162. استضافة مع جايلك في حوار - الجزء الأول
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
النهاردة كلام ينور في استضافة رضا علي وبودكاست (جايلك في حوار)
رضا علي هو مهندس جودة واخصائي تسويق وتواصل، عضو في لجنة تفعيل الاستراتيجية الوطنية لمنظومة الرعاية البديلة في مصر عام 2024 وعضو جمعية عمومية لجمعية سند للرعاية البديلة
اللقاء على جزئين هنذيع النهاردة الجزء الأول
https://www.facebook.com/Reda.ali45 :تقدروا تتابعوا رضا هنا
https://www.youtube.com/@GaylkMnHnak :قناة جايلك من هناك
: الجزء الأول
حابين نتعرف عليك على المستوى الشخصي والمهني؟ -
ازاي في سن صغير الواحد يبتدي يفهم ازاي يحافظ على المصروف؟ -
فقلنا اهمية ان الواحد يبقى بيحوش؟ -
لو بقبض مصروف 500 جنيه في الشهر ازاي اقدر احوش منه 20% في الشهر، احسبها ازاي؟ -
لو انا لقيت ان صندوق الطوارئ عندي بدأ يبقى كويس، إيه الحاجات التانية اللي ممكن احوش فيها الجمعية بدل ما تضيع مني -
لو انا كل شهر باخد رقم معين ازاى اقسمه بحيث ميعجزش معايا اخر الشهر ، تنصحنا بإيه؟ -
استنونا الاسبوع الجاي والجزء الثاني من استضافتنا عند بودكاست جايلك في حوار
تابعوا حلقتنا واكتبولنا آرائكم بعد سماع الحلقة
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
أهلا بيكوا في حلقة جديدة من كلام ينور، كالعادة أنا ببقى الهوست أو المضيف بتاع البودكاست أو الحلقات دي، النهارده انا هكون ضيف لإن حصل استضافة في بودكاست تاني وحبينا نذيع الحلقة دي هنا على كلام ينور بسبب إن أنا أولاً انبسطت جدا من الحلقة، كانت حلقة لذيذة جداً ميزة البودكاست دي إن هي يعني بيعرفني على ناس جديدة، كنت يمكن عمري ما هقابلهم منهم أستاذ رضا علي إللي هو استضفني في البودكاست بتاعه إللي إحنا هنشغله ان شاء الله الأسبوع ده، والاسبوع الجاي
رضا قصته جميلة جدا، يعني هو حياته كلها أو شغله بالذات، يعني في الفترة دي امتد من خلال تجربة ليه وهو صغير، رضا كان في دار أيتام وكبر، واتخرج وتطوع بعد كده في الشغل وهو في عضو جمعية سند للرعاية البديلة دلوقتي، وعنده حاجات كتير جدا بيعملها زي إن هو بيشتغل في المنتاج وفي التصميمات وفي إدارة المواقع الإلكترونية، وعمل بودكاست بتاعه إللي هو استضفني فيه، بيعمل حملات كتير جدا لرفع الوعي ودعم القضية بتاعة الايتام في مصر، فشرف كبير جدا إن أنا أتعرف عليه من خلال البودكاست ده أكيد ، وأنا عرفته يمكن من سنة، ولما عمل البودكاست بتاعه دعاني، وبحب أشكره جدا على الفرصة دي اني أروح أتكلم عنده في البودكاست ويخلي الناس من قطاع مختلف يمكن مسمعنيش يسمع الحلقات بتاعتنا فهو دائماً مجتهد ومتطوع يعني ما سابش حتى ايه بعد ما خرج من دار أيتام ما سابش القصة وكمل فيها، وحب يغير حياة ناس تانية، البودكاست اللي هو بيعمله عشان يزود الوعي بشكل عام ويساعد الناس، ومش في الموضوع المالي بس يعني النهارده بتكلم عن الموضوع المالي معاه، ولكن هو بيعمل حاجات تانية مختلفة، ف شكراً جداً يا رضا على الحلقة الجميلة اللي عملناها مع بعض واسيبكم إن شاء الله تستمتعوا بيها
رضا: ازيكم حلقة جديدة من بودكاست جايلك في حوار النهاردة معانا ضيف الحلقة عمر شمس، عمر هو مؤسس بودكاست كلام ينور ، كلام ينور هو أول بودكاست عربي بيتكلم على التوعية المالية بشكل مبسط في الوطن العربي
رضا: عمر مساء الخير و حابين نتعرف عليك على المستوى الشخصي والمهني؟
عمر: ازيك يا رضا وشكرا جدا على الفرصة دي، أنا مبسوط إن إن أنا أكون معاك يمكن اتعرفنا على بعض السنة إللي فاتت، والنهارده إحنا مع بعض في شكل حواري لذيذ، آه يعني إنت بتعمل بودكاست فلطيف إن إحنا نبقى في نفس المجال، وبنتكلم مع بعض، أنا ببساطة عملت البودكاست بتاع كلام ينور من بالظبط تقريبا 3 سنين
البودكاست ده يعني كان سببه اننا كان بيجيلي اسئلة كتير في المجال المالي لأني بشتغل في المجال المالي فأي حد عنده اي استفسار في المجال المالي كان بيرجع يسألني فقولت اعمل محتوى كده مجمع فيه من صحابي ومن الطلبات اللي بشوفها في الحياة المالية عموماً بسبب الظروف الاقتصادية أو حاجه بتظهر فبتكلم عليها فده سبب البودكاست
انا بشتغل في مجال إدارة الأصول بندير صناديق الاستثمار بشكل عام في البورصات العربية ده على الصعيد المهنى، والبودكاست على الصعيد الجانبي كده اللي هو هوايتي أو حاجه انا بحب اعملها يعني بس ودلوقتي انا مقيم في الإمارات ما بين مصر والإمارات انا اصلي مصري، أو اسكندراني كمان من أصول اسكندرية عشان احنا بنتخذ اسكندرية كجنسية يعني فانا من اسكندرية ودرست في اسكندرية مدرستي وجامعتي وكل حاجتي اسكندرية، اشتغلت شوية في القاهرة يمكن 6 أو 7 سنين وبعدين بقى اتحركت على الإمارات
رضا: ماشي يا عمر
