17:48
الحلقة (123): معدل العائد الداخلي على الاستثمار (IRR)
حلقه النهارده انا عايزه اتكلم على مفهوم مهم حاجه اسمها IRR= Internal rate of return ده الاسم الانجليزي بتاعه وهو عبارة عن معادلة أو حسبة معينة زي الآلة الحاسبة انت بتحط مدخلات وبيطلعلك نتيجة معدل العائد الداخلي ده مفهوم اقتصادي سهل جداً مش عايز أدخل الناس في ازاي بيتحسب والمعادلة اللي وراه بس أنا هعلمك ازاي تحطه على إكسيل وتحسب العائد ده بيجى منين، وايه سببه وليه الناس بتستخدمه، الفكرة ان الافكار كتير وانا النهاردة لما بخش في مشروع أو فكرة هو عبارة عن اني بدي للناس فلوس وبيرجعلي عوائد العوائد دي ممكن مواعيدها تبقى مختلفة ممكن حد يديني فلوس كل سنة، ممكن واحد يديني فلوس كل 3 سنين، ممكن واحد يديني في الأول كتير، في الأخر كتير فعشان نوحد التدفقات النقدية المعادلة دي بتساعدني اننا اترجم الكلام ده كله لعوائد، العائد الداخلي للاستثمار ده الترجمة العربية بتاعته
18:53
الحلقة (124): تحليل المحفظة الاستثمارية
النهارده عايزه اتكلم على موضوع ازاي ممكن تقعد مع نفسك كده وتعرف انت عملت ايه في المحفظه بتاعتك لان احنا ممكن نكون بناخد قرار استثمارية، اشتريت حاجات معينه ولكن عدم تنظيم المعلومات دي ممكن يأثر على قراراتنا في المستقبل وممكن يخليك متبقاش فاهم انت بتعمل ايه من خلال الحلقه دي انا بعمل مراجعة كده لمحفظتي.. ازاي ممكن ابص عليها؟ ليه ابص عليها؟ ازاي ده هيساعدني في المستقبل لتحقيق الخطة بتاعتي؟
19:30
الحلقة (125): الخروج من دوامة الديون
دايما كنا بنركز الفترة الأخيرة على المواضيع اللي لها علاقة بالاستثمار.. محفظتك، وازاي تستثمر والكلام ده كله النهارده عايزه اتكلم كده من منظور الثقافة المالية من منظور الحرية المالية أن في عامل مهم جدا هو التمويلات او القروض او السلف او حاجه انت اخدتها سواء قرض من البنك او تمويل اسلامي او استلفت قرض حسن من ناس حواليك او اصحابك التمويل بشكل عام زي ما تكلمنا في حالات معينة بنحب فيها التمويل، بنحب فيها انك تاخد المبلغ ده أو تستثمره في أصل معين على المدى الطويل بيجيب لك عوائد أعلى من التكلفة بتاعه التمويل وفي حالات تانيه لا النهارده عايزه اتكلم كده بشكل عام ازاي تقدر تفكر في التمويل بتاعك، أنواع التمويل هي ايه، ازاي تسدها والكلام ده كله لان دى خطوه مهمه جدا من خطوات الحرية المالية
20:33
الحلقة (126): ما يسأله المستمعون - الجزء 11
السؤال بيقول ازاي هفصل الفلوس، طيب أنا النهاردة موضوع الفصل ده موضوع نفسي انا حاطت صندوق الطوارئ هنا وعملت صندوق التقاعد هنا، انا عن نفسي ممكن أفصل الحاجات بإكسيل فايل يعني ممكن حساب الطوارئ يكون محطوط مع حساب التقاعد هما الأتنين في نفس المكان مفيش مشكلة انا كعمر ممكن أعمل كده، وهروح على الإكسيل فايل بتاعي بتاع المحفظة بتاعتي أو المكان اللي بتابع فيه الثروة بتاعتي او المدخرات بتاعتي، ممكن أعمل إكسيل شيت بيقول والله انا عندي الـ 5 دول في الأماكن دول الـ 5 دول ممكن يكونوا حسابات أو مقتنيات زي دهب حقيقي ومن خلال الشيت ده هقدر حتى لو الفلوس محطوطة على بعض وحتى لو عندي حساب واحد هقدر ابتدي اقول نسبة الفلوس دي اكس في حساب الطوارئ واكس في حساب التقاعد وابتدي اتابع افتراضاً مثلاً من الشهر الجاي انا كده خلصت حساب الطوارئ مش عايز احط فلوس في حساب الطوارئ، فهبعت فلوس في نفس المكان لأنه نفس الحساب في الحقيقة ولكن على الشيت بتاعي هبتدي اعمل تحديث وازود حساب التقاعد بتاعي بالنسبة اللي انا دخلتها
21:45
الحلقة (127): ما يسأله المستمعون - الجزء 12
يعني إيه الملائة يعني انا بيجيلي 100$ أو 100جنيه كل شهر فلازم اول حاجه اعملها لو انا هاخد قرض القرض ده انا محتاج ادفعه يعني في المثال اللي الاستاذ ب بيديهولنا في المثال ده انا محتاج ادفع القرض من الشهر الجاي اول سؤال هسأله هو طبعاً مفيش إجابة واحده بس أول سؤال هسأله لحد بيقولي الكلام ده هقوله طيب انت لو اخدت قرض هل القرض ده هيضغط عليك؟ قد إيه هو من ميزانية بتاعتك يعني لازم اتأكد إن اقساط القروض اللي انا هاخدها أو التمويل لازم تكون ليها مكان في الميزانية بتاعتي المكان ده مش بس اقدر ادفعه لأ اقدر ادفعه ومش هيضغط عليا نفسياً لأن مشكلة الناس انها بتحط أحجام التمويل بتاعها غلط بالنسبة للميزانية بتاعتها فهو غالباً هنا عايز ياخد قرض سواء يجيب بيه الشقة كلها او هيحط مقدم ويقسط الباقي مع الشركة ففي الحالة الأولانية لازم اعرف تمن القرض ده قد إيه وهيخش قد إيه وفي الحالة التانية لو انا بس بمول المقدم بس بتاع البيت ده لازم احط في الميزانية بتاعتي تسديد المقدم وتسديد الأقساط اللي باقية على الشقة لحد ما استلمها الاتنين دول لازم يبقوا في الميزانية بتاعتي وهو عشان المثال بتاعه بيقول انا بستثمر 10% من دخلي ومتوقع ان الاستثمارات بتاعتي تسد في الاخر طيب هل انت هتعرف تحافظ على الـ 10% ولا لأ فلو قلنا ان 10% من دخله بيروحوا للاستثمار لازم نتأكد انهم هيفضلوا موجودين، ولو ده المقدم نتأكد ان القسط بتاع القرض ده هيفضل موجود والحالة التالته اللي هي الاقساط اللي باقية على الشقة هقدر ادفعها ولا لأ
23:33
الحلقة (128): حوار مع ساكسو بنك منصة تداول عالمية - الجزء الأول
