النهاردة بنتكلم على حاجة ليها علاقة بالاستثمار العقاري وخاصة الشراء بهدف التأجير.. لو عايز اشتري عقار وأأجره أعمل إيه ؟ و ازاي أحسب العائد من الاستثمار ده؟ وأعرف كمان تكلفة الفرصة البديلة بطريقة بسيطة من غير الدخول في تفاصيل كتيرة معقدة

النهاردة الحلقة رقم 20 وزي ما اتفقنا كل 10 حلقات هيكون في حلقة رد على اسئلتكم واستفساراتكم  اللي بتبعتوهالنا من خلال صفحتنا على انستجرام وحلقة النهاردة رد على اسئلة جتلنا من استاذ نور الدين مدحت هو بعتلنا كذا سؤال مهمين بنرد عليهم في الجزء التاني من حلقة ما يسأله المستمعون

أتكلمنا في حلقات سابقة عن مصطلح الشراء الإندفاعي وهو إني بندفع للشراء بالعاطفة بدون التفكير هل أنا محتاج الشيء ده؟ وهل ميزانيتي تسمح بده؟ في حلقة الاسبوع ده بنتناول الشراء الإندفاعي في حالة اقتناء حيوان أليف.. هنا القرار مش هيأثر عليا أنا بس ده هيأثر على كائن حي له إحساس وله حياة تانية

"أمناء الحفظ" هو اسم بيتكرر كتير في المجال المالي ، وديماً بيبقى صعب على الناس بالذات اللي مش شغاله في المجال تعرف يعني ايه أمين حفظ في حلقة النهاردة بنحاول مع ضيفنا العزيز أحمد قاسم نفهم أكتر يعني إيه أمين حفظ وإيه الخدمات اللي بيقدمها أمين الحفظ

حلقتنا النهاردة مع مصطفى غنيم هي رحلة داخل قطاع شركات السمسرة.. هدف الحلقة انك تتعرف على شركات السمسرة.. بتعمل ايه وازاي ممكن تفيدك في خطتك الاستثمارية وازاي شركة السمسرة بتساعدك على الادخار ، وممكن تكبر استثماراتك من خلالها

الصحة النفسية موضوع موجود بشكل كبير في السنين الأخيرة ولآن جالنا منكم تساؤلات كتيرة عليه ولأن في الإعادة إفادة حلقة النهاردة هي إعادة تشغيل لحلقة 2 وعايزين كل الناس تسمعها ولو كنت سمعتها جرب تسمعها تاني أكيد هتخرج بمعلومات تانية جديدة

التحيز .. ولأن الناس ديماً بتتأثر بتحيز معين أو بتنحاز لفكرة معينة وقت اتخاذ القرارات تحديداً.. في حلقة الإسبوع ده بنتكلم عن أكتر 7 تحيزات بيأثروا في قراراتنا في البدايات واللي درس علم نفس هيبقى فاهم احنا بنتكلم على ايه ولكن احنا هدفنا ديماً تبسيط المعلومة بشكل يفيدنا في المجال المالي بشكل عام

اتكلمنا في الجزء الأول من بدايات الادخار على ازاي نبدأ ادخار ، بنكمل كلامنا الاسبوع ده مع ناصر والجزء الثاني من بدايات الادخار وبنرد على تساؤلات زي.. يعني ايه ادخار؟ ازاي أختار نوع حساب التوفير المناسب؟ أنا بحوش لإيه؟ دور المستشار المالي ؟ ازاي أعلم طفل يحوش؟ وغيره

عايز أحوش فلوس وأعمل حساب المستقبل ومش عاوز مفاجات تحطني في مواقف معرفش اتصرف فيها.. عاوز ديماً يبقى عندي فلوس على جنب.. أعمل ايه؟ وابدأ ازاي؟ موضوع حلقتنا عن الإدخار.. ازاي نبدأ نحوش ، و ايه العلامات اللي بنشوفها في الطريق عشان نوصل للأهداف المطلوبة؟ 

يعني ايه راجل غني ويعني ايه راجل ثري ؟ ويا ترى انت عايز تكون غني ولا ثري؟ بنتكلم في حلقتنا الاسبوع ده عن مفهوم كلمة غني و كلمة ثري من المنظور المالي وايه الفرق بين المفهومين؟

القرض رحلة بتقعد معاك فترة طويلة ممكن توصل لـ25 سنة في بعض الدول ، فلازم وانت بتاخد القرار ده تكون فاهم ايه توابعه عليك. حلقتنا هي محاوله منا لتبسيط المفاهيم الصعبة عشان تفهم يعني ايه أقتراض ، أنواع القروض المختلفة وازاي البنك بيحسب الفوايد على القروض

عبدالله غانم وإسلام عادل وعاليا عودة مستمعينا اللي شاركونا في حلقة العاشرة من كلام ينوّر وبعتولنا اسئلتهم وفي الحلقة هنسمع اسئلتهم بصوتهم ونرد على كل تساؤلاتهم

تابعوا حوارنا مع مصطفى بنتعرف على مصطلح يوفوريا.. يعني إيه يوفوريا؟ وإيه علاقة اليوفوريا بالمجال المالي؟ وازاي اليوفوريا بتأثر على حياتنا؟

هل الوقت عامل في تحديد قيمة الفلوس؟ ما هو التضخم وما أسباب حدوثة؟ دور الودائع البنكية؟ ما هي تكلفة الفرصة البديلة؟ تابعوا حوارنا مع مروان حايك ضيفنا اللي منوّرنا في حلقة الأسبوع ده من كلام ينوّر

واحدة من أهم وأكبر المشاكل اللي بتواجهنا ، الهدف من الحلقة هو ازاي تكون فاهم ومستعد مالياً لفترة التقاعد

هل امتلاك عربية أو أي وسيلة مواصلات خاصة مناسب ليك و لميزانيتك ودخلك ولا استخدامك لوسيلة مواصلات اخرى زي (أوبر) أو المواصلات العامة قد يفي بالغرض !

بعض المفاهيم العامة المغلوطة والموروثات الفكرية الخاطئة في مجال الاستثمار المالي وازاي نتجنب الوقوع فيها

بنتكلم عن الفرق بين الامتلاك المادي واكتساب الخبرات وأيهما هيحقق لك السعادة الحقيقة

بنتكلم عن "الفلوس" كمفهوم عام وليه الفلوس (او المادة) كمصطلح مربوطة في أذهانا بمشاعر سلبية!

علامات لو بتحصل معاك أعرف أن حياتك المالية مؤثرة بشكل سلبي على صحتك النفسية