17. رحلة داخل شركات السمسرة
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
حلقتنا النهاردة هي رحلة داخل قطاع شركات السمسرة
هدف الحلقة انك تتعرف على شركات السمسرة.. بتعمل ايه وازاي ممكن تفيدك في خطتك الاستثمارية وازاي شركة السمسرة بتساعدك على الادخار وممكن تكبر استثماراتك من خلالها
ضيف حلقتنا النهاردة هو مصطفى غنيم
ADCB Securities مصطفى هو مدير تداول الأوراق المالية في شركة
(MBA) التابعة لبنك أبو ظبي التجاري ، حاصل على درجة البكالوريوس في التسويق والأعمال الدولية وماجستير في إدارة الأعمال
خبرة أكتر من 10 سنين في قطاع شركات السمسرة
Mostafa Ghoneim@LinkedIn : تقدروا تتعرفوا أكتر على مصطفى وتتواصلوا معاه من خلال الرابط
: في هذه الحلقة
00:46 مقدمة
01:53 الضيف
02:53 بيختلف في ايه حساب البنك عن حساب شركة السمسرة؟
03:07 ايه هو حساب شركة السمسرة وايه الفرق ما بينهم؟
03:47 هل لازم يبقى عندي حساب في شركة سمسرة؟
04:32 دور البورصة نفسها إيه؟
05:18 هل حصل تطورات في البورصة من 50 سنة؟
07:52 هل أي سمسار ممكن يتشتريلي أي سهم في العالم؟؟
11:22 ازاي بتحاسب العميل بتاعك؟
13:47 على أي اساس أنا كعميل بختار السمسار بتاعي؟
14:51 هل خدمة العملاء جزء من الخدمات اللي بيقدمها السمسار؟
21:28 أمتى المفروض الواحد يفتح حساب في شركة سمسرة؟
22:50 هل فتح حساب في شركة سمسرة صعب من حيث الورق وللمستندات؟
24:02 أستوفيت ومليت الأستمارة وعملت كل حاجة ، الحساب بيتفتح في وقت قد إيه؟
24:54 إيه طرق تحويل الفلوس؟ وبحولها لمين وازاي علشان ابتدي أتداول؟
28:25 هل الموقع الخاص بالبورصة بيبقى فيه كل السمسارة المرخصين؟
29:49 الخاتمة
في النهاية لو أنت بتسمعنا وعندك أهتمام بالاستثمار يبقى لازم على الأقل يبقى عندك حساب في شركة سمسرة وتبدأ تخوض التجربة لأن الخطوات الصغيرة دي هي اللي بتفرق على المدى الطويل لو أنت حابب يبقى عندك حساب استثماري
تابعوا حلقتنا واكتبولنا آرائكم بعد سماع الحلقة
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
00:46
: مقدمة
اهلاً بيكوا في حلقة جديدة من بودكاست كلام ينور.. النهاردة الحلقة بنتكلم فيها على أنواع الشركات الموجودة في القطاع المالي ، هنبتدي بقطاع شركات السمسرة هدفي من حلقة النهاردة انك تعرف شركة السمسرة بتعمل ايه بظبط وازاي ممكن تفيدك في خطتك الاستثمارية.. ازاي ممكن تساعدك على الادخار ، ازاي ممكن تكبر استثماراتك باستخدام شركات السمسرة.. مهم أوي نبقى فاهمين الموضوع ده لأن دي من الآليات اللي احنا بنستخدمها في الحياة المالية
معايا في الحلقة ضيف مصطفى غنيم هيساعدنا اننا نفهم أكتر الحاجات دي
مصطفى عنده خبرة أكتر من 10 سنين في قطاع شركات السمسرة
ADCB Securities النهاردة هو بيشتغل في شركة
Show Notes التابعة لبنك أبو ظبي التجاري لو عندكوا أي اسئلة تقدروا تتواصلوا مباشرة مع مصطفى هنحط البايو بتاعة في
عايز أرحب بمصطفى.. أهلاً مصطفى
اهلاً عمر
02:26
النهاردة الحلقة بتغطي حاجة مهمة جداً انا عايز أعرف أكتر والناس اللي بتسمعنا عايزين نعرف أكتر عن القطاع نفسه بتاعك قطاع السمسرة ، لأنه جزء كبير جداً جداً من أي حد مهتم انه يعمل حاجات ليها علاقة بالادخار أو الاستثمار أعتقد شركة السمسرة هو جزء كبير من الموضوع يعني فهبتدي بأول سؤال ليك النهاردة