أكتر سؤال جالي من ساعة ما أبتدينا البودكاست على وسطاء او سماسرة ممكن الناس تفتح معاهم دايماً هقول الناس لازم تبص على الشركات اللي هي بتفتح فيها، تذاكر هي مين بتعمل إيه والكلام ده كله ودايماً تبقى متابعة أخبار الوسطاء الماليين بتوعها لو الوسيط ده مثلاً مدرج في بورصة ما دايماً بتبقى اخبارة موجودة فالنهاردة انا مستضيف معايا أ/عمّار معلا هو بيقود المبيعات في ساكسو بنك في مكتب الإمارات عمّار هيساعدنا النهاردة نتعرف يعني إيه ساكسو بنك، إيه القصة اللي وراه، تاريخه، إيه الأدوات اللي بيقدموها ازاي ممكن نحلل الخدمات اللي بيقدموها، وبرضه انا بنصح الناس وبأكد دايماً لازم تعمل البحث بتاعك في اي خطوة انت بتعملها بس الهدف من الحلقات دي ان احنا نفهم اكتر، نحاول نسأل أسئلة تيجي على دماغ الناس اللي بتسمع فأتمنى تكون حلقة مفيدة
24:47
الحلقة (129): حوار مع ساكسو بنك منصة تداول عالمية - الجزء الثاني
طيب ساكسو بيعمل فلوس ازاي؟ يعني أنت دلوقتي بتقدملي خدمة اني اوصل للاسواق واتداول، بتقدملي خدمة فتح الحساب، تحويل الفلوس ليك، واخدت الفلوس منك تاني انت بتعمل فلوس ازاي كساكسو؟
عمار: أنا بعمل فلوس منك في حالة واحدة اللي هي لما تداول معايا عبر المنصة فقط لا غير، انا مبخدش منك عمله على الإيداع او السحب ومعنديش حاجه اسمها صيانة احنا عندنا بس العمولات على التداول كل العمولات دي مذكورة على الموقع بالتفصيل بس باختصار شديد احنا بناخد عمولات لما تفتح صفقة ولما تقفل صفقة باختصار شديد
25:28
الحلقة (130): الوعي في الأزمات
نظراً للاحداث اللي بتحصل حوالينا الناس كلها مشغولة بالاخبار اللي بتحصل حوالينا بس حبيت اتكلم عن الموضوع من وجهه نظر مختلفه شويه كل الناس اللي بتشتغل في شغلها بشكل عام بيجيلها فترات بيحصل عملية ضغط مش معناه انك مضغوط أو زعلان لأ بيحصل إن النظام نفسه بيتكسر او بيتضغط عليه بشكل جامد قرب الانفجار في اللحظات دي بتبقى العواطف بتبقى عالية بيبقى في حزن بيبقى في ذهب في مشاكل كتير دماغك بتشكك في حاجات انت مصدقها بتبقى متلخبط بشكل عام يمكن انا في شغلتي اللي بشتغلها بشوف الموقف ده بيحصل انهيار جامد في الأسواق خلال السنين اللي انا اشتغلتها كلها وفي الاخر احنا بنى ادمين فبتتضغط فبتحس بأزمة بتحس بمشكلة بتخاف ولا ما بتخاف ممكن تغلط جامد
26:16
الحلقة (133): Trading Errors 404 - الجزء الأول
حلقة النهاردة من احلى الحلقات اللي انا عملتها من وجهة نظري لأن الضيف اللي معايا النهاردة أ/لارا أحمد صديقه من زمن طويل والبودكاست ده خلاني اتواصل معاها تاني ونرجع نتكلم، هي بتقدم حاجة جديدة من موجودة في المنطقة العربية، مقبلتهاش بصراحة قبل كده وهي التدريب على التداول، هي بتحاول تمرن المستثمرين أو المتداولين في الأسواق المالية منتج جديد ومنتج لذيذ والطريقة اللي هي بتقدم بيها البرنامج بتاعها من وجهة نظري جميلة وجديدة وبتحاول تعالج مشاكل كتيرة بتشوفها في المستثمرين من خلال خبرتها الطويلة في المجال البرنامج اللي لارا بتقدمه اسمه Trading Errors 404 (برنامج التدريب على أخطاء التداول 404) والاسم ده مستوحى من الـ Error اللي كنا بنشوفه في الويندوز لما مبتلاقيش إجابة لحاجة معينة أو الموقع مش موجود هي استوحت تسمية البرنامج من هذا الاسم عشان تحاول تصلح الأخطاء اللي المستثمرين بيعملوها
27:28
الحلقة (134): Trading Errors 404 - الجزء الثاني
عمر: هل اللي انا وصلتله لحد النهاردة هيعمل لي تطور كإنسان في اتخاذ القرار في شغلي في مجالات أخرى؟
لارا: آه طبعاً، الوعي، يعني مثلاً لو هنتكلم عن تحيّز الارتساء، بيتحط رقم وانا ارتبطت بالرقم لما تتعلمه وبتبقى واعي بيه بتعرف تستخدمها لمصلحتك، والله في البيع والشراء بتعرف لما بيتعمل عليك ارتساء تعمل ايه، أصدق الرقم ده ولا مصدقوش بتبقى عارف
عمر: أنا أشتريت سهم بـ 100 وخلاص مقتنع إننا لازم أبيعه فوق الـ 100
لارا: في ناس بترتبط بالأعلى مستويات وأقل مستويات على الإطلاق، أقل سعر حصل تقولك مش هشتري، طب ماهو ممكن ميحصلش تانى ده أقل سعر حصل في حياة السهم فممكن ميجيش تاني فلازم يبقى عندك مرونة في التفكير في اتخاذ القرار
28:18
الحلقة (135): Trading Errors 404 - الجزء الثالث
عمر: وثاني انا باكد تانى اللى بيسمعونا واللي موجودين بجد حتى الرسايل الأذكى بتيجي من البنات من الستات انا عامل حلقة كاملة بالأرقام اصلا مديري الصناديق الستات احسن من الرجاله مش كلامي انا
لارا: اه طبعا انا براهن اصلا ان هم أكثر انضباط ده حقيقي، انا اشتغلت مع واحده ست سنين اتعلم كل حاجه منها تقريبا الانضباط انا قولتلك انا ضعيفه فيه انا اخدته من غادة القاضي
عمر: اه، مديري الصناديق، صغار المستثمرين في بحث طلع من شركة فيها ملايين من العملاء فيديليتي او شواب او حد كده كان بيعمل تحليل برضه ما بين رجال والستات بأكد على كلامك أنا مقتنع انكم عندكم صَرَامَة عني مثلاً يعني
لارا: بس مفيش أفضلية صدقني هو برضه الستات بتخاف من الأرقام، الرجالة مبتخافش من الأرقام فهي لو فهمت ان دي حاجه متخوفش، ودي حاجه نفسيه على فكرة يعني انا ليا صحاب كتير بنات تقولك انا لما يجي الرقم، يعني النتائج بتاعتهم ممكن تبقى أحسن بكتير بس في حاجز نفسي لازم يتكسر الأول
عمر: بالظبط
29:29
الحلقة (136): الضغط المجتمعي وتأثيره على مستقبلك المالي
