تكملة لحلقة الاسبوع اللي فات.. هنتعرف النهاردة على 3 من مستمعي كلام ينور اللي شاركونا تجاربهم واسئلتهم.. وفي الحقيقة حلقة النهاردة هتديكوا أمل أن الموضوع سهل وممكن يتحقق ومفيش مستحيل

جزء جديد من ما يسأله المستمعون ولكن بشكل مختلف ، معانا النهاردة 2 من مستمعي كلام ينور اللي شاركونا تجاربهم واسئلتهم وهنسمع منهم إيه الخطوات اللي حققوها والخطوات القادمة وازاي بودكاست كلام ينور فرق معاهم

8 مراحل مالية مختلفة في الطريق للحرية المالية.. إيه مميزات وعيوب كل مرحلة وازاي تحط نفسك على الطريق وتعدي من مرحلة لمرحلة هو ده موضوع حلقتنا النهاردة

حلقة النهاردة هي الجزء الثاني من حوارنا مع أحمد حمودة الشريك المؤسس لمنصة ثاندر - أول منصة مصرية للاستثمار الإلكتروني

حلقة النهاردة هي الجزء الأول من حوارنا مع أحمد حمودة واحد من مؤسسي منصة ثاندر (أول منصة مصرية للاستثمار الإلكتروني) .. إيه هي ثاندر؟ بيقدموا إيه؟ وإيه مزايا وعيوب المنصة دي؟ واسئلة تانية كتير هنجاوب عليها على مدار حلقتين

بنتكلم على أهمية العائد على الإستثمار وازاي معرفة العائد على الإستثمار ممكن يساعدني أخد قرار استثماري صحيح! وأقدر أقارن بين الفرص الإستثمارية المتاحة

حلقة النهاردة هي الجزء الثاني والأخير من المقتطفات المالية واللي بنلخص فيها أهم النقاط والمواضيع اللي اتكلمنا عليها في الحلقات اللي قدمناها من أول ما بدأنا البودكاست

حلقة النهاردة هي الجزء الأول من حلقتين بعنوان (مقتطفات مالية) واللي هنلخص فيهم أهم النقاط والمواضيع اللي اتكلمنا عليها في الحلقات اللي قدمناها من أول ما بدأنا.. وهنبدأ النهاردة بملخص لأول 20 حلقة من حلقات البودكاست

أول لايف (مسجل) من صفحتنا على كلوب هاوس بمناسبة عيد ميلاد كلام ينور الأول ورؤية للحياة المالية في سنة مع صديقنا عمرو عبد الفتاح

النهاردة احنا بنحتفل معاكوا بسنة أولى كلام ينور .. الحمدلله على مدار سنة كاملة قدرنا ننزل 52 حلقة بمعدل حلقة إسبوعياً .. في حلقة النهاردة شمس بيحكلنا عن تجربته بعد السنة .. إيه اللي أتعلمه خلال السنة دي وازاي التجربة دي كانت مفيدة بالنسباله

حلقة النهاردة هي مقارنة بسيطة بين الأسهم والسندات كأدوات للتمويل الأساسية والمتداولة بشكل كبير جداً في الوسط المالي.. يعني إيه سهم ، يعني إيه سند ، إيه المميزات او الفروق بينهم وازاي بتحقق العوائد منهم..

حلقة النهاردة هي الجزء الخامس من حلقات ما يسأله المستمعون اللي بنرد فيها على أسئلتكم اللي وصلتنا من خلال صفحتنا على السوشيال ميديا

أتكلمنا قبل كده عن صناديق الاستثمار مين بيبعه ازاي تقدر تشتريه والتفاصيل دي كلها في حلقة قديمة.. ولكن في حلقة النهاردة بنقارن ما بين صناديق الاستثمار العادية والصناديق المتداولة على البورصة

حلقة النهاردة هي إعادة للحلقة (3) اللي بنتكلم فيها عن "الفلوس" كمفهوم عام وليه الفلوس (او المادة) كمصطلح مربوطة في أذهانا بمشاعر سلبية !

العائد على المجهود مفهوم الناس عمرها ما فكرت فيه ولكنه ضروري جداً نحطه في الحسبان واحنا بنقييم أي فكرة إستثمارية .. 8 أسئلة ممكن تسألها لنفسك عشان تعرف هل الفكرة الإستثمارية دي كويسة من حيث العائد على المجهود ولا فكرة أخرى من منظور مختلف ممكن تبقى فرصة إستثمارية أفضل وبأقل مجهود؟

حلقة النهاردة لايف (مسجل) في ضيافة صديقنا عمرو عبدالفتاح على كلوب هاوس بمناسبة اليوم العالمي للمرأة حبينا نتكلم على الحرية المالية من منظور المرأة وازاي الاستقلال المادي بينعكس عليها وعلى الأسرة والمجتمع كله

ياترى كمستثمر مين أفضل الرجل ولا المرأه؟ ومين قدر على المدى الطويل يحقق عوائد أعلى؟

حلقة النهاردة بتناقش موضوع مهم جداً ألا وهو التحيزات السلوكية في الإستثمار.. وازاي التحيزات دي ممكن تأثر على القرارات الإستثمارية بالنسبة للرجل والمرأة؟

موضوعنا النهاردة عن الحرية المالية ومفاهيمها وحلقة النهاردة مختلفة شوية لأننا كنا ضيوف عند عمرو عبد الفتاح في أول تجربة لايف صوتي (مسجل) لكلام ينور على كلوب هاوس

عمرك فكرت ازاي الأسواق أدائها بيتقاس؟ إيه المقايس اللي بنحدد على أساسه اذا كان السوق ده طالع بشكل كويس أو نازل بشكل جامد؟ ازاي أقيم العوائد بتاعتي في الاستثمار؟ في حلقة النهاردة بنتكلم عن مؤشرات أسواق المال ، وازاي تقيم أدائك في البورصة

مفهوم الزكاة مفهوم مش سهل ، وخاصة حساب الزكاة في فئات الأصول المختلفة اللي بتاخدها للاستثمار.. في حلقة النهارده بندردش مع ضيفنا الأستاذ نادر التهامي في تبسيط مفهوم الزكاة