02:53
بيختلف في ايه حساب البنك عن حساب شركة السمسرة؟
بيختلف في ايه حساب البنك عن حساب شركة السمسرة؟ أي حد بيسمعنا النهاردة فاتح حساب بنك في الأغلب فتح حساب بنك في مرحلة ما بتاخد فيه فلوس مرتبك أو أيا كان
03:07
ايه هو حساب شركة السمسرة وايه الفرق ما بينهم؟
حساب شركة السمسرة هو شبيه بحساب البنك ، حساب البنك بيعتبر المكان اللي انت بتشيل فيه الكاش بتاعك وبتقدر تستخدمه كمان لو عاوز تصرف منه سواء بكارت او من البنك نفسه حساب السمسرة نفس الكلام بس المعاملات ليها علاقة أكتر بالاستثمار ، فسواء انت بتشتري أسهم منه بتبيع أسهم منه بتحول اسهم ما بين حساب لحساب ، فهو شبيه شوية بحساب البنك بس للاستثمار ، طبعا ممكن تشتري منه حاجات تانيه غير الأسهم بس ده الجزء الأكبر منه
03:47
أنا النهاردة ممكن أروح البورصة نفسها واشتري مباشرة ولا أنا لازم يبقى عندي حساب في شركة سمسرة؟
شركة السمسرة هي بوابتك على البورصة انت النهاردة علشان تقدر تتعامل مع اي بورصة ، البورصة بيبقى ليها أعضاء اللي هم شركات السمسرة مبتقدرش انت تروح البورصة زي الزمن القديم الناس تروح البورصة وتكلم بعض وتبيع لبعض الأسهم وكده ، في الزمن الحديث البورصة فيها اعضاء اللي هم شركات الوساطة وشركات الوساطة هي اللي انت بتفتح فيها حساب ، وشركات الوساطة هي اللي بتمثلك في البورصة عشان تبيع وتشتري أسهم بالنيابة عنك
04:32
طيب إيه دور البورصة نفسها ، يعني النهاردة أنت قولتلي أن أنت البوابة بتاعتي اللي ببيع وبشتري منها ، البورصة نفسها بقى بتعمل ايه؟
البورصة هي اللي بيحصل فيها عملية المطابقة بين المشتري والبايع النهاردة انا عندي حساب في شركة سمسرة وانت عندك حساب في شركة سمسرة تانية انت عايز تشتري سهم وانا عاوز ابيع نفس السهم انت بتحط الطلب بتاعك عند سمسارك وانا بحط الطلب بتاعي عند سمساري والطلبين بيقابلوا بعض في البورصة إلكترونياً ، والبورصة بيحصل فيها التطابق مع حفظ سرية اسامي العملا وكميات الأسهم والامور دي كلها.
05:18
انت بتقول إلكتروني هل قبل كده قبل كده مكنش إلكتروني؟ يعني هل في تطور وصلنا لمرحلة دي يعني من 50 سنة البورصة كان شكلها إيه؟
لو حد كان بيشوف الافلام اللي كانت بتتكلم عن البورصة في الزمن القديم كان في طريقة زي المزاد كان الناس بتروح المكان بتاع البورصة وبيكون في سبورة كبيرة بيتكتب عليها بالطباشير مين عاوز يشتري إيه والكميات والناس تقعد تنده على الأسهم زي المزادات ويبيعوا وكان ساعتها مفيش كمبيوتر الكلام ده مع الوقت اتطور وبقى التدول كله قائم على أنظمة والأنظمة دي بتوري الأوامر او الطلبات من غير ما تكشف عن هوية المتداول وبتتنفذ بطريقة رقمية
06:25
هل الطريقة دي بتكون سوفت وير مثلا أو نظام معين أنت كسمسار مرخص تدخل عليه؟
طبعا، كل سمسار او وسيط بيكون عضو في البورصة بيكون عنده إمكانية الوصول لنظام السوق نفسه بيسموه نظام إدارة الطلبات النظام ده بتقدر تشوف فيه الطلبات والعروض الموجودة في السوق كله على كل الأسهم وبتقدر تخلي العميل بتاعك يشوفها من النظام بتاعك يقدر يشوف الطلبات والعروض اللي في السوق على الأسهم
03:07