أول حاجه عايز اتكلم عليها هي عادات الإنفاق، عادات صرف الفلوس مع الاسف وجود الضغط المجتمعي ده بيخلي في تضخم في أسلوب الحياة بتاعك لانك بتحاول تشوف اللي جنبك بيعمل إيه، بتشوف هو عايش ازاي ومع الأسف انت بتحاول تقلده وممكن في أوقات كتير جداً ده بيبقى خارج إمكانياتك المادية فأول حاجه بتأثر عليك في عادات الإنفاق بتاعتك إنك بتتأثر بأسلوب الحياة بتاعة الناس التانية، بتنسى ميزانيتك، بتنسى انت مفروض تعمل إيه وبتتأثر وبتبتدي تصرف مشكلتي مش انك تصرف مره او مرتين المشكلة انها تبقي دي شكل حياتك
30:15
الحلقة (137): حوار مع محلل فني - الجزء الأول
عمر: تعالى نعرف تعريف بسيط وسريع إيه هو التحليل الفني؟
هيثم: التحليل الفني في تعريفات كتيرة جداً جداً بس انا التعريف ده اكتر تعريف بحب اقوله هو دراسة لسيكولوجية الناس ببساطة، دراسة لنفسية الناس المتعاملين، بص يا عمر انا واصلني استنتاج من الكتب اللي قريتها من فطاحل المجال زي جون ميرفي أو مارتن برينج الناس دي، وصلت لمفهوم انا شايفه شيء منطقي طول ما انت حاطط في مجال البورصة طلب شراء أو بيع انا مش شايفك، لكن بمجرد ما تنفذ انا شوفتك انا عرفتك صح كده ده المنطق، طالما انت حاطت طلب شراء او طلب بيع مفيش طالما نفذت يبقى انت في أكشن اخدته، والأكشن ده مهما كنت دارس ايه ومجهز ايه وحاطط كل احتياطاتك إلا أن في جزء نفسي مأثر عليك انك تقوله، طمع خوف اي حاجه اليوم مودك مكنش كويس، النهاردة مودك حلو جداً فأنت بتشتري بزيادة اياً كان في حاجه نفسيه متأثر بأحداث اجتماعية، احداث اقتصادية، واحد اتصل بيك وقالك خلي بالك في حاجه هتحصل، في سهم هينزل، أرباح هتقل هتزيد، في الاخر بعد ما تكون مجتهد وبتذاكر كل حاجه تخص السهم ده قرارك وقت الشراء أو البيع عبارة عن دراستك + انفعالك يبقى في انفعال في الموضوع في سيكولوجي في الموضوع
31:08
الحلقة (138): حوار مع محلل فني - الجزء الثاني
عمر: طيب هسألك سؤال مهم، هل كل اللي انت بتقوله بيتحقق أو يبقى صح؟
هيثم: بص مش عايز اتغر بس بنسبه كبيره، انت متوقعتش مني الاجابة دي اكيد عشان انت عارفني بص طالما ماشي باستراتيجي مينفعش تبقى غلط، يعني ايه مينفعش تبقى غلط مدام في استراتيجي وبقولك في نقط وقف خسارة مانا بقولك خش صحيح هنا بس انا قايلك في نقطة وقف خسارة فهيبقى فنسبة الغلط هتبقى ضعيفه جداً
عمر: ودي الميزة في موضوع التحليل الفني زي ما انت قولت لو السوق فاجأك وعمل حاجه انت مش متوقعها انت كنت متخيل ان السوق هيطلع مثلاً وحصل العكس والسوق نزل فأنت الاستراتيجي بتاعتك بتحميك انك تحط وقف خساير، بس مجموع التوصيات بتاعتك بشكل عام في الاخر المفروض تبقى ايجابية لأن انت مينفعش مثلاً تحط 10 توصيات والـ 10 يطلعوا وقف خسارة انت هتعمل فلوس لما إعداد الأهداف تتحقق وفاهم ان في اوقات معينة لما الأسواق بتقلب مثلاً او الدنيا متبقاش لطيفة بتلاقي انك دخلت في كذا وقف خسارة ورا بعض معناها أن حالة السوق بشكل عامل مش إيجابية
32:15
الحلقة (141): المركز المالي
بمناسبة السنة الجديدة عايز اخد فرصة مع الناس أنها تبص على السنة اللي فاتت أو السنين اللي قبليها حتى في تاريخك في الاستثمار والادخار والكلام ده كله، دايماً هو بيبقى فيه كده طاقة إيجابية مع بداية كل سنة تبتدي تحضر للسنة الجديدة سواء في شغلك أو في حياتك أو في مشاريعك أو أهدافك أو كلام ده كله وفي نفس الوقت في المجال المالي بناخدها كفرصة أن انت تقدر تشوف أنت عملت إيه تحط التوقع بتاعتك للسنة الجاية فبناخد الطاقة بتاعت السنة الجديدة و أمنياتك و إزاي ممكن نطبقها وإزاي ممكن تساعد نفسك ان انت تتكون صورة مالية عن نفسك احسن لما تكون صورة مالية عن نفسك احسن هتقدر تاخد قرارات الاستثمارية في المستقبل بشكل أفضل
33:08
الحلقة (142): ازاي تختار العقار الاستثماري
النهارده جالى فكره كده عايزه اتكلم عليها يمكن جاتلي من سؤال من أحد المستمعين خلاني افكر في الموضوع شويه، عايزه اتكلم على الاستثمار العقاري بشكل عام ايه الحاجات اللي بتخليك ممكن تفكر في حاجه لو قدامك كذا حاجه، يمكن اتكلمني على الاستثمار العقاري كذا مره قبل كده بس النهارده عايزه اتكلم على العوامل أو الاختيار بيكون ازاي طبعا انا مش أحسن خبير في المجال العقاري ولكن قريت فيه وعندي تجارب في الموضوع فحابب انقل وجهة نظري للناس وبرده لو انت عندك اعتراض او عندك حاجات تانيه شايفها ممكن تبعتلنا تقولنا لا والله في حاجات تانيه ممكن تكون بتاثر على الاختيار بتاع العقار والحاجات دي، لان العقار بالذات هو قرار صعب لان هو غالبا بيبقى اكبر شروة ممكن تعملها، والعربية تاني أكبر شروة الأجهزة المنزلية تالت اكبر شروة انت بتعملها ولكن العقار بيبقى شروة كبيرة، ممكن واحد يعملها مرة واحدة في العمر أو مرتين لو حد محظوظ اكتر من كده ممكن يعمل محفظة عقارية او حاجات تجارية والكلام ده كله بس بالنسبه للناس بتبقى شروة كبيرة في خصائص معينة بتخليك تختار العقار في حاجات منها بديهية جدا بس مش معنى انها بديهية ان انت تطنشها أو ما تفكرش فيها أو ما تحطش ده في الاعتبار لا بالعكس الحاجات البديهية و الحاجات السهله البسيطه غالبا بتكون مفيده وانت بتختار
34:44
الحلقة (143): وقفة مع النفس (تقييم أداءك السنوي)
