163. استضافة مع جايلك في حوار - الجزء الثاني
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
النهاردة بنكمل الجزء التاني من استضافة المهندس رضا علي وبودكاست (جايلك في حوار) لكلام ينور
رضا علي هو مهندس جودة واخصائي تسويق وتواصل، عضو في لجنة تفعيل الاستراتيجية الوطنية لمنظومة الرعاية البديلة في مصر عام 2024 وعضو جمعية عمومية لجمعية سند للرعاية البديلة
اسمع الجزء الأول هنا
https://www.facebook.com/Reda.ali45 :تقدروا تتابعوا رضا هنا
https://www.youtube.com/@GaylkMnHnak :قناة جايلك من هناك
: في الجزء الثاني
عايزين نفهم بشكل بسيط المنظومة المالية عبارة عن إيه؟-
ازاي الناس تحافظ على فلوسها، ازاي اخلي بالي من المواقع الإلكترونية واللينكات اللي بتيجي علي الواتساب؟ -
إيه الفرق بين الديبت كارد، الكريديت كارد، فيزا المشتريات، وكارت المرتبات؟ -
لو عايز أشتري حاجات أون لاين، هل بستخدم الديبيت كارد ولا كروت معينة؟ -
هل في منتجات تانيه محتاجين نبقى واعيين بيها واحنا بنتعامل بالفلوس عموما؟ -
لو تقدر تقولنا شوية نصائح نخلي بالنا منها في الجزء الخاص بالمشاريع بين الأصحاب؟ -
وبكدا نكون وصلنا لنهاية حوارنا مع رضا علي، بنتمنى ان الحلقتين ينالوا اعجابكم و استنونا الاسبوع الجاي في حلقة جديدة من كلام ينور
تابعوا حلقتنا واكتبولنا آرائكم بعد سماع الحلقة
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
أهلاً بيكوا في حلقة جديدة من بودكاست كلام ينور النهاردة هنلعب تكملة الحلقة بتاعة الاسبوع اللي فات مع رضا علي احنا برضه سايبين في الشو نوتس ازاي تقدروا تتواصلوا مع رضا، البودكاست بتاعه واللينكات اللي ممكن تشوفوا الشغل بتاعه فيها فيارب الاسبوع اللي فات الحلقة كانت كويسة والاسبوع ده تبقى حلقة احلى
رضا: يمكن ده يوديني بقى في حتة أعلى سن بقى شوية الشباب لما بيبتدو يخرجوا من الدور بيبتدي خلاص يشتغل ويمكن لما بيشتغل خلاص بقى بيبتدي يتعامل مع المنظومة المالية بتاعت الدولة اللي بقول فيها بقى بيبتدي يتعامل مع البنوك بيبتدي يتعامل مع المحافظ الإلكترونية بتجي يتعامل مع فكرة بطاقة ائتمان وماكينات الصرف الآلي وكمان بعد شوية بيبتدي يقول طيب عايز احوش، أبتدي أشتري شهادة في البنك عايزين منك بشكل بسيط نفهم المنظومة دي عبارة عن إيه؟ يعني كلمنا أكتر عنها بشكل أعلى شوية من بقى مصروف إزاي نحوش والمرتب إزاي أقسمه كا ميزانية
عمر: تمام المنظومة المالية