انا كعميل مش لازم أفهم في كل الحاجات دي انا كل اللي هقولهولك كسمسار انا عايز اشتري سهم في الحاجه الفولانية فأنت هتروح مكان اللي هو السوق وتحاول تجبلي الأسهم دي ، مظبوط كده؟
مظبوط ، هو السمسار بيكون مترخص عشان يقدر يعرضلك الأسهم بتاعتك أو يشتريلك اللي أنت عاوز تشتريها هو شغلته انه يشوف السوق ويطلبلك الحاجات دي هو مرخض علشان يعمل كده.. ولكن مع العرف كل واحد بيبقى مع السمسار بتاعه بيتكلم معاه ويقوله انا عاوز اشتري كذا فيقوله دي عليها عروض دي عليها طلبات يقدر يشتري فين يبيع فين مجرد يديله صورة عامة السوق شكلة عامل ازاي
07:52
أنت كسمسار هل بتبقى مرخص على كل البورصات اللي في العالم؟ ولا بيبقى عندك سوق معين أنت مرخص فيه؟ هل أي سمسار ممكن يتشتريلي أي سهم في العالم؟؟
هو ممكن ، بس هو أي سمسار ياما بيكون عنده مقعد مباشر في البورصة دي ، هو سمسار عضو في البورصة دي ومرخص انه هو يحط أوامر في البورصة دي ، وفي سمسار بيكون عنده مرخص على سوق زي سوق الإمارات مثلا ولكن عنده رخصة انه يتداول للعملة بتاعته في أسواق أجنبية وبالتالي يقدر يحط أوامر على سوق الأمارات وفي نفس الوقت يقدر يحط أوامر على سوق أمريكا أو مصر أو الكويت أو السعودية أو اي سوق حوالينا ، ففي نموذج بتاع السمسار المحلي اللي بيشتغل بس في السوق اللي هو شغال فيه والبورصة اللي هو عضو فيها ، وفي نموذج الإقليمي بيشتغل في اسواق الخليج ومصر وفي نموذج اللي بيشتغل على مستوى أكبر من الإقليمي اللي هو الدولي او العالمي اللي هو بيشتغل على مساحة أكبر بيشتفل في أسواق أوروبا وأمريكا وبيشتغل بردة في المنطقة العربية) الشرق الأوسط وشمال أفريقيا( وكل المنطقة اللي احنا فيها برده
09:16
يعني وانا رايح افتح حساب في شركة سمسرة كعميل لازم أبقى عارف انا عاوز أشتري ايه أو عاوز بورصات فين صح؟ يعني لازم أكون مجاوب على السؤال ده قبل ما أجي أفتح حساب معاك صح! عشان لما اجي أتكلم معاك كسمسار ابقى متأكد أنك هتوفرلي الخدمة دي ولا لأ ، مظبوط كده؟ يعني مش أي سمسار هيحققلي اللي أنا عاوزة يعني لو أنا مثلاً عايز أتاجر في الأسهم الأمريكية وأنا أعرفك كمصطفى أنت ممكن ميبقاش عندك الخدمة دي مظبوط؟ يعني لازم أبقى محدد أنا عايز ايه من الأول كعميل قبل ما أجيلك؟
طبعاً أي حد عاوز حاجة لازم يبقى عارف هو عاوز إيه
09:58
لأن أنا بحس حاجة بحس أن أنت وده سؤال بيجيلي كتير يعني اللي هو أنت أكيد هتعرف تشتغل ، يعني أنت راجل بتاع أسهم فأكيد عندك حلول لكل الأسهم اللي أنا عاوز أشتريها ده قصدي بس هو الموضوع مبيبقاش كده ، مش بالسهولة دي صح؟
خلينا نحطها بشكل بسيط ، مش كل السماسرة عندها القدرة على الوصول لكل الأسواق
10:23
هو ده قصدي بالظبط لأن ده مفهوم مغلوط اللي هو أنا عاوز أشتري أسهم آبل وعاوز أشتري أسهم إعمار مثلاً ودي في دولة ودي في دولة فهل أي سمسار ممكن يعملي الحاجة دي ولا لأ هو ده اللي أنا بحاول أوصله
لأ مش كل السماسرة عندها القدرة على دخول الأسواق ، ولكن دلوقتي بقى في بالذات البنوك الكبيرة أو المؤسسات المالية بقى عندها حلول للموضوع ده ، يعني ممكن يكون بنك كبيرعنده وساطة محلية في البلد بتاعتة وعنده حسابات استثمارية تقدر تفتحها زي حسابك البنكي بس للاستثمار تقوله انا عاوز أشتري أسهم آبل مثلاً يشتريلك ، يعني مش هنخش في تفاصيل أكتر ليها دعوة هم أحسن ولا أوحش ولا مصاريفهم ولا كده ولكن إمكانية الوصول بتبقى موجوده في مؤسسات كبيرة موجودة