احنا اتكلمنا في حلقة قريبة كده عن ازاي تبص على المركز المالي بتاعك لو انت في أول السنة وازاي تعرف انت عملت ايه والكلام ده كله وازاي تخطط للمستقبل، النهاردة عايز ابص على حاجة تانية بنصح الناس تعملها ممكن كل أول سنة برضه بس مش هنتكلم عن الحتت المالية وازاي استثمرت والكلام ده كله انا عايز النهارده اتكلم على حاجات ليها علاقة بأداءك سواء انت مستقل او بتشتغل في وظيفة ثابتة في شركة كبير أو شركة ناشئة او أياً كان اللي انت بتعمله لأن انا دايماً بحس ان الناس بيجيلها هوس انها تسيطر على المصاريف اللي هي بتدفعها يعني لما بنبص على الميزانية دايماً بلاقي الناس بتتكلم على المصاريف بلاقي الناس بتتكلم على ازاي اوفر هنا، انا مش عارف اوفر هنا او مش عايز اعمل كده بس احنا دايماً بننسى الخط الأساسي اللي هو أول حاجه موجودة في الميزانيات اللي هي الدخل بتاعك فعايز مع حلقة النهاردة اننا نحط نظام او هيكل كده ممكن الناس تعمله وتكرره كل سنة مش بنصح الناس تعمله كتير كفاية مرة واحدة في السنة، النظام ده لو مشيت فيه هيخليك على الأقل تعرف انت بتحقق ايه او مبتحققش ايه لأن الناس ممكن تقعد سنين في وظيفة وتنسى ومتبقاش بتجدد مبيتعملهاش تقييم سنوي مع مديرها بشكل مظبوط فمبتبقاش عارفه هي بتعمل ايه وبتنسى برضه انك تحط الكلام ده مكتوب على ورقة او على ملف اكسيل تقدر ترجعله في يوم من الأيام وتشوف انت كنت عايز ايه في السنين اللي فاتت حققته ولا محققتوش والكلام ده كله ده موضوع مهم جداً
36:25
الحلقة (147): ما وراء التأمين
حلقة النهاردة انا مش عارف بصراحة انا متكلمتش في الموضوع ده من زمان ليه بس هو دايماً على بالي وكنت عايز اسجل حلقة عن الموضوع ده بس يعني مجتش فرصة مش عارف ليه هو موضوع كبير وانا معتبرش خبير بشكل رهيب بس يعني بتابع الموضوع التأمين، النهاردة احنا هنتكلم عن ايه هو التأمين، هتكلم عليه من وجهة نظري البسيطة ومن المعلومات اللي عندي انا مش بشتغل في مجال التأميني ولكن ببصله كمستهلك كواحد في المجال المالي وبيشوف سلعة زي سلعة التأمين أو المصطلح الإسلامي بتاعة تكافل، موضوع مهم وموضوع يمكن مكنش موجود في الدول العربية بشكل كبير ولكن ابتدينا نشوف تأثيره على مجتمعات معينة ابتدت تطبق مفهوم التأمين وازاي بيفيد المجموعة فالنهاردة انا عايز اتكلم من وجهة نظر الشركات، الشركات بتعمل ايه وازاي بتسعر، ازاي بيكسبوا و ازاي بيعملوا فلوس ازاي الناس بتستفيد من التأمين وفي نفس الوقت بدى للناس بدايل لو حد مش عايز يعمل تأمين ممكن يعمل إيه عشان يبقى عنده حاجه الشبيهة بالتأمين تساعده في المواقف الصعبة
37:44
الحلقة (148): اللقاء الثاني مع ساكسو بنك - الجزء الأول (عمار معلا)
عمر: الإعلان ده حاجه تشدني انا بما اني بعمل بودكاست على الاستثمار فدايماً بنبص على حتة المصاريف الاستثمار فلما لقيت الإعلان ده وحصل بينا تواصل حبيت اننا نتكلم عليه بشكل مفصل لأن الموضوع برضه معقد للناس اللي مش في المجال انا ممكن ابقى فاهم انت ممكن تبقى فاهم بس حبيت المستمعين بشكل عام يفهموا اكتر
عمّار: صحيح، احنا لما عملنا اعلان اننا خفضنا تكاليف الاستثمار معانا كتير ناس في المجال ده حاولوا يتواصلوا معانا ويسألونا شو خفضوا؟ كيف انا ممكن استفيد منها؟ وده اللي موجود في المجال فما بالك بشخص مش بيستثمر ابداً أو ما عندو معلومات كافية فممكن نحكي عنه بالتفاصيل المملة لاحقاً في الحلقة وشو الفوائد وشو الجوانب السلبية اللي هي ما في أي جوانب سلبية ابداً
38:43
الحلقة (149): اللقاء الثاني مع ساكسو بنك - الجزء الثاني (عمار معلا)
هل مثلاً بتقدم خدمة أخبار بتطلع على الأسهم؟ هل في حاجات تانية بتفيد المتداول اليومي؟
عمار: هلأ احنا بساكسو في المجمل بنقدم التحاليل تبعنا بساكسو اللي بتيجي يومياً بس ما بنكتفي بهاد الشي احنا بنعطي مصادر اخبار التانية من خارج ساسكو من مصادر مختلفة ما راح سميها هلأ بتشوفها بالمنصة كمان لحظية واي خبر بيكون مرتبط بالأداة المالية اللي عم تداول فيها رايح يظهر تحت الأداة المالية يعني لما نروح على المنتج على المنصة هلأ انا وياك بنتشارك شاشة معك ممكن اشرحلك شو قصدي لنفترض عم نتطلع على مايكروسوفت فالاخبار الموجودة على مايكروسوفت هون مباشرة، كل الأخبار المرتبطة بالأداة المالية ممكن يأثر على سعرها للناس المهتمة بأخبار التداول موجودة تحت الأداة المالية
39:43
الحلقة (151): ما يسأله المستمعون - الجزء 13
استاذ عمر سألنا نفس السؤال تقريباً هو بيقول ازاي اقدر اشتري صناديق استثمار امريكية او غير أمريكية؟ تاني لو انت مثلاً في دولة زي مصر او السعودية او الامارات الصناديق المحلية بتاعتك بتبقى موجودة غالباً في البنوك وبيبقى في سمسارة مرخصين ان انت تشتري من خلالهم او من خلال البنك مباشرة بتفتح حساب في البنك وبتحول الفلوس وبتشتري وكنا قبل كده عملنا حلقة قديمة مع ثاندر كمثال في مصر فهما بيوفروا انواع من الصناديق في مصر لو محتاج حد في امريكا بتروح لسمسار عنده الأسواق دي
40:18
الحلقة (152): ما يسأله المستمعون - الجزء 14
استاذ محمد بيقولي مساء الخير رأيك إيه في الاستثمار الزراعي؟
أنا بالنسبالي كعمر معنديش خبرة في القطاع ده ولكن اي بيزنس الواحد بيخشه بيحاول يسأل نفسه أسئلة معينة، القطاع بيكبر بشكل عامل ازاي؟ لو انا هفتح مشروع هفتحة بالظبط فين؟ المنافسين شكلهم عامل ازاي؟ ايه اللي هيميزني عن المنافسين؟ العوائد المتوقعة في القطاع ده؟ هحط فلوس قد إيه والعوائد اللي هتحصل قدام شكلها عامل ازاي؟ اللي هو معدل العائد الداخلي على الاستثمار عملنا حلقة كاملة عليه تقدر تاخد الشيت ده وتحط العوائد أو التدفقات النقدية اللي جيالك في السنين اللي جايه تقدر تحطه في الشيت ده وتعرف العائد على الاستثمار بتاعك عامل ازاي، اللوائح بتاعة القطاع، الضرايب يعني هو سؤال كبير جداً اننا اقدر اجاوب على قطاع معين او رأيي.. ممكن انت تكون بتعمل حاجه بجد ومميزة وبجد مش موجودة وعندك ميزة تنافسية في القطاع ده فمش هقدر اقولك والله الناس النهاردة كلها عارفة الحاجات اللي ليها علاقة بالبرمجة أو ليها علاقة بالذكاء الاصطناعي هو ده أحسن قطاع مش دايماً الناس كلها تعرف تستثمر فيه فكل واحد بيبقى عنده القطاع اللي هو مستريح فيه وفاهمة او له علاقة بدراسته فكل القطاعات ممكن تنجح بس لازم تمشي في النقط اللي احنا اتكلمنا عليها وانت اللي هتجاوب على السؤال