عمر: بما اني يعني عرفت نفسي انا برضه هتخذ هذه الفرصة ان انا برضه مين رضا وبتعمل ايه على الصعيد العملي وعلى صعيد البودكاست كمان؟
رضا: انا رضا علي مهندس جودة بقالي أكتر من 9 سنين بشتغل في التسويق في جمعية أهلية ، والبودكاست فكرته خارجة من قناة اسمها جايلك من هناك الهدف منها في الأساس ان احنا نجاوب على أسئلة الشباب الأيتام بيحتاجوا إجاباتها ومش بيلاقوها سواء في الدار أو لما بيخرجوا ، عرفت الكلام ده منين يا رضا انا عرفته عشان انا اتربيت في دار أيتام لحد 20 أو 21 سنة كمان ، وبعديها بدأت اتطوع في جمعية وطنية اسمها جمعية سند للرعاية الوالدية البديلة هي مش دار أيتام هي بتشتغل على منظومة رعاية الأيتام بشكل عام أو فاقدي الرعاية الوالدية في مصر كلها كمنظومة بشكل عام مش بس أطفال وشباب لأ كمان الدور بتاعتهم والتشريعات والقوانين اللي بتقدر تخدمهم بعد كده
بنشتغل دلوقتي في البودكاست بنحاول نخاطب الخبراء اللي ممكن يساعدوا الشباب في المجالات الأساسية بتاعة الحياة واللي كان منهم رفع الوعي المالي والثقافة المالية بشكل عام للشباب والبنات اللي اتربوا في الدار وكمان دلوقتي خرجوا من الدار ده سريعاً يعني مين رضا
عمر: المجهود اللي انتم بتعملوه بصراحة يعني حتى كنا بنتكلم قبل ما نسجل مع بعض الموضوع التنمية مهم جدا، يعني من وجهة نظري وبرضو أنت اتفقت معايا في الحتة دي إن قد إيه الموضوع مهم، بس الموضوع مثلا مش موضوع خيري أو الناس مثلا في التبرعات، تبرعات تتوجه بس في الحاجات الأساسية، لأ الحاجات التنموية مهمة جدا لإن دي بتكون الشخص بتكون فرص العمل بتاعته حاجات كتير جدا يمكن تناقشنا فيها قبل التسجيل، فأنا أشكرك جدا والله على على اللي أنت بتعمله إن أنت بتشتغل في هذا المجال وهو مجال جميل جدا بصراحة موضوع التنمية البشرية عموما يعني
رضا: يمكن بقول تنمية بشكل عام ، والحاجة المستدامة للأثر اللي احنا عاوزين نعمله بشكل عام بيقولوا ويبقى الأثر ، متخيلين دايماً اننا ننمي بني آدم دي أهم بكتير جداً عن أنه اكتفي بالجزء الخيري اجبلهم بطاطين وأكل وشرب يعني الحاجات الأساسية مش نقف عندنا لأنه في الأغلب احنا عاطفين بطبيعتنا كشعب مصري وأحياناً الشخص بيكتفي انه خلاص انا عملت اللي عليا في الجزء الأساسيات ده و قليلين اوي بس اللي بيبدأوا يبصوا لبعيد شوية بعد ما وفرت ده ها
عندنا هرم ماسلو بتاع الاحتياجات الأساسية للإنسان وبيبتدي يرتقى فيه واحدة واحدة ممكن اوفر له أمان وحماية وبعد شوية أكله وشربه واحيانا بنقف هنا أبعد من كده بيجي الجزء بتاع التنمية بشكل عام يعني وده اللي بقول فيه استدامة أكتر وبيبقى بيأثر فعلاً في شخصية البني آدم وكمان الشباب اللي اتربوا في دور أيتام بيبقوا محتاجين ده كمان أكتر من المجتمع بشكل عام
يعني يمكن كتير من الدور الحمدلله بيوفروا طبقتين أو ثلاثة الأساسيين في الهرم بنحتاج بعد كده دعم المجتمع في فكرة التنمية وده اللي قايمة عليه واحدة من المنظمات جمعية سند اللي البودكاست ده والقناة خارج منها لإيمانها بتنمية الإنسان قد إيه التنمية بتفرق في مستقبل الشباب دول بعد كده انهم يقدروا يبنوا مستقبل أفضل ليهم فالتنمية دايماً بقول هي طوق النجاة
عمر: وأنا من ناحيتي كمان يعني أقدر أؤكد على الحتة دي في حاجة إن العائد على الإستثمار، إحنا دايما نبص على كل حاجة على العائد على الإستثمار، لما بنيجي نستثمر في الأسهم في فرصة بتشتري شركة، والكلام ده العادة على الاستثمار بالنسبة لي في التنمية المضاعف بتاعها أعلى بكتير جدا من الحاجات الأساسية، يعني مهم جدا، طبعا الناس تاكل يبقى عندها أمان، والكلام ده كله، الاحتياجات الأساسية، والحمد لله أعتقد المجتمع زي ما أنت قلت فيه ناس كتير قوي بتتوجه في الحتة دي، ولكن. الحتة بتاعة الدولار أو الجنيه أو الحاجة إللي أنت بتصرفها على التنمية بتاعها أعلى لأنها بتغير ممكن من كرير بتاع حد بت بتعلمه حاجة صنعة جديدة فالعائد بي بيجي له هو وبعدين هو بيروح يعلم حد تاني وبعدين حد تاني بيعلم حد تالت انت ممكن تبقى الساعه إللي أنت بتعملها دي مثلا الساعة التوعوية دي ممكن يكون العائد على الاستثمار بتاعها عالي جدا لأنها بتتشاف كذا مرة وكذا، وا واحد بيتغير بيها وكذا واحد بينتج بيها وهكذا ففيه طبعا ما نقدرش نحسبه بالظبط قد إيه بس العادة بتاعه أعلى من إن أنت مثلا تدي واحد 500 كالري النهارده مثلا أو ألف كالري في وجبة معينة أو تاني مش بيقول إن دي حاجة مش مهمة، بس دي مهمة جدا ولكن بتكلم عن العادة، الاستثمار عالي، يعني أنا بس بأحاول أؤكدها من ناحية الفكر بتاعنا يعنى وازاى بنبص على العوائد، يعني تعال نبتدي نبتدي بقى أنت مجهز لي مجهز لي حاجات، وهتفاجئني فا ممكن أنا نبتدي