11:22
أنا كل اللي بقوله اني لازم ابقى محدد نوعاً ما أنا عاوز ايه من السمسار ومن هنا أقدر أعمل البحث بتاعي عشان أعرف السمسار ده بيقدم الخدمة دي ولا لأ.. طيب أنواع المصاريف أو المصاريف الرئيسية اللي السمسار بيعمل منها فلوس ، يعني أنت ذكرت كلمة مصروفات قبل كده.. ازاي بتحاسب العميل بتاعك؟
حساب العميل في شركات السمسرة نقدر نحاول نشبة بحسابك لما تيجي تعمل عملية بنكية على حسابك البنكي النهاردة لما تيجي تعمل تحويل البنك بياخد مصروفات وممكن البنك المركزي كمان ياخد مصروفات للتحويل ما بين البنوك سواء دولي او محلي ، في اسواق المال الموضوع بيكون شبيه بنفس الحكاية الموضوع بيكون مصاريف بتروح للسوق بتبقى ديما متقسمه أكتر من حاجه مصروف للسوق نفسه (البورصة) ممكن مصروف للمقاصة بتاعة البورصة اللي هي المكان اللي بيحصل فيه تبديل للأسهم وممكن يكون في بورصات في المنطقة بيبقى فيها مصروف للحفظ المركزي بتاع الأسهم ، والمصروف التاني أو الجزء التاني اللي متكملناش عنه هو العمولة بتاعة السمسار
12:51
يبقى الأنواع المصاريف الأولانية دي أنت كسمسار مش بتاخدها أنت بتدفعها بالنيابة عن العميل في البورصة وبتحصلها من العميل ، النوع بقى اللي هو السمسار نفسه بيعمله أو الدخل اللي بيجي للسمسار ده بيبقى المتعارف عليه يعني كل ما أعمل عملية هدفع حاجة عليها ولا شكلها بيبقى عامل ازاي؟
المتعارف عليه أنها بتبقى نسبة مئوية من قيمة التداول ، يعني على سبيل المثال النهاردة بتشتري أسهم بقيمة 100 جنية وانا كسمسار باخد 1% مثلا يبقى انا هحصل منك عمولة السمسرة 1 جنية
13:47
طيب ايه اللي بيميز سماسرة عن سماسرة ، يعني أنا النهاردة السوق مفتوح ، هفتح الموقع بتاع البورصة المصرية هلاقي المرخصين مثلا 100 شركة أو 50 شركة أيا كان ، أنا إيه الحاجات المهمة اللي أنا كعميل بختار السمسار بتاعي ، كلهم عندهم إمكانية الوصول على نفس السوق ، يعني كلهم بيقدموا نفس الخدمة وهيشترولك في البورصة اللي عندهم ترخيص ليها.. إيه الحاجات اللي مفروض أدور عليها في السمسار هل منافسة على السعر بيدفعني مثلا مصاريف أقل ولا في خدمات تانية اللي مفروض أحدد منها أختياري للسمسار؟
برده ده هيرجع لنفس النقطة بتاعة أنت عايز إيه منه ، السماسرة في العموم بيبقى عندها خدمات غير انها تقدر تبيعلك وتشتريلك خدمات تسهل عليك المعاملة وخدمات تانية تزودلك المعلومات اللي تقدر تساعدك تعمل المعاملة
14:51
ومعلش أنا هقاطعك بس في الحته دي هل خدمة العملا ده جزء من الخدمات؟ يعني أنا ديماً بحس أن خدمة العملا نفسها بتبقى جزء من التجربة بتاع أي حاجة ، صح؟ يعني هل ده حاجة في السعر؟
طبعاً ، علاقة السمسار بالعميل بتاعة ، أو علاقة العميل بالسمسار هي قايمة كلها على علاقة مبنية على سواء عنده عملية عاوز يعملها سواء كانت في التجارة يبقى هو بيستخدم السمسار بتاعة أو العلمية ملهاش دعوة بالتجارة مثلاً بيحول أسهم من حساب سمسرة لحساب سمسرة تاني أو بيعمل تحديث للمعلومات بتاعتة في البورصة ، يعني أي حاجة ممكن تكون مشرف أو تكون تجارة ففي الحالتين خدمة العملا طبعاً بتفرق ، لو أنت بتوصل للسمسار بتاعك عشان تعمل بس حاجة بسيطة ، خلي بالك الموضوع كله حساس للوقت لو أنت النهاردة عاوز تشتري سهم وعقبال ما توصل لسمسار أتكلمت التليفون مشغول معرفتش توصل للخط الساخن كان زحمة كل الأمور دي كلها فاتك السعر عندك مشكلة ، ودي تعتبر تجربة سلبية