41:42
الحلقة (153): Trading Error 404 - اللقاء الثاني
فهبتدي اول حاجه دايماً الحاجات اللي فيها كورسات او بتدي حاجات معينة بتعلمك تعمل حرفة معينة، الناس دايماً بتسأل طب انت ليه بتعلمها للناس مادام انت تقدر تعملها لوحدك وتبقى مثلاً أغني واحد في العالم ليه بتعلمني التداول وخاصة ان الحاجه بتاعتك دي واضحة وصريحة في أسواق المال فهي في إدارة الفلوس فالنتيجة بتاعتها أرباح
احنا متكلمناش في الموضوع ده وانا معرفش انتي بتعمل كده ليه او وجهة نظرك في الموضوع فهسيبك تردي على السؤال الكبير ده
لارا: بص هو سؤال كبير اوي وانا عندي بجد حاجات كتير جداً بزيادة ليه بعمل كده، بص انا لسه بيبي في السوشيال ميديا بس أهم حاجه لازم حد يعرفها انك مش هتتغني بسرعة، ماشي في ناس حققت نجاحات بتثبت أن النظام ده حلو لكن محدش بيقولك تعالى انت هتبقى غني بكرا ده مبيحصلش
عمر: انتي مش بتبيعي الثراء السريع
لارا: خالص، مش لعبتي تماماً مش هقولك تعالى هتبقى مليونير، في ناس بتعلم ده بس مش انا، انا مدربة أداء وهنا في فرق كبير جداً ما بين انك تعلّم السوق وانك تبقى مدرب أداء
43:05
الحلقة (159): ما وراء إصدار أدوات التمويل
عمر: هسألك ايه هو بقى السند نفسه عشان نفكر الناس.. إيه السند ، انت بتعمله إيه ، إيه الهيكلة بتاعة السند شكله عامل ازاي ، الشروط والكلام ده كله ، القرض بتاع البنك كل الناس عرفاه انت بتاخد قرض وبتسده وبتدفع اقساطك والكلام ده إيه بقى هو السند أو الصك
محمد: هو بص يعني احنا ممكن نشرح الفرق ما بينهم بس خليني اشرح السند ده الحاجه الموجودة في السوق أكتر بكتير ، من أنواع السندات اللي أكتر حاجه بتشتغل في سوق رأس المال هي (سندات التوريق) فسندات التوريق اللي بتعمله انك بيكون عندك محفظة مستحقات (تحصيلات جيالك في المستقبل) يعني نفترض انك مطور عقاري وعندك مشروع ابتديت تبيع فيه والناس استلمت الوحدات بتاعتها وعندها اقساط على مدة 5 سنين مثلا فأنت بتعمل حاجه اسمها حوالة حق للاقساط اللي جايه خلال الخمس سنين الجاية لصالح شركة التوريق وانت بتاخد القيمة بتاعتها بالقيمة الحالية دلوقتي والسندات دي بتنزل في سوق رأس المال وبيخش فيها بنسبة كبيرة مؤسسات مالية أو بنوك فانت بتاخد فلوسك أكن البنوك أو المؤسسات المالية بيدولك الفلوس دى وهما في المقابل بياخدوها كأسهم
44:20
الحلقة (161): تبيع قد إيه من شركتك الناشئة؟
النهاردة انا هتكلم على موضوع كده يمكن انا مش متخصص فيه أو معنديش سابق خبرة كبير فيه، ولكن حاولت كده أعمل بحث وأعرف الموضوع و حبيت أنقل المعلومات اللي أخدتها، لأني أحس إن فيه معلومات لطيفة، هي حاجة منتشرة الأيام دي، بنشوف عناوين كتير لشركات ناشئة بتلم فلوس من سواء من صناديق استثمار أو مستثمرين أفراد أو أي كان اختلفت الفئة الاستثمارية اللي بتستثمر في الشركات اللي هي مش مقيدة أو مش موجودة في البورصة أنا دايما تخصصي أكتر في الشركات المقيدة أو موجودة في البورصة، ولكن النهارده كنت عايز اعرف كده عندي سؤال في دماغي هو أنا المفروض أبيع قد إيه من شركتي بمراحل مختلفة في الرحلة بتاعة إنشاء الشركة، الشركة بتاعتي كبرت، الناس بتعمل إيه؟ يعني الناس بتبيع قد إيه أسهم أو قد إيه حصص من الشركة بتاعتها، في المقابل المادي اللي هيخش جوا شركتها و هيخدوه هيعملوا بيه إيه
45:18
الحلقة (162): استضافة مع جايلك في حوار - الجزء الأول
رضا: حابين نتعرف عليك على المستوى الشخصي والمهني؟
عمر: ازيك يا رضا وشكرا جدا على الفرصة دي، أنا مبسوط إن إن أنا أكون معاك يمكن اتعرفنا على بعض السنة إللي فاتت، والنهارده إحنا مع بعض في شكل حواري لذيذ، آه يعني إنت بتعمل بودكاست فلطيف إن إحنا نبقى في نفس المجال، وبنتكلم مع بعض، أنا ببساطة عملت البودكاست بتاع كلام ينور من بالظبط تقريبا 3 سنين البودكاست ده يعني كان سببه اننا كان بيجيلي اسئلة كتير في المجال المالي لأني بشتغل في المجال المالي فأي حد عنده اي استفسار في المجال المالي كان بيرجع يسألني فقولت اعمل محتوى كده مجمع فيه من صحابي ومن الطلبات اللي بشوفها في الحياة المالية عموماً بسبب الظروف الاقتصادية أو حاجه بتظهر فبتكلم عليها فده سبب البودكاست انا بشتغل في مجال إدارة الأصول بندير صناديق الاستثمار بشكل عام في البورصات العربية ده على الصعيد المهنى
46:20
الحلقة (163): استضافة مع جايلك في حوار - الجزء الثاني
رضا: طيب فيزة المشتريات هل هي الكريديت كارد ولا حاجة تانية؟
عمر: أه هي هي يعني هي يطلق عليها هي فيزا دي شركة ماشي زي كده مثلا المناديل كلينكس مثلا عارف إللي هو يقول لك كلنا فاكرين إن إللي هو اسمه كلينكس مثلا أو بيبسي اشرب كوكا، تبقى هي لأ، هي فيزا دي شركة برضو زي ماستر كارد، زي أمريكان إكسبريس والكلام ده فالناس سموها فيزا على أساس إن هي بتعمل الكروت الائتمانية دي ولكن في حقيقة الأمر الفيزا هي اللي بتلاقي عليها فيزا عادي، إللي هو الحساب الجاري بتاعك عليه فيزا، الحساب التوفير البطاقة بتاعته تلاقي عليها فيزا، المشتريات، أسامي بقى كتير