رضا: احنا الحلقة دي بنعملها عشان نبتدي نوعي الشباب الأيتام سواء اللي لسه في الدور شباب صغير أو شباب وبنات خرجوا من الدور وعملوا عملية استقلال بشكل عام ، احنا محضرين شوية أسئلة تقدر تساعدهم بعد كده لما يسمعوا الحلقة انهم يبدأوا خطوات بسيطة وبعد شوية لما يخرجوا من الدور كمان يبدأوا ياخدوا خطوات كبيرة في الجزء اللي له علاقة بالفلوس
تعالى نبتدي بأول سؤال احنا هنتكلم على كل مرحلة ، في أول مرحلة الشباب الصغير اللي بيبتدي ياخد مصروف ازاي في سن صغير الواحد يبتدي يفهم المصروف ده ازاي يبتدي يحافظ عليه؟
عمر: أول حاجة دايماً بقعد أقولها اللي داخل واللي خارج، يعني أول حاجة لازم تتعرف عليها كحد صغير أو حتى أنت راجل يدير شركة أو مدير تنفيذي كبير بتاع شركة كبيرة، والكلام ده كله، أول حاجة، السؤال البديهي إيه إللي داخل؟ وإيه إللي خارج؟ لو أنت معرفتش تجاوب على الأسئلة دي يبقى في مشكلة في الأول، يعني أنا محتاج أعرف أعد إزاي إيه المدخول بتاعي، والمدخول هنا اللي هو الدخل أو العوائد إللي أنا بتجي لي سوا من شغلي أو من وقتي أو الكلام ده كله من قبل ما أفكر بقى إزاي أزودها من قبل؟ ما أفكر إزاي تستثمر احوشها، الكلام ده كله، بس الأول أول نقطة لازم أعد أعد إزاي إن أنا أبقى مع الوقت، فاهم إن أنا بشتغل الشغلانة دي، لو زودت عدد ساعاتي أنا ممكن أعدها أنا ممكن إيه؟ مصادر الدخل بتاعي واحد تاني عنده في مرحلة متقدمة شوية،عنده حاجة، بتجيب له عائد بيت مثلا بأجره أو شقة س ورثها أو اشتريها أو أين كان، لازم أحصر الدخل ده واقعد مع نفسي ورقة وقلم أكتب على جنب بشكل بسيط، إيه هو العائد بتاعي أو المدخول بتاعي
تاني حاجة لازم أعد مصاريفي زي أي شركة في الدنيا، أنا لازم أعد إيه مصروفاتي اليومية؟ يعني أنا النهارده ما ينفعش أقولك رضا مثلا أنت بتصرف كام في الشهر؟ وأنت ماتعرفش؟ بشكل عام يعني إيه الرقم بالكامل بتصرف كم في الشهر مش بتبقى عارف ليه، مش بتبقى عارف لإن حاجات كتير صغيرة بتتصرف من هنا، ومن هنا شوية بتصرفوا كاش شوية بتصرفوا من إيدك مثل لو أنت عندك حساب بنك بتصرف مثلا من الكروت بتاعتك، فالعملية بتبقى تايهة، لو نزلنا للمستوى الأساسي، لو أنا باخد مصروف أو أنا باخد مرتب كاش في إيدي أنا بطلع منه كام آخر الشهر، المعلومة دي مهمة جدا بالنسبة لي ليه؟ لإن أنا لو عرفت مصاريفي هبتدي أعرف أتصرف تصرفات أحسن، هأبتدي حل بياناتي، فأنا دايما بنصح الناس أو بسألها أنت بتاخد كام؟ بيقول لي باخد كذا، طب عندك دخل تاني؟ أه، ده فيه كده يبقى لأ، يبقى دخلك ده غلط، أنت حاسبه غلط، أنت مفروض تحسب كامل دخلك؟ طب مصروفك بتصرف كم في الشهر؟ والله ما أعرفش أنا بصرف من كذا لكذا، لا برضه هنا دي مشكلة ثانيه، فأنا هنصح أي حد حتى في بداية حياته كمان إللي هو يكون عنده لسه الورقة بيضا ما كتبش فيها حاجة إن هو يبتدي بشكل مظبوط، يبتدي بشكل مظبوط، إزاي؟ إن هو يتعرف على مصاريفه ويتعرف على دخله، لما تعرف النقطتين دول هنعرف نحلل، هنعرف ناخد قرارات أحسن، هتعرف أنت بتاكل قد إيه في الشهر بتخرج بأد إيه؟ بتجيب لبس بقد إيه؟ بتقسم الميزانية بقى لما هنخش على الميزانية ونتكلم عليها بشكل مفصل أكتر، أنت ممكن تحلل كل بند بيحصل إيه وبعدين وضعك بيتغير، وأنا سنجل، وأنا لسه خارج صغير عايش لوحدي، وضعي غير، وأنا متجوز صغير غير وأنا مثلا معايا أطفال غير وأنا كبير غير لولادي كبار فف كل مرحلة هتلاقي العملية بتتغير، لو أنت بتقيت بدري في كل حاجة إحنا بنقولها، وفي كل الحلقات كل ما تبتدي بدري، كل ما المشوار بتاعك بي بيبقى أسهل بكتير دي أول حاجة أنا أنصح بيها، واحد لسه خارج، أنت بتخش لك قد إيه قبل ما تفكر تزود، دخلك، أعرف أنت بتصرف قد إيه؟ أعرف، أنت مبسوط بطريقة صرفك دي ولا لأ؟ والله أنا بصرف قليل على الأكل، أنا محتاج أصرف أكتر، والله، لأ، أنا بأصرف كتير على الأكل، محتاج أقلل أنا بصرف قليل ع اللبس، محتاج عايز أحسن مظهري محتاج أصرف أكتر، مش معنى إن أنا بقول لك اعرفهم إن أنا بنصحك دايما إن أنت تقلل الفكرة، مش في التقليل هنا، الفكرة في إن أنت أصلا تعرف أنت بتصرف قد إيه؟
رضا: يمكن برضه حاجه من الحاجات اللي بتقابلنا واحنا صغيرين أن بيبقى في طيش كده ، مش فارق معاه ليه احوش اصلاً ويمكن حتى وانا كبير برضه يعني انا شغال من وانا عندي 16 سنة ، اشتغلت في حاجات كتير اوي واحياناً المرتب كان بيبقى بسيط واحياناً كبير بس برضه مكنتش بحوش مكنتش شايف لسه أهمية اني ابقى بحوش حاجه على جانب اللي بنقول عليه إدخار
يمكن انا عرفت ده بدرس قاسي الصراحة كنت اتزنقت في عملية ضروري وللاسف مكنتش محوش فلوس ساعتها اضطريت استلف وبعد كده بدأت ارد ومن ساعتها أبتديت احوش فقلنا اهمية ان الواحد يبقى بيحوش؟