16:07
وتكلفة بتدفعها بشكل مباشر من حسابك أن أنت هتشتري السهم ده أغلى لو أنت معرفتش توصل للسماسر بتاعك ، يبقى خدمة العملا أعتقد دي حاجة الحاجة التانية اللي أنت قولتهالي طبعاً التنفيذ أن أنت تنفذلي أصلاً على البورصة تالت حاجة نقول ايه؟ تالت خدمة إيه؟
في حاجات كانت زمان يعني مش كل الناس عندها ، بس يعني أغلبية السمسارة الكويسين عندهم أنهم بيوفروا منصات رقمية للعملا ، تطبيق على الموبايل بتشوف فيها المحفظة بتاعتك بتشوف أسهمك كل يوم بتشوف قيمتها بقت قد إيه ، طلعت قد إيه ونزلت قد إيه ، من موبايلك تقدر تعمل طلبات تشتري وتبيع بتشوف عندك متبقى قد ايه كاش أو لو بيعت محفظتك تبقى فيها قد إيه ، في تطبيقات ممكن تبقى أحسن شوية توريلك مثلاً لو عندك أرباح على الأسهم بتاعتك أو أخبار الأسهم بتاعتك أو أخبار على السوق في الملطق ، في فنفس القسم بتاع الحلول الرقمية غير تطبيق الموبيل بتلاقي متصفح الويب لسطح المكتب بتخش تلاقي منصات فيها أسهمك وحاجتك طبعاً تفاصيل أكتر شوية من الموبايل دي برده مش كل السماسرة عندها بس يعني في الحتت المتطورة خلاص يعني أحنا في زمن كل الناس دي ابسط حاجة تقدر تقدمها يعني وده جزء من الحلول إن يبقى عندك حاجة غير الديجيتال يبقى عندك وسيط مجتهد دي حاجة من المميزات مش كل الشركات بتقدر تقدمها علشان أعداد العملا كتير، فديماً الوسيط المجتهد بيكون للعملا اللي عندها حسابات كبيرة ومحتاجة حد يساعدها لأنه مش هيقدر يخش على الديجيتال ابلكيشن ويحط طلبات هو محتاج حد يقدر يبيع أو يشتري الأسهم بتاعتة بشكل معين أو حجم التداول كبيره فمحتاجة سمسار. في حاجة كمان احنا متكلمناش عنها وساعات بتبقى موجودة وساعات بيبقلها في المصاريف حتى مصاريف زيادة بياخدها السمسار زي انه بيقدم خدمات البحث ، يعني مثلا بيعمل تقارير على الشركات المدرجة في السوق بيبقى مثلاً بيغطي قطاع زي قطاع العقارات أو قطاع البنوك أو اتصالات أو أيا كان.. وببيغطي الشركات وبيبقى عنده قسم البحوث بتقدم ملاحظات عن الشركات سواء السعر رخيص أو غالي ، في أخبار جوهرية ممكن تغير في سعر السهم أو ممكن تغير في فكرك وأنت بتشتري السهم في بعض السمسارة بيقدموا ده بتكلفة زيادة عن عمولة السمسرة
19:10
ودي أكتر تعتبر تقييم مالي صح؟ يعني انت بتعمل تقييم مالي لأصول الشركة دي الأبحاث صح؟ اللي هو أنت بتقييم أصول الشركة بناءاً على الأرباح اللي الشركة بتعملها ، المحلل الموجود جوه الشركة ، صح؟
مظبوط ، ودول كمان بيبقوا مش مجرد أنهم بس بيعملوا تقييم ، بيدوا توصيات كمان وبيكونوا مرخصين من الأسواق أو من الجهات الرقابية بتاعة السوق ده ، مرخصين أنهم يدوا النوع ده من التوصيات
19:48
وأعتقد كمان أن كل ما ندور كل ما هنلاقي برده كل واحد أو كل سمسار بيحاول يتميز بحاجة معينة أن هو يجذب العملا أكيد يعني ، والحاجة الأخيرة أعتقد السعر، بعد كل ده السعر كعمولات ده برده حاجة بتخليك تختار السمسار صح؟