47:07
الحلقة (167): رحلة داخل شركات السمسرة (الجولة الثانية) - الجزء الأول
عمر: حلو قوي مع العالم التكنولوجي، دايما هسأل هل ده بيخليكوا كشركات وأنتوا بتقدموا الخدمات إللي هي عبر الإنترنت، والكلام ده كله كسايبر سكيورتي بقى إللي هو بيسموه الأمان المالي إللي أنت مثلا حسابك محمي أون لاين، البيانات بتاعتك، الكلام ده كله، هل أنتوا كشركات بقى بتبتدي تصرف أكثر على الحتة دي يعني إزاي بتحمي المستثمر بتاعك بشكل عام؟
مصطفى: طبعا بما إن هو حساب يتعلق بالاستثمارات بتاعة العميل، والأمور المالية بتاعته بيكون فيه درجة عالية من الأمان على الحساب، سواء هو مفتوح ديجيتالي أو حتى مفتوح بالطريقة القديمة يعني بالورق فطبعا بيكون نفس المعايير متاخدة بحيث إن يكون فيه حماية كاملة للخصوصية وللبيانات بتاعت العميل، طبعا إلى جانب استثماراته والمبالغ المالية الموجودة في الحساب
47:58
الحلقة (168): رحلة داخل شركات السمسرة (الجولة الثانية) - الجزء الثاني
الرقابة بقى على الكلام ده، برضو أنا هأرجع أقول دايما إن دور الرقابي ومين إللي بيراقب على الحاجات دي، لما الصندوق ده يبقى متداول على البورصة نفسها الجهة المنظمة بقى للبورصة نفسها سواء هيئة سوق المال بتاعة الدولة إللي أنت فيها أو كده دورها إيه بقى في حماية المستثمر؟
مصطفى: يعني خلينا نقول إن الأسواق بمجرد ما الصندوق ده بقى متداول على السوق، فهو بيرجع يخضع للقوانين بتاعة السوق، سواء قوانين التداول أو المراقبة على التداول، يحمي المستثمرين سواء كبار مستثمرين أو صغار مستثمرين من أي تلاعب يكون بيحصل بنفس القواعد الموجودة يعني في السوق بتطبق سواء على الأسهم على صناديق التداول زي بعضها بالظبط
48:48
الحلقة (169): استراتيجيات استثمارية باستخدام ١١ ETFs قطاعية
النهاردة إحنا هنعمل حلقة على صناديق المؤشرات المتداولة على القطاعات في السوق الأمريكي، لإن أنا جالي أسئلة كتير الفترة الأخيرة على الناس عايزة مثلا تستثمر، إيه الأفكار الموجودة خاصة في السوق الأمريكي، بما إن هو أكبر سوق، والناس بيبقى عندها وصول عليه من خلال حساباتها من شركة سمسرة خاصة الدولية يعني كنا اتكلمنا أول مرة عن الموضوع ده في حلقة رقم 72 إللي هي اسمها ما وراء القطاعات، كنا اتكلمنا بشكل مبدئي، يعني إيه قطاع؟ إزاي الأسهم بتتقسم في السوق، بشكل قطاع، القطاعات الدفاعية، كان حاجات كتير، فلو حابب ترجع تسمع الحلقة رقم 72، هي كانت تمهيدا لحلقة النهارده، يعني إللي إحنا هنتكلم فيها أكتر بتركيز على المؤشرات بقى نفسها، والصناديق الاستثمارية إللي أنت تقدر تستثمر فيها في السوق
49:40
الحلقة (170): ما يسأله المستمعون - الجزء 15
إزاي تفصل البزنس والمالية بتاعك يعني دي أول نقطة لازم نوضحها للناس إن أنت لازم تفصل مينفعش تخلط فلوس البزنس بتاعتك مع فلوسك الشخصية دي أول غلطة أنا بحس الناس بتعملها إن هو مثلا كل الفلوس اللي جاية لهم البزنس بتاعه يعيد استثمارها أو ياخدها ويطلعها من البزنس يعني، الاتنين وحشين بالنسبة ليا فأول حاجة لازم أفرق ما بين الإتنين حساباتك لازم تبقى واضحة
50:13
الحلقة (171): صناديق التقاعد المقيدة بزمن Target-Date Funds
في حلقة النهارده هنتكلم على أنواع من الصناديق المتداولة بيبقى فيها وضوح شوية في الوقت أنا عارف إمتى أنا عايز اتقاعد أنا عارف إمتى أنا عايز فلوسي شبه فكرة المعاشات إن هي عارفة سنك فعارف أنت هتتقاعد إمتى عارفة الألتزام بتاعتها إن هي تديك فلوسك إمتى بنفس الطريقة دي إنت ممكن تعملها لوحدك مش محتاج شركات أو حاجة أنت ممكن تعملها من خلال صناديق الاستثمار متداولة، في الحلقة النهارده هنذكر أنواع صناديق موجودة على السوق الأمريكاني وممكن يكون في صناديق في دول تانيه، يعني هنلاقي النظام ده موجود في الدول ممكن يبقى موجود في البنوك، فاحنا بس هنستخدمها هنا عشان بشكل عام إن هي تبقى متداولة على البورصة إن هي أي حد يقدر يشتريها
51:15
الحلقة (174): طرح العام لشركة آكت فايننشال من الفكرة إلي التنفيذ - الجزء الأول
عمر: عايز أبتدي كده معاك، يعني أول حاجة عايز أقولها للناس اللي بتسمعنا أول مرة ومتعرفش أكت فاينانشال خلينا ناخد كده ملخص سريع مين أكت فاينانشال ، بتعملوا إيه وإيه المجال بتاعكوا والكلام ده كله؟
مصطفى: أكيد، إحنا شركة استثمار مصرية بتستثمر في شركات مصرية، أسسنا الشركة في 2015 بهدف فكرة الاستثمار النشط اللي هو الإستثمار المؤثر، تخصصنا شوية في حتة اسمها اللي هي الإعتماد أننا بنستثمر في حصص أقلية مؤثرة في شركات مقيدة، بحيث إن احنا نبقى مستثمر مؤثر في شركات بحصص معينة والتأثير بتاعنا ده أو وجودنا كمستثمر نشط جوا الشركة بيخلق قيمة لفرصة الاستثمار اللي بنخش فيها دي بنتخارج
52:14
الحلقة (175): طرح العام لشركة آكت فايننشال من الفكرة إلي التنفيذ - الجزء الثاني
عمر: حلو جدا، إحنا هنا كده اتكلمنا بشكل سريع، الموضوع ممكن ياخد وقت أكتر من كده بكتير أكيد، بس اتكلمنا بشكل سريع على المرحلة ما قبل الإدراج، عايز بقى أتكلم على المرحلة بتاعت الإدراج نفسها، أخدت قرار أنت قعدت أربع شهور خلصت ورقك، قدمت ورقك والهيئة وافقت عليك، أنت خلاص نازل فمن هنا بقى عملية الإدراج بقى كان مدتها قد إيه يا مصطفى يعني من ساعة ما خدت الموافقة، لحد ما طرحت تقريبا قد إيه شهر شهرين في الرينج ده؟