عمر: هأقول لك حاجة، أنت بتقول أنا مثلا دخلي قليل، أنا باخد فلوس قليلة أحوش، ليه؟ مش. مش هيعملوا حاجة؟ أنا لو شيلت ال10 جنيه ل20 جنيه، دول، 50 جنيه دول علي جنب، مش هيعملوا لي حاجة، صح؟ ده بيبقى أول حاجز نفسي، بيمنعك من التحويش، صح كده؟ دي؟ أعتقد كل الناس بيمروا بهذه التجربة، الناس كلها بتبتدي بدخل قليل بيقول لك خلاص أحوش ليه؟ طيب لو شيلنا الحتة دي بقى وفكرنا بالنسب، إحنا في المجال بتاعنا دائما بنفكر بالنسب، إيه النسب دي؟ كم في المية؟ يعني أنا مش فارقة معايا، دخلي قليل كبير، أنا بشيل منه كام في المية، العادة بتاعة إللي أنت تشيل جزء من دخلك هي أنت بتعملها وأنت صغير عشان بس تتعود على العادة، أه مش الأرقام دي، مش هتخليك مليونير من يوم وليلة أو مش هتخليك تعرف تمتلك العالم وأنت صغير، ولكن هي بتبني جواك حاجة إن أنا بشيل نسبة معينة، انا لما بفكر بفكر بالنسب في حياتي كلها لو هاخد قرار استثماري هاخده بالنسب لو هاخد قرار أنا عايز أغير عربيتي أو عايز أشتري عربية أو عايز أشتري بيت أو عايز أتجوز، أنا هبص عليها كنسب مش هبص عليها ك ده قليل أو كتير ما تفرقش معايا لو قليل كتير ليه؟ لإن مثلا لما حد بيشتري عربية فيه أماك فيه أنواع كتير ونسب دخل كتير ما بين الناس، بس النسبة من دخلك المفروض تطلع العربية المفروض تبقى واحدة، يعني اختلفت الطبقات في المجتمع فعشان كده الأغنى بيعرف يجيب عربية غالية بس اللي متفق عليه إنه كلهم المفروض يبقى نسبة معينة من دخلهم، نفس الكلام، لو أنا هشتري بيت وبدفع إيجار أو هشتري بالقسط هجيب بيت في أدفع فيه قسط، لازم يبقى جزء معين من دخلي، أه أنت دخلك قليل، فهيجيب لك حاجة صغيرة، دخلك كبير هيجيب لك حاجة كبيرة، بس النسب، الفكر بالنسب مهم جدا، فلما تفكر بالنسب هتنسى حتة، أه، ده مش هيعملوا حاجة، هشيل ال50 ع ال50 ع المية ع الميتين، فجأة هلاقي إن أنا شلت رقم على جنب، فابتدي أتبسط من نفسي، فلما هبست من نفسي هيخليني أركز أكتر في الموضوع، طب النسبة دي قليلة ولا كبيرة؟ طب أنا أعرف أدوس على نفسي شوية وأشيل أكتر شوية كنسبة ولا لأ؟ أه ممكن وأبتدي أزق نفسي إن أنا هي بتبني لك أو الزخم بتاعة التحويش، إن أنت من وأنت صغير تاخد نسبة، حتى لو كانت صغيرة تشيلها على جنب، بتبني لك الثقة في النفس، إن أنا بشيل أه، الناس بتعيش اليوم بيومه، وإللي جاي رايح، والكلام ده كله، ده بالنسبة لي مش أصحح حاجة لأن أنت كده بتضحي برضا المستقبلي، الرضا المستقبلي، ده إللي هيجي له حاجه طارئة لا قدر الله زي ما حصل معاك، طريقة في حياتك، فده رضا المستقبلي اتصاب أو حصل له حاجة آه محتاج فلوس ف رضا القديم بتاع زمان، ما حوش لرضا بتاع المستقبل، مكانش شايفه، طب رضا لما إن شاء الله يكبر ويبقى متقاعد أو ما يبقاش عنده دخل رضاء محتاج حاجة، فأنت بتكلم رضا، إللي بعد عشر سنين بعد 20 سنة بعد 30 سنة بعد 50 سنة أديك طولة العمر، فليه ما بتحوش عشان المبلغ مش هيعمل لك حاجة؟لا هو بالعكس هو هيعمل حاجة، لكن أنت مش شايفها أو مخك، مش مبني إن هو يفكر فيها لإن ده مش موجود معاك، دلوقتي، رضا بعد عشر سنين، أنت ما تعرفوش فبنبتدي بالنسب، طب النسب دي قد إيه؟ لو أنت س ثابت على 20% من أي حاجة بتخش لك، حطيتها كتحويش دي نسبة كويسة جدا، زودت عنها، وصلت ل 30 35 رائع نزلت تحت عشرة خمسة أه وحش، ولكن برضو أحسن من صفر، طب وحش ليه؟ عشان يمكن أنت في مرحلة معينة في حياتك دلوقتي مش قادر تشيل 20 مش مشكلة ابتدي بالخمسة بالعشرة، وبعدين لما يبقى الموضوع في إيدك أحسن زودها للعشرين فهي حالة نفسية مع نفسك، يعني هي حالة فكرية حتة التحويش دي، فثاني هنرجع تاني ونقول لو أنا ما عرفتش أنا داخلي مية وبصرف 80، لو أنا ما عرفتش المية وما عرفتش أنا بصرف ال80 مش هعرف أطلع ال20 هيتوهوا في النص مش هلاقيهم في فلوسي، ففي ناس مثلا تقول لك إيه؟ أنا هدخل نفسي جمعية بال20 دي كل شهر، خلاص، أول ما مرتبي ينزل هودي ال20 دقيقة وأوديها الجمعية، وفيه ناس تانية تقول ليا أنا هفتح حساب على جنب، أول ما مرتبي ينزل هشيل ال20 دي وبعدين أروح مدمر الباقي معنديش مشكلة لو أنت التزمت بالنسبة دي يبقى أنت كده وصلت لأول خطوة في طريق
رضا: الجمعية مفهوم خطير فاكر مرة دخلت جمعية ومكنتش عارف انا هعمل بيها ايه بصراحة ومحدش كان قالي اصلاً الجمعية دي ، مفهوم أننا ابقى بحوش مبلغ على جانب بس انا فاكر بعد كده قبضت الجمعية وضاعت في حاجات هبلة يعني فانصحني يعني اول حاجه قبل ما ابدأ تنصحنا الجميعة نتصرف فيها ازاي لما ألاقي معايا اول مبلغ كده Bulk زي ما بنقول عليه موجود في جيبي أو في محفظتي الإلكترونية بعمل بيها إيه؟ كنت قولت النسب والـ 20% و 30 و 50% ازاي أقدر أحسبها ببساطة عشان برضه انا عارف انها عملية رياضية ممكن ادور عليها على جوجل بس لو تقدر تساعدني احسبها لو مثلاً بقبض مصروف مثلاً 100 جنيه قول يا سيدي 500 جنيه في الشهر ازاي اقدر احوش منه 20% في الشهر، احسبها ازاي؟