أكيد كل حاجة حساسة جداً لموضوع السعر، أنا باخد خدمة أرخص من حتة تانية ، على الأقل هدرس ليه باخدها أرخص هل الجودة بتاعتها نفسها ولو الجودة هي هي هتروح ديماً للأرخص ولكن برده في زي قاعدة في أغلب الأسواق بيبقى كل سوق تقدر تخش تعرف عمولة السوق قد إيه ، وتفصيلها عامل ازاي متقسمة لإيه وعمولة السمسار قد إيه فأنت بيبقى عندك على الأقل معلومة عن أقصى حد للمصاريف لو أنت عاوز تداول في السوق ده ، كل سمسار بيعمل عروض في أوقات معينة في ناس كتير بتقعد تشجع العملا تشتغل على المنصات الرقمية لأنه طبعاً بيوفر على السمسار القوى العاملة بتاعة السمسار وأمور تانية ، ففي ناس بتعمل عروض عشان تشجع الناس تشتغل على المنصات الرقمية ، ممكن يدوا تخفيضات على الجزء بتاعهم اللي هو عمولات السمسرة ، عمولة السمسار نفسه يدي عليها تخفيض علشان أنت تستخدم المنصات على الإنترنت ، طبعاً في ناس بتدي تخفيضات للعملا الأكبر في الحجم وما إلى ذلك
21:28
أمتى المفروض الواحد يفتح حساب في شركة سمسرة؟
أمتى دي سؤال كبير جداً ، يعني أنا في السنين اللي أشتغلتها بتشوف أطفال صغيرين أهاليهم بيفتحولهم حسابات سمسرة وبيشترولهم أسهم من وهم صغيرين بحيث أنها مع مرور الوقت يطلعوا يكبروا ويبقى عندهم حاجات يعني بيحوشولهم ومن وهم صغيرين ، في شباب من أول ما بيوصل لعمر 15 أو 16 سنة بيبقى سمع عن البورصة أو شاف في فيلم بتبقى حاجة بالنسبالة فيها إثارة عايز يجرب فبيفتحوا حسابات ، وفي حتى حسابات في أسواق بره بيقدروا يفتحوا حسابات مش حقيقية حسابات تجريبية يجرب يعني ايه يشتري وازاي يحط الكمية وازاي يحط السعر ويتابع السهم زي محاكاة في عمر 16 ، لكن هو لو حد حابب يفتح حساب من سن صغير يقدر ، طبعاً طول ما هو تحت السن القانوني بيكون فيه واصي وكل دولة ليها سن قانوني معين تبع كل دولة ولما يكبر بيقدر يتحكم في الحساب
22:50
النهاردة لو عاوز أفتح حساب توقعاتك للوقت وللورق وللمستندات يعني النهاردة هل الحساب صعب في فتحة لو عاوز افتح حساب شركة سمسرة؟
لأ خالص اجراءات حساب السمسرة بسيطة مش معقدة بالذات للأفراد ، الأفراد بيبقى زي ما بتفتح حساب البنك سواء كان بجواز السفر أو ببطاقة الهوية ممكن بتحتاج حاجة تثبت بيها المكان اللي أنت عايش فيه أنك يتفتحلك أرقام مستثمر ، كل مستثمر بيجي يفتح حساب في البورصة السمسار بتاعة بيقدملة على رقم مستثمر لأن كل المتعاملين في البورصة بيتعاملوا بأرقام المستثمر علشان حفظ الهويات ، الأسهم طبعاً لما بتشتري تحت رقم المستثمر بتاعك ولكن كمان علشان العمليات لما تحصل ميبقاش معروف مين بيبيع لمين السوق بس أو البورصة بس هي اللي بيبقى عندها خلفية بالهويات بتاعة العملا عشان تراقب على عملية البيع والشرا وميبقاش في تلاعب
24:02
أول ما أفتح حساب شركة سمسرة ، أنا جيتلك وقدمت الورق وأستوفيت ومليت الأستمارة وعملت الكلام ده كله ، الحساب بيتفتح في نفس الإسبوع؟ يعني أنت حسابك بيبقى جاهز في نفس الإسبوع نقدر نقول كده؟
أغلب الأماكن بيبقى آه ، يعني لو أرقام المستثمرين مثلاً لو هناخد سوق الإمارات رقم المستثمر مابين سوق دبي وسوق أبو ظبي ياخد في حدود يومين تلات أيام ، شركة السمسرة بعدها هتاخد تقريباً من يوم لـ 3 يعني حسب الشغل ف في إسبوع ممكن يفتح الحساب
24:54
طيب بعد ما بفتح الحساب عشان أعمل أول عملية تداول هل أنا بحولك فلوس الأول؟ وإيه طريقة تحويل الفلوس؟ بحولها لمين وازاي علشان ابتدي أتداول؟
الحساب لما بيتفتح بيبقى بطبيعة الحال مفهوش فلوس أو مفهوش كاش ومفهوش أسهم لأنه حساب جديد فأنت علشان تبدأ أول عملية تداول فيه أنت محتاج تعمل تحويل للحساب ده بحيث إن الحساب يبقى فيه فلوس تقدر تشتري بيها الأسهم ، في نوعين من شركات السمسرة في شركات سمسرة بتبقى تابعة البنك وفي شركات سمسرة مش بتبقى تابعة للبنك ، شركات السمسرة التابعة للبنك أغلب الظن بيكون ليك حساب السمسرة ده بتشوفه لو عندك مثلاً وبتقدر تحول من حسابك الجاري لحسابك بتاع السمسرة اللي في نفس البنك وفي نفس الوقت بتشوف فلوسك في نفس الحساب
25:59
آه دي خدمة إضافية لو أنت السمسار بتاعك مرخض وتابع للبنك فبتشوفه زي أي حساب تاني زي بطاقة الائتمان بس ده بيبقى حساب استثمار وبتقدر تحول الفلوس من حساب لحساب زي اي تحويل داخلي بتعملة
من حسابك الجاري أو حساب الادخار لحساب السمسرة
26:22
حلو ، أنا حولت الفلوس وبقى عندي رصيد في حساب السمسرة أقدر أرفع التليفون عليك أو أحط طلب على الإنترنت أو أيا كان ، كده أنا جاهز أتداول مظبوط كده؟
تمام
26:37
طيب لو أنا السمسار بتاعي مش جزء من للبنك ، بعمل إيه؟
لو أنت السمسار بتاعك مش جزء من البنك بيبقى مع فتح الحساب ، أول ما بتفتح الحساب وبيكلموك يقولولك الحساب اتفتح أو بيبعتولك إيميل بيقولولك حسابك أتفتح ورقم حسابك الفلاني ورقم الاستثمار بتاعك أو الكود بتاعك في السوق رقمة قد كده وطرق انك ازاي تمول الحساب ، ديما الشركات دي بيبقى ليها حسابات في أكتر من بنك علشان يسهلوا على العملا بتاعتهم يحولوا فلوس وبيقولولك البنك الأسهل لك أو اللي عندك معاه حساب تقدر تحول وتحول بمجرد ما فلوسك بتتحول على الحساب ده وبتبعت أنت الإشعار بالتحويل أو لو عندك وصل أو حاجة بتبعته لشركة سمسرة بيبان على طول المبلغ بتاعك بيبقى عندك برده تقدر تبتدي تحط طلبات على منصة التجارة عبر الانترنت أو مع سمسار
27:38
في أي حاجة تانية ممكن أنا مسألتهاش من أول ما تعرف أنت عاوز تفتح سمسرة ، في أي حاجة مهمة اللي بيسمعونا ممكنيستفيدوا منها في حتة السمسرة أنا مسألتش عنها؟
بخصوص الطريقة هي تقريباً واحده يعني ، ممكن طبعاً تختلف من بلد لبلد ومن بورصة لبورصة بس ده في العموم أغلب الطلبات بتبقى شبه بعض بتبقى محتاج تثبت بس أنت مين والهوية بتاعتك يعني وتبتدي تحول الفلوس وتستثمر يعني
28:25
طيب أنا النهاردة حاولت أغطي معاك ازاي تفتح حساب في شركة سمسرة لأن ده ديماً بتبقلا عائق قدام ناس كتير بتيجي تسألني نعمل ايه نبتدي منين وأنا أنصح كل الناس أنها تعمل البحث بتاعها في الموضوع ده ، في معلومات كتيرة النهاردة موجودة أونلاين وأعتقد أن كل السمسارة موجودين أونلاين كمان ، يعني في معلومات أونلاين كتيرة بتبقى متاحة الناس تقدر تدور فيها.. السمسار ده بيعمل إيه أو إيه المسجل أو الكلام ده اعتقد أن الموقع بتاع البورصة نفسه بيبقى عندك كل السمسارة المرخصين هل ده كلام مظبوط؟
مظبوط ، أحنا في طرق في فتح الحساب أحنا متطرقناش ليها هي مش عامة بالذات في المنطقة بتاعة الخليج وحتي مصر ولكن موجودة بره أن انت ممكن تفتح حسابات التداول دي من غير متروح حتى للمكان أونلاين ، في فعلاً شركات أونلاين تقدر تخش تفتح الحساب وتملى البيانات زي ما بتفتح أي حساب على وسائل التواصل الإجتماعي أو حاجة زي كده بتملي البيانات بتاعتك وبتقدم الحساب وبيروح يعملوله مراجعة وبعدين يبتدي الحساب يقدر يشتغل
29:49
: الخاتمة
أنا أعتقد لازم أي حد بيسمعنا وعنده أهتمام بالاستثمار على الأقل يبقى عندك حساب في شركة سمسرة زي ما عندك حساب في البنك ، أعتقد مفيد جداً زي ما مصطفى قال في الأول أن أنت على الأقل تجرب الطريقة تحول فلوس تحاول تشتري أول سهم ليك أعتقد الخطوات الصغيرة دي هي اللي بتفرق على المدار الطويل لو أنت حابب يبقى عندك حساب استثماري.. وفي نهاية الحلقة أنا حابب بس أشكر مصطفى جداً ونتمنى إن الناس تكون استفادت من حلقتنا النهاردة ديماً حاولوا تتواصلوا معانا على صفحة السوشيال ميديا بتاعتنا أو إيميل البرنامج.. شكراً جداً يا مصطفى على وقتك معانا
Translation of some words and terms:
Directly بشكل مباشرSaving ادخار
Investing استثمار
Most probably على الأرجح
At some point في مرحلة ما
Transactions المعاملات
Exchange البورصة
Direct مباشرة
Members أعضاء
Matching مطابقة
Order طلب
Outcry صرخة
وسيلة للتواصل في البورصة قديماً يشبه المزادات وينطوي على الصراخ واستخدام الإشارات اليدوية لنقل المعلومات حول أوامر البيع والشراء
System نظام
Identity هوية
Access وصول / إمكانية الوصول
Order Management System نظام إدارة الطلبات
Overview نظرة عامة
Direct Seat مقعد مباشر
Model نموذج
Local Broker سمسار محلي
Regional إقليمي
Scale مستوى
International Broker سمسار عالمي أو دولي
MENA : Middle East and North Africa الشرق الأوسط وشمال إفريقيا
Offer عرض
Financial Institution مؤسسة مالية
Investments Accounts حسابات استثمار
Research بحث
Fees مصاريف / رسوم
Competition منافسة
Recourses معلومات / مصادر
Experience تجربة
Relationship علاقة
Trading تجارة
Update تحديث
Admin مشرف
Time Sensitive وقت حساس
Hotline خط ساخن
Negative experience تجربة سلبية
Digital platforms for clients منصات رقمية للعملاء
Segment قسم
Digital Solution حلول رقمية
Desktop Web Browser متصفح على سطح المكتب
Diligent broker سمسار مجتهد
Research Services خدمات البحوث
Reports تقارير
Real Estate العقارات
Telecom الأتصالات
Research Department قسم البحوث
Notes ملاحظات
Based بناءاً
Quality جودة
Promotions عروض
Manpower القوة العاملة
Discounts تخفيضات
brokerage commissions عمولات السمسرة
Online Platforms منصات على الإنترنت
Overtimes بمرور الوقت
Excitement إثارة
Demo Account حساب تجريبي
Simulation محاكاة
Application استمارة / طلب
Online Banking الخدمات المصرفية عبر الإنترنت
Credit Card بطاقة الائتمان
Internal Transfers التحويلات الداخلية
Investor Number رقم الاستثمار
Fund تمويل
Receipt وصل
Process معالجة
Social Media وسائل التواصل الاجتماعي
Review مراجعة
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينوّر #بودكاست #بودكاست_عربي #بودكاست_بالعربي #شركات_السمسرة #سمسار #حسابات_شركات_السمسرة