مصطفى: تقريبا أه يعني بتبقى في حدود مثلا شهر، إن أنت مثلا تفتح بقى باب الاكتتاب الخاص اللي هو الطرح الخاص اللي هو بيبقى المستثمرين بملاءة مالية معينة أو مؤسسات أو كده وبتفتح بعديها باب الاكتتاب للطرح العام اللي هو مفتوح لكل الجمهور يقدر يكتتب فيه بأي شكل هو حابه وبس وبعد كده يبتدي التداول، فآه العملية دي من بدايتها لأخرها تقريبا بتاخدلها مثلا تقريبا شهر يعني
53:18
الحلقة (176): طرح العام لشركة آكت فايننشال من الفكرة إلي التنفيذ - الجزء الثالث
عمر: أنا ليه بسألك السؤال عشان رائد الأعمال أو حد طرح حصته طرح شركته في البورصة زعلان إن هو بقى مثلا حتة من حاجة قريبة جدا من قلبه إن هو مثلا بها حتة من شركته، ونزلت بابليك والكلام ده كله، بس أنا برجع أقول الكلام ده إيه إن أنت دايما عندك فرصة إن أنت تاخد حصة تاني في شركتك، لو أنت حابب أو لو أنت شايف إن أنت ده أحسن استثمار ليك، وعلى فكرة أنت ممكن تشتريها بأسعار مضاعفة على اللي أنت بعتها أول يوم، وده مش حاجة غلط، لإن حجم الشركة نفسها ممكن يكون كبر الشرك
مصطفى : حجم الشركة كبر، إنت ممكن سيولتك تبقى مختلفك في وقت تاني ممكن يكون التقييم بتاع الش بتاع الشركة، بقى أغلب كتير بسبب زيادة رأس المال اللي أنت عملتها في في أسباب كتير تخليك تشتري الأسهم تاني، وده بيحصل كتير على فكرة وبيحصلوا فيه حاجة اسمها إن إنت ممكن إدارة الشركة التنفيذية تشتري حصص كبيرة جدا في شركاتها اللي هي بتديرها، بحيث إن هي تستحوذ على حصة كبيرة من الشركات اللي بتديرها، فاهم، فده برضه كل ده في إطار الإفصاحات، بس كل ده بيحصل وكل ده أ تاني كلمة، الكلمة السحرية في ال كل حاجة ليها ميكانيزم، عايز تخرج عندك ميكانيزم، عايز تشتري الميكانيزم تزود، تقلل، تكبر تصغر اللي أنت عايزه فاهم كله
54:25
الحلقة (177): المحفظة الإفتراضية
النهارده هنتكلم عن موضوع أو المحفظة الافتراضية ودي أداة هنلاقيها موجودة في شركات بتعملها وفيه مواقع بتعملها بتخليك تعمل محفظة افتراضية هدف المحفظة الافتراضية دي إن أنت تتعود على الاستثمار أو طريقة الاستثمار، تجربها من غير فلوس، المحافظ الافتراضية دي بتبقى ببلاش، أنت كل اللي بتحتاجه انك بتروح تفتح محفظة افتراضية بينزلك فيها فلوس، بيتحط فيها قواعد معينة بتشابه المحاكاة الحقيقية للاستثمار أو لمحفظتك بتاعة شركة السمسرة كمثال، وبتساعدك إنك تبني معرفة بالسوق، معرفة بصناديق الاستثمار اللي انت هتشتريها من غير ما تحط فلوس حقيقية فالأداة دي مهمة للناس اللي هي لسه ما بدأتش الاستثمار أو قلقانة أو خايفة أو مش عارفة تبتدي إزاي ممكن تتعلم منها إزاي تتداول أصلا، يعني ازاي تحط اوردرات في السوق
55:30
الحلقة (178): ازاي تبدأ خطوة بخطوة
حلقة النهارده انا عايز اتكلم على البدايات ده اكتر سؤال بيجي لنا يعني بما ان معظم المستمعين بتوعنا بيبقى اول مرة يسمعوا اي حاجة ليها علاقة بالمجال المالي فبالنسبالهم البداية بتبقى دايما صعبة في دايما تحيز ان انا ابتدي اللي هو انا بأجل او مخك بيقولك لا ده الموضوع ده صعب او ليه ابتدي انا خايف من الخسارة او خايف من حاجة انا مش فاهمها مش مستريح ولكن ارجع اقول دائما ان البداية اول خطوة في طريق ان انت تحقق حاجة ان انت لازم تبتدي حتى لو بخطوات صغيرة
56:05
الحلقة (181): إعادة توازن المحفظة
النهاردة أنا هتكلم على موضوع اسمه أو إعادة توازن المحفظة، الموضوع ده لطيف، خلال الحلقة دي هدي مثال يحاول على الأقل يوضح للناس بشكل رقمي تقدر تتخيله، أنا عارف إن برضو الناس ممكن تكون تسمع الكلام ده لأول مرة، أو هو مش موجود بشكل كبير، أو ممكن حد محترف هو اللي في المجال بس هو يكون عارف المصطلحات دي، بس هدفي النهاردة إن إنت تبقى عارف إن أنت لو ابتديت تستثمر إيه الأدوات الصغيرة اللي أنت ممكن تستخدمها، أو متستخدمهاش، يعني ممكن تكتشف إن موضوع إعادة التوازن ده ملوش معنى بالنسبالك، أو أنت مش محتاجه، فتسليط الضوء على الموضوع نفسه بالنسبالي مهم إن أنت تبقى فاهم يعني إيه إعادة المحفظة، إيه أنواعه هو إيه؟ وزي ما قلنا كده هندي مثال رقمي يحاول يبسطلك المفهوم ده بشكل عام
56:58
الحلقة (182): إزاي نقيس المخاطرة في الاستثمار Drawdown
النهارده هنتكلم في حاجة كده بنستخدمها لقياس المخاطرة ناس كتير عمرها ما بتستثمر لانها بتبقى خايفة من المخاطرة بتاعة الاستثمار أو هي مش فاهمة هي بتعمل إيه فبنحاول من خلال المفاهيم دي أو المصطلحات اللي ممكن نكون بنستخدمها إن إحنا نساعدك إن أنت تعرف إيه المخاطرة بتاعتك أو ممكن تبص له بطريقة تانية فأنت لو فهمت أنت إيه المخاطرة بتاعتك غالبا ممكن تقبل إن أنت تستثمر، ناس كتير عمرها ما حطت استثمارات أو عمرها مثلا ماشتغلت في حاجة زي الأسهم أو صناديق الاستثمار أو الحاجات دي لانها خايفة خايفة من المجهول زي ما بيقولوا
57:42
الحلقة (183): كلم عمر مبادرة جديدة من كلام ينور