عمر: تحسبها إزاى هنرجع كل حاجة لل 100 يعني نبتدي دايم ا من مثال للمية، النسب دي نسب مئوية يعني. حاجة من 100%، طيب لو أنا قلت لك عشرة يبقى 10/120% يعني 20% يعني كل دخلك لو فيه 100 جنيه كل 100 جنيه هنشيل فيها 20 جنيه على جنب، فأنا هتاخد خمس لو داخلي 500 جنيه إللي هو خمس مرات المية، دي، هشيل خمس عشرينات، يعني أكن واحد بيديك في إيدك خمس ورقات ب100 جنيه، ده مرتبك، فأنت محتاج تشيل منه 20 في كل مية، فهتفك الميات دي وتاخد عشرين عشرينات، فهيبقى مجموعة إللي أنت حوشته 100جنيه على جنب فلو راح ما بنأخذ 5000 نفس الكلام هتبقى ت النسبة بتاعتي 1000 جنيه، لو أنا بحاولش 20% فهيإحنا دايما إللي مش فاهم ال. ال. المفهوم بتاع النسب الماوية، هي دايما بترجع لل100%، فلمابك بنقول عشرة 520 ده نرجعه لأصله للي هو الميه، فأنت بتاخد الفلوس دي، تحطهم، بقى، فيه ناس بقى بتحطهم في ظرف أبيض، وتخبي الظرف، فيه ناس تحطهم في الحساب بتاع البنك بتاعهم، فيه ناس ممكن تديهم لحد من على إللي حواليهم، سواء قرايبهم صحابهم، وخد يا عم شيلي الفلوس دي، أنا مش عارف أشيلها أيا كان، المنظومة إللي أنت بتعرف تحوش أو تخبي عنك الفلوس ده
هرجع لسؤال الجمعية، سؤال الجمعية ده سؤال مهم جدا، أنت قلت لي أنت جه لك فلوس؟ معرفتش تعمل بيها إيه؟ صح كده؟ يعني ناس أه نزلت بقى اشتريت أه اشتريت بقى الحاجات اللي أنت كنت نفسك تشتريها واتفسحت وعملت بيها وخرجت وكلت وحصل، بقى إللي حصل إحنا في نزوم أو في طريق معين نمشي ب بعد ما اتعرفت أنا بعد ما تعرفت مع نفسي، أنا داخل لي إيه؟ وخارج مني إيه، وعرفت أحوش، بنوجه بقى التحويش ده، ففي حاجات بترتيب كده في الأولويات، أول أولوية عندي هي حاجة اسمها صندوق الطوارئ إللي إحنا يمكن نكون اتكلمنا عليه كده، في حلقات مثلا موجودة من الفكرة، من أول يعني إيه؟ صندوق الطوارئ؟ يعني مكان ظرف أبيض كده، بحط فيه التحويش بتاعى فى الأول عشان لو لا قدر الله حصل لي حاجة طارئة في الفترة الأسيرة، التلات ست شهور اللي جايين مثلا، فأنا قاعد مش حاجة مثلا مش بيحوش لحاجة، طريقة مثلا بعد 20 سنة، لأ، أنا بحاول بحوش لحاجة، لا، قدر الله في الأيام إللي جاية حصل فيها مشكلة زي ما أنت قلت، المثال بتاعك الشخصي إن أنت حصل لك حاجة مكنتش عامل حسابها، فاضطريت تستلف، لأ، إحنا صندوق الطوارئ ده بنحطه يعني إيه؟ صندوق؟ يعني؟ مكان بنحط فيه فلوس؟ مش هو مش حاجة، مش جهة مثلا معينة، لأ، هي مكان، أنا ب بالنسبة لي بسميه صندوق طارئ، أو مكان ظرف أبيض طوارئ، أو أيا كان ده بشيل فيه الفلوس دي؟ فهوجه الفلوس هناك، طب حجم الصندوق ده قد إيه؟ يعني كرضا مثلا المفروض يبقى عنده قد إيه؟ طب عمر المفروض يبقى عنده قد إيه؟ طب أحمد إللي يسمعنا المفروض عنده يبقى قد إيه في صندوق الطوارئ، الناس أجمعت يعني إن أنت يبقى معاك على الأقل تلات شهور من دخلك يعني إيه تلات شهور من دخلك نرجع للمثال الأول أنا عديت العائد بتاعي أنا بيخش لي في الشهر 100 جنيه، بيخشلي 500 جنيه أيا كان الرقم إللي بيخشوه لي أنا المفروض صندوق الطوارئ ده هنقول مثلا رضا بياخ بياخد مثلا 1000 جنيه في الشهر، صندوق الطوارئ بتاعي ده المفروض يبقى فيه 3000 جنيه كحد أدنى وممكن يوصل لحد ست شهور من شغلك اللي هو ال6000 جنيه فصندوق الطوارئ بتاعك المفروض يبقى من ثلاث ل6000 جنيه، طب أنت يا رضا جيت قبضت الجمعية، واحد قال لك خد الجمعية، هي ب4000 جنيه، ألف مبروك، أنت بقالك سنة بتتحوش،
أول حاجة لو صندوق الطوارئ بتاعي ده مش مليان الظرف الأبيض ده مش مليان من تلات ل6000 المفروض تاخد التحويش بتاعك ده تحطه في صندوق الطوارئ، يبقى ده أول استخدام للتحويش، لو أنت بتحوش وأنت مش عارف أنت هتعمل إيه بالفلوس دي؟ أوح دي وحشة زي ما أنت ما بتحوشش ليه؟ عشان هنخش في ال بتاعي إن أنت أو نخش في الخطر، إن أنت تجي لك فلوس فتصرفها على طول، فاهم قصدي؟ فمعرفة الهدف بتاع التحويش مهم جدا، فأول هدف دائما بيبقى التلات لست شهور، من دخلك تاني من دول بساطة أنت بتيجي لك 1000 جنيه كل شهر كمرتب، فمحتاج الطوارئ بتاعتك الصندوق ده عشان يحميك هناخد أي تحويش ال إللي بنحويش كل شهر، أو جه لي جمعية أو جالي أي حاجة، وأملى بيه صندوق الطوارئ بتاعي بعد ما أخلص صندوق الطوارئ هتحرك على الحاجات التانية
رضا: إيه بقى الحاجات التانية اللي ممكن احافظ بيها على الجميعة لو انا لقيت ان صندوق الطوارئ عندي بدأ يبقى كويس 3 شهور أو 6 شهور ، إيه الحاجات التانية اللي ممكن احوش فيها الجمعية بدل ما تضيع مني؟