فكرت كده إن إحنا نعمل حاجة مع المستمعين، وإحنا حاطين كاليندر كده موجود على موقع www.kalamyenawar.com/callomar هنحط اللينك بتاع الحجز بتاع المكالمة دي في الشو نوتس بتاعت الحلقة وحاطين كدا مواعيد متاحة موجودة في كلندر اه يمكن حتبقى متغيرة ولكن في الوقت الحالي يعني هي بتبقى يوم الخميس تقدر تبعت انفتيشن وأنت بتملى الانفتشين، بس ممكن تحط بس الأسباب أو الأسئلة أو الحاجات دي، عشان بس نبقى عارفين الكول متوجهة في إيه، يعني مثلا إيه أكبر عايز تحل إيه من خلال الكول ده الكول دي مش متسجله ومش هتتذاع، ومفيش أي حاجة هي بس مبادرة كده بحاول بيها أساعد الناس إن هي تبتدي أو لو حد عنده سؤال مثلا معقد شوية محتاجين نتكلم فيه أكتر، لإن ساعات برضو لما بنبعت مسجات الموضوع مبيبقاش واضح، لو بعتلي مسج ولسه برضو عايز تتكلم معايا مفيش مشكلة تقدر تحجز كول بس هي يعني فرصة إن أنت تقدر أو حضرتك تقدري تتكلمي معايا في أي في أي حاجة ليها علاقة بالمجال المالي بمجرد ان انت بتسجل بيتبعتلك الميعاد اللي أنت اخترته وهكذا بس أطلب بس من الناس إن إحنا نحط على قد ما نقدر معلومات عن الهدف من المكالمة، إيه أسئلتك، عايز تغطي إيه الكلام ده كله عشان لو فيه حاجة بس نقدر نحضرها
58:50
الحلقة (185): الدليل الشامل لاختيار السمسار المناسب
النهارده بقى خلاص أنا بحاول أعمل إيه من الحلقة دي بحاول أقول لك لما تدور على سمسار إن ده سؤال دايما موجود أو بيجيلي عبر السنين كمان أفتح مع مين، مين أحسن سمسار الكلام ده كله دائما أنا بقول مفيش نصيحة واحدة ممكن واحد يبقى عنده استخدام معين يعني مثلا ليه الناس بتبنك مع بنوك مختلفة مثلا فيه واحد مثلا بيستخدم الأونلاين بانكنج أكتر فبيحب البنك ده عشان الأونلاين بتاعه، فيه واحد بيعمل تحويلات كتير فمش عايز مثلا مصاريف تحويل كبيرة فأنا بتكلم هنا عن البنوك العادية يعني مش السماسرة منتج وكل بنك بيقدم حاجة معينة واحد خد قرض بسعر كويس ففتح مع البنك ده أيا كانت أسبابك نفس الكلام ده هنطبقه على السماسرة أو الوسيط المالي بتاعك اللي هو بينفذلك الأسهم وينفذلك طريقة الاستثمار بتاعتك
59:43
الحلقة (186): الحلبي أشهر هريسة في مصر! - الجزء الأول
النهارده هنتكلم على موضوع فاميلي بزنيس أو المشاريع التجارية اللي هي بتمتد عبر سنين طويلة في عيلة واحدة بتبقى هي اللي مؤسسة البزنس في ماركات كتيرة عالمية من الناس مثلا ممكن ما تعرفهاش مثلا زي الشوكولاتة مارس وكذا حاجة كده كانت ابتدت كفاميلي بيزنس وبعدين يتحولوا لشركات بيبقى فيهم نوع من أنواع الشغل المؤسسي بعد فترة وممكن بعد كده يدخلوا مستثمرين، إحنا النهارده هنتكلم مع حد ماشي في المرحلة دي اسم من الأسامي الكبيرة جدا في إسكندرية في سوق الحلويات
1:00:22
الحلقة (187): الحلبي أشهر هريسة في مصر! - الجزء الثاني
عمر: تعالوا نقول بقى الأيزو ده يعني أنت النهارده إنت رحت خدت خطوة كمان زيادة عن اللزوم أنت مش بس أسست المصنع أنت بتحاول تجيب له شهادات معتمدة يعني الأيزو هل ده مثلا بيبقى ليه علاقة بطريقة الإنتاج الهايجين أو طريقة المعالجة بتاعت النظافة أو طريقة الاختبار أو انك بتعمل مثلا تحاليل معينة يعني إيه الأيزو بشكل عام لإن هو برضو هيبقى موجود في كل المجالات أو كل المصانع
يحيى: بص يا عمر هي معايير يعني لحاجات معينة يعني لكل حاجة في الإنتاج هو من الآخر أنت عايز تتأكد المنتج ده صالح للاستخدام الآدمي يعني أنا ببسطها جدا للاستخدام الآدمي، المنتج ده واخد خطوات معينة بكنترول معين في كل خطوة إن أنا تتأكد ان المنتج ده من ساعة ما دخل عندي دقيق وسميد وتحول لعجينة وبعد كده تحول لحاجة مستوية وبعد كده باتت مثلا وتطلع أو هيتعملها تغليف وتطلع إن المنتج ده من الخطوة دي لحد الخطوة دي ممتاز
1:01:24
الحلقة (188): الحلبي أشهر هريسة في مصر! - الجزء الثالث
الهدف من الحلقة دي إن أنا عارف إن في ناس كتير عندها فاميلي بزنسز أو شراكات عائلية تكون مشروع ابتدى مر عبر الأجيال حابب انقل التجربة من وجهة نظر حد انا اعرفه كويس حد أنا بثق في رأيه فيا رب تكون الحلقة دي ومجموعة الحلقات مع يحيى تكون مفيدة للناس بتمر بنفس التجربة
1:01:45
الحلقة (189): ازاي تحمي ثروتك العائلية من الضياع
حلقة النهاردة كده، يعني سؤال كده كان دايما بيجي على بالي وحاولت بس أدور فيه شوية أعرف إيه سبب الموضوع ده وهو حتة إن إحنا بنشوف أمثلة كتير من العائلات أو رجال الأعمال الكبار أو الناس اللي هي تعتبر بنت ثروات كبيرة بنلاقي العائلات بتاعتهم، الجيل التاني، الجيل التالت، الجيل الرابع مش على نفس المستوى المادي، ودي حاجة غريبة يعني تقول مثلا ده كان جده يمتلك أكبر أراضي في المنطقة الفلانية، ده كان أكبر مصنع لحاجة معينة ده كان ملك السوق أو ماسك حاجة معينة، يعني اللي يبقى عايش وقتها يقول مستحيل إن هم مثلا يبقوا حالتهم المادية في وقت ما تبقى وحشة بعد كده لما دورت في الموضوع لقيت إن 70% من العائلات دي الثروة دي ما بيعديش الجيل التاني
1:02:45
الحلقة (191): ما يسأله المستمعون - الجزء 16
إزاي ممكن أعمل ميزانية مثالية؟
مفيش ميزانية مثالية أو مفيش حاجة حتنفع الناس كلها بيبقى خطوط معينة زي ما قلنا مثلا زي ميزانية بتاعة الـ 50 30 20 الـ 50 بتاعت الحاجات الأساسية الـ 30 بتاعة الحاجات اللي شوية فيها رفاهية و20% ادخار ده بشكل عام بشكل الميزانيات بتاعة الناس، الميزانية زي ما نقول دايما هو حاجة مش مثالية ولكن الناس ممكن تبقى حوالين الأرقام دي
وبكذا نكون وصلنا لنهاية الحلقة رقم 200 شكرا جدا جدا يعني لكل الناس اللى بيسمعونا وشكرا أنت سمعت الحلقة اللي هي فوق الساعة دي، يعني إن أنت قضيت الوقت ده معانا وإن شاء الله أشوفكم الأسبوع الجاي
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينوّر #بودكاست #بودكاست_عربي #بودكاست_بالعربي #100