عمر: إيه الأهداف اللي بعد كده؟ خلي بالك ال الصندوق الطوارئ برضه يعني برضه فيه حاجة نسيت أقولها عليها إن صندوق الطوارئ ده بس مش عشان لو لا قدر الله حصل لك مشكلة، لأ، صندوق الطوارئ ده بي بيحميك كمان، لو لا قدر الله فقدت شغلك، يعني لو أنت بتشتغل وفجأة عايز تمشي من مكان حصل مشكلة الشركة ماشية موظفين، أيا كان الدخل بتاعك وقف بتاخد مصروفه، وحد قطع المصروف عليك، أيا كان بقى وضعك في في الدخل إللي المفروض يجي لك أنت النهارده عندك تلات لست شهور على جنب، فأنت أو نظريا تقدر تصرف على نفسك من تلات لست شهور، تانيين من صندوق الطوارئ، وتعيش نفس العيشة إللي أنت كنت عايشها وأنت بتشتغل بنفس الوقت إللي أنت بتحاول تدور على شغل أو بتحاول تجيب وسيلة أخرى إن أنت تدخل فلوس، فدي مهمة جدا، فبتحميك برضو على مدار تلات لست شهور، إن أنت لو فقدت شغلك إللي في البيت ما يعرفوش إن أنت فقدت شغلك يعني فاكر كده في الأفلام بتاعة زمان، كان فيه واحد ينزل مشي من الشغل بس هو بينزل يروح كل يوم الشغل يقعد على القهوة فاهم قصدي؟ بس قصدي ده من الناحية المالية الراجل مش مقصر في بيته، بس بتاع زمان ده كان بينزل يروح القهوة، وهما ما عندوش صندوق طوارئ، إحنا عايزين الراجل يبقى عنده صندوق طوارئ، أو الست إللي بتشتغلي يبقى عندها صندوق طوارئ لهذه الأسباب
طيب هنروح بعد كده في إيه؟ نروح في حاجة بقى إللي اسمها صندوق التقاعد بتاعي إيه؟ صندوق التقاعد؟ بقى ده رضا النهارده في العشرينات أو في التلاتينات خلاص ف رضا عنده طموح إن هو مثلا وهو في الخمسينات 55 60 65 أيا كان السن ده، هو عايز يتقاعد، مش عايز يشتغل، مش عايز يدي، ساعات عمل لجهة، فتدي له فلوس، عايز يبقى مستقل ماديا، عايز يسافر العالم عايز يسافر جوه مصر عايز يعمل أي حاجة، عايز يشتغل شغل خيري، بس مش عايز يشتغل شغل نظامي أو وظيفي أو كده. أيا كان بقى طموحك للتقاعد، يعني إحنا عايزين يبقى عندك فلوس على جنب، اتشالت على مدار حياتك عشان تحقق هذا الهدف، إيه الفلوس اللي محتاجها هي فلوس تديك نفس الدخل إللي أنت مفروض تجيبه وقتها، ففيه حسبة معينة بتخليك لما تحوش وتستثمر الفلوس دي بطريقة نظامية من وأنت عندك 20 ل25 30 سنة، لحد ما توصل للستين نلاقي في الصندوق ده إللي هو ظرف تاني أبيض غير الظرف الأبيض الأول بتاع الطوارئ، بقى فيه فلوس موجودة في شكل بقى أصول في شكل يش، تبي اشتريته في أيا كان شكل ال الاستثمار إللي أنت بتعمله الفلوس دي، عشان ده موضوع تاني، بس آ الفكرة بتاعته إن هو ييجي يصرف على رضا في السنين إللي هو ما عندوش فيها دخل، فنقدر نوصل لحاجة اسمها الاستقلال المالي، لما يكون الصندوق ده عندنا وصل لحجم معين بيقدر يدخل لي، ده، دخل كل شهر يخليني أتنازل عن الوظيفة فده الهدف الثاني، الهدف الثاني ده برضه ما بي ما بينتهيش بقى، مش زي صندوق الطوارئ، صندوق الطوارئ بيقف عند حتة معينة، تلات شهور، ست شهور، واضح صندوق التقاعد بتاعك، أنت كل ما بتحوش فيه أكتر، كل ما أنت هتبقى بتاعك أو مستوى الدخل بتاعك أو مستوى المعيشة بتاعك في المستقبل هيعلى، فما بنقولش مثلا، لأ، وقف أنت خلاص بطل تحوش فيه، لأ، هو حاجة مستمرة على طول الصندوق ذا لازم يستثمر بشكل مختلف عن صندوق التقاعد، بس أنا مش عايز أخش في حتة، الاستثمار دلوقتي على قد ما أنا بس عايز نظبط الأساسيات، الأول، موضوع الاستثمار ممكن نتكلم فيه في ففي وقت تاني لإن هو موضوع معقد أكتر، وبعدين فيه حلقات كاملة معمولة، عندي مثلا في كلامي ينور على الحتة دي بالذات، إزاي؟ ممكن مثلا تستثمر سند التقاعد بتاعك؟ أو إزاي تعمل؟ مش عارف إيه، الاستثمار معقد شوية، أنا بس بأحاول النهارده إن إحنا نتكلم على التقسيمات الأساسية، فأنت حققت لي هدف الأول، حوشت الجمعية ج هقول لك حاجة الجمعية جتلك 10,000 جنيه، وأنت كنت عندك مفروض تحط من تلاتة لستة، فقلت أنا أحط خمسة في صندوق الطوارئ بتاعنا، فعندك خمسة زيادة، الخمسة الزيادة دي إجابة على سؤالك هتروح لصندوق التقاعد بتاعي كبداية لصندوق التقاعد بتاعي دي، أول حاجة أعملها
رضا: طب ده كده ياخدني في حتة مهمه جداً يا عمر ، لفكرة الميزانية بشكل عام بقى يعني احنا خلاص اتفقنا لو انا باخد مصروف دلوقتي أو مرتب كده في 20% بحوشهم أو بدخرهم عشان اقدر اوديهم في صندوق الطوارئ ، وكمان لو مثلاً في جمعية أو كده اقدر أخدها واحطها برضه في صندوق الطوارئ وأقدر اوديها لصندوق التقاعد
طيب الميزانية بشكل عام ، دلوقتي أنا كبرت ورحت الرعاية اللاحقة ودي المرحلة اللي الواحد بيخرج فيها من الدار ويبقى خلاص بدأ يعتمد على نفسه شوية فى شوية حاجات ولسه الدار بتتابع معاه شوية حاجات سواء بيكمل دراسة بره (بره الدار) وكمان يشتغل مع الدراسة فبدأ كمان يدخله جزء من الراتب وعليه شوية ألتزامات بدأت زي جزء من إيجار الشقة ، ومصاريف ممكن يبقى بيساهم فيها الأكل والشرب في الشقة اللي هما قاعدين فيها الشباب أو البنات ، كمان شوية حاجات ليها علاقة باللبس بالخروجات أو التزامات اجتماعية زي هداية لأصحابه ، تقدر تقولنا لو انا كل شهر باخد رقم معين ازاي اقسمه بحيث ميعجزش معايا اخر الشهر او مبقاش اكني برمية في الشارع ويضيع مني ، تنصحنا بإيه؟
عمر: في مدارس كتيرة قوي في موضوع الميزانيات دي، الميزانية وجودها مهم تقسيمتها، ده فيه بقى آراء كتير زي أي حاجة في الدنيا، يعني نظام أكل معين هو أكل مهم، بس كل واحد بيعمل أكل بطريقة معينة مثلا أو عنده فيوز معين وجود الميزانية، يعني أنا النهارده اللي ابتدينا بيه الحلقة إللي أنا قلت لك إيه أعرف إيه الحاجة بتاعتك، إيه اعرف إللي داخل وإللي خارج، صح ده وضعك الحالي بتاع دلوقتي حالا، فأنا عرفته، فمن خلال الفكرة دي هبتدي أبني الميزانية، الميزانية دي بقى بتبص ع المستقبل، هتبص عليها، إحنا النهارده في شهر مايو، فهبص أنا عايز أصرف إيه في يونيو؟ في يوليو، في أغسطس، في سبتمبر، في أكتوبر، في نوفمبر، في ديسمبر، فعملنا الميزانية بتاعة 2024. رضا قاعد يبص هو عرف عمل لآخر السنة ليه؟ لأن في بنود معينة هتجي لك مثلا مصاريف الولاد بتاعتك، هتجي لك في سبتمبر مصاريف مش عارف مثلا فيه حد مثلا هيتجوز فهتجيب له هدية، ده في في أغسطس مش عارف إيه، محتاج أشتري عربية فهغير عربية، فمحتاج مقدم العربية ده في مصاريف الجامعة مثلا هدفعها مثلا مصاريف الجامعة مثلا شهرين مثلا في السنة عندي مسكت بالزبط بالزبط بتأجر بيت، فمحتاج مثلا أدفع ده كل شهر مثلا، فده ف فده حاجة شهرية، أي واحد في وضعه بقى عايز أغير لبسي أشتري، عايز أ أظبط نفسي أجيب لبس معين عندي مثلا لبس قديم وأحتاج عندي عندي مثلا عايز أروح الجامعة وعايز أعمل مثلا بشكل كويس في الجامعة، فهأحط جزء منه من زنيتي كذا فده التوقع، الميزانية هي توقع ل للسنة كلها لحد لآخر شكلها عامل إزاي؟طيب البنود بقى بتاعت الميزانية دي فيها إيه يعني؟ أنت قلت لي خلاص أنا هتوقع بس عايز أتوقع إيه بقى؟ أول حاجة، الناس اجتمعت إن 50% بيروحفي الأساسيات، يعني من دخلك من خ إيه بقى؟ 50% ديتاني من كل 100 جنيه؟ أنا باخدها فيه، 50 جنيه هيروحوا في الأساسيات، ما هي الأساسيات إللي هي الأكل والشرب إللي هو بقى في الهرم بتاع موظلو ده إللي هو آ الحاجات إللي هي هتحط فوقية، سقف ما هدفع كهربتي، هدفع الإيجار بتاعي هدفع التليفزيون مثلا لو ده من الأساسيات بالنسبة لك يعني، بس يعني الإنترنت من الأساسيات مش التلفزيون، دلوقتي الإنترنت بقى من الأساسيات في الحياة يعني؟فأحط 50% منالدخل بتاعي في الأساسيات، طب لو واحد قل عن كده خير وبركة، بس ده لحد للناس اقتنعت بيه، برضو المواصلات، لو أنت مثلا بتروح الجامعة بتاعتك بمواصلة معينة، أو مثلا بتروح بالعجلة أو بتروح بعربية أو بتروح بتاكسي أيا كان، الو الوسيلة بتاعتك إللي هتروحها، هتجنب جزء من ميزانيتك في المواصلات دي، الحاجات الأساسية إللي هتخليك أو تدور تعرف تجيب الدخل ده، أصلا لازم يأكل وأشرب و ونعم وأصحى وأروح الشغل وأروح الجامعة والكلام ده كله طيب بعد ال50% ديفي حاجة اسمها الكماليات بقى إيه؟ الكماليات دي؟ انطبق عليها بقى اللبس، أنا عايز أشتري اللبس، عايزأغير اللبسي، هو ده مش هيمنعك عن الشغل؟ شكلك مش هيمنعك على الشغل، ولكن أنا عايز حاجة فيها شوية، رفاهية، عايز أخرج مع أصحابي، ده هيعت هيعتبره في ال الكماليات، عايز أشتري بقى أنا بحب مثلا الفيديو جيمز وبحب اللعب عايز أشتري لعب على البلاي ستيشن مثلا أو عايز أشترك في منصة معينة بتعمل بتتعمل مزيكا، أو أيا كان، أو عايز أشت أدفع اشتراك اليوتيوب، أو أيا كان حاجة تعليمية، حتى لو ح هقول حاجة تعليمية تعتبر شوية كماليات لأنها برضو لا تمنعك عن أساسيات الحياة، هي كلها حاجات بتطور، ف 30% من الدخل، فتاني هأروح نيجي بتاعتي إللي أنا باخدها فيه، 30 منهم هيروح فين في الكماليات أو الرفاهيات أو أيا كان بيسموها إزاي، ويتبقى عندي بقى إيه ال20 بتاعة الاستثمار، فدي ميزانية اسمها 50 30 20 مشهورة الخبرا بيتكلموا عليها بي. عملنا عليها حلقة قبل كده. وبرضه ممكن أب أب أديك ال بتاعنا، إحنا حاطين الحلقة دي وفيها الميزانية، لو حد عايز ينزلها على إكسل عشان يعملها، بس مش لازم تعملها على إكسيل، مش لازم تعقد الموضوع، أنت ممكن تعملها بورقة وقلم ممكن تكتبها ع الحيطة، إللي قدامك، دايما بقول المثل ده ممكن تكتب الميزانية بتاعتك على الحيطة إللي قدامك تكتبها على إيدك، تكتبها في ظرف على ظهر ظرف أيا كان، بس تبقى أنت فاهم أدي ده ال50، أدي ده ال30، أدي ده ال20 وأنا من مدرسة إللي هو أول ما ينزل مرتبك، أو أول ما تاخد مصروفك، خبي الفلوس قبل ما تصرف اشتريت معايا جدا
رضا: فرقت معايا جداً ، خصوصاً لما اتجوزت في ابلكيشن كده اسمه محفظتي بكتب فيه الحاجات بتاعتي بتاعة كل شهر وبعد كده بقيت بقسم الـ 20 / 30 يمكن مش عارف اظبط الـ 20 اوي بس بقيت بقسم كده بحيث أول الشهر أدفع كل الالتزامات اللي عليا وبعد كده أبتدي اشوف والله في كماليات عاملة ازاي ، موضوع الطوارئ ، بالنسبة للاستثمار سمعت الحلقة بتاعتك في كلام ينور عن تطبيق زي ثندر وابتديت استثمر فيه هو له علاقة بالبورصة المصرية بحاجات بسيطة هو كمان ابلكيشن ظريف اوي فرق معايا اوي
عمر: يعني المهم إنه بص يعني أهم النتائج عمرها ما المجال بتاعنا ده زي الماراثون كده أو زي السباق الطويل إللي هوهعد معك عشرة 20 سنة، 30 سنة، 50 سنة، النتائج بتاعتك عمرك هتجيبها في أول سنة، الناس دي متخيلة إن هي فلوس ولازم أعمل فلوس وكده، لا هي أنت لو اتعلمت الحرفة بتاعة إن أنت تدير أموالك على مدار 40 50 سنة، هو ده اهم بكتير جدا من السنة الجاية، والسنة إللي وراه النتائج بتاعتك هتشوفها متأخر ليه؟ لأنك أنت هتاخد وقت عقبال ما تتعلم، هتاخد وقت عقبال ما تفهم، هتاخد وقت عقبال ما تكرر، وتاخد القرارات الصح، وتفهم إن دي كانت أحسن حاجة والكلام ده فالموضوع نتائجه مش بين النهارده فناس كتير قوي تفقد الأمل بسرعة وده غلط هو ماراثون هو زي كده يعني بص أنا دايما ف بشوفها في الأولاد الصغيرين، الطفل لما بيتولد مخه بياخد وقت قد إيه عشان يكون، وعشان يبقى بيعرف يتعامل بتشوف مثلا بداية التعامل إللي هو الذكي، القرب ناس كبيرة عندها عشر سنين مثلا 9 10 سنين بتبتدي تلاقي الشخصية ابتدت ت تتكون علميا بنوصل لحد 18 2/10 سنة، عشان أصلا تخرج الإنسان للمجتمع فأنت بتقعد 18 سنة بتكون المخ؟ فده وقت طويل، الناس بتشوفه إن هو عادي، لأ هو وقته طويل جدا، ولكن الناس بتستثمر قوي في الوقت ده، عشان بعد ال20 سنة ده يبقى فيه عوائد من بعد ال20، لحد ما يدي الناس، طولة العمر، الفلوس، نفس الكلام، الفلوس بقى بتبدل المرحلة إللي ما بعد بناء المخ في الطفل، يعني أنت بقى خلاص أنت طلعت، فلازم وقتها تبقى فاهم إزاي تدير حياتك المالية. ثاني، مش معنى إن إنت ما بتحققش النسب ال20%، معناه إن ده غلط، كونك إن أنت عارف وبتحاول هو ده ال هو ده، المهم بالنسبة لي، الموضوع هييجي بعد كده، كده كده آ، هيحصل؟ يعني حاجة مهمة كمان قوي، الهدف من الميزانية مش إللي أنت تقعد تقص في الفلوس، فتصرف أقل حاجة فتحوش، أكتر حاجة، لو أنت فاهم إن الميزانية دي معمولة عشان تعمل كده، فده حاجة خاطئة، لإن الموضوع هنا هيقلب إللي أنت بت ب بتأذي نفسك إن أنت مثلا مش بتاكل كويس. مش بتخرج كويس؟ حياتك الاجتماعية؟ مش لطيفة؟ عايز تجيب لبس؟ وما بتجيبش لبس عشان أنا ب بحوش أكتر الموضوع ده خاطئ ال مهم جدا أو ال الموازنة ما بين الحاجات تشكيس، ما موازنة، أنت بتوزن حاجات مع. مع. مع بعض، أنت محتاج تعيش حياة لطيفة في المستوى الاجتماعي إللي أنت موجود فيه من غير ما تدوس على نفسك، كهدف الهدف بتاع الموازنة أو الميزانية، لو أنت بتحوش زيادة عن اللزوم بتحوش 50، 60% وحزين أنت كده معملتش حاجة، فدي مهمة جدا جدا في الصحة النفسية بتاعتك، فلو واحد مثلا ربنا كرمه ومصاريفه عايش في مع أهله، فمعندوش حاجة، ومثلا مش محتاجة عربية عشان بيروح الشغل مشي وبياكل ببلاش فبيحوش 90% من دخله أو 80% من دخله، ماشي؟ ده واحد محظوظ، لو هو مبيصرفش على نفسه بشكل كويس، ده مش حلو برضو، أنا هنا انصحه، أقول له، أنت محتاج مثلا يبقى تصرف شوية على مثلا حاجة معينة اجتماعية تحسن لك من الحياة الاجتماعية، بتاعتك، أنت كده كده محظوظ، ومش بتصرف الرقم ده، خلاص استفيد ما اصرف، اطلع لحد 50% وحوش، 50% ما تحوش ال80% وتعيش مش مبسوط، أنا بقول المثال ده ليه؟ لإن هو مهم جدا، الموازنة ما ينفعش تبقى أنت بواحد جاي من إكستريم أو من مكان بعيد قوي، أنا ما بحوش خالص لإن أنا بأحوش كتير قوي زيادة عن اللزوم، وعايش حياة حزينة، فاهم قصدي، يعني ما ينفعش تطرف هنا وتطرف هنا قصدي
رضا: بالظبط بالظبط ، اللي هو انت مكنتش بتحوش جنيه فقررت 90% من اللي بجيبه هحوشه هتخلي حياتك صعبة
عمر: فمهم قوي تبقى تصرف تصرف إللي هو ما بين الإتنين، كل واحد عنده النسب بتاعته. عشان كده الميزانية دي بتتعمل. أنت بتعملها لوضعك الحالي. وضعك الحالي غير وضع الحالي غير وضع واحد بيسمعنا، فمهم جدا إن أنت تبقى فاهم حالتك بالظبط عامل إزاي. يعني أتمنى كذا أكون غطيت حتة الميزانية، وأكون وصلت لك إن هي مش هدفها إنها حوش كتير وخلاص، يعني أنت غطيت حتة كبيرة، بصراحة يا عمر، يعني حتى كمان على كذا جزء سواء نفسيا الضغوطات المالية، يمكن بقول كمان جزء الميزانية زي ما خلوهوش بيجي عليا قوي، أو أروح ده يعني بقول ل يعني إدينا نغطي جزء كبير جدا منه دلوقتي
رضا: يعني انت غطيت حته كبيرة الصراحة يعني حتى على كذا جزء نفسياً، الضغوطات المالية والجزء بتاع الميزانية ازاي مخليهوش يجي عليا اوي أو اروح للأكستريم يعني قدرنا نغطي جزء كبير منه دلوقتي
عمر: وبكدا نكون وصلنا لنهاية الجزءالأول من الحلقة مع رضا أشوفكم إن شاء الله الأسبوع الجاي
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينوّر #بودكاست #بودكاست_عربي #بودكاست_بالعربي #استضافة #بودكاست_جايلك_في_حوار #الجزء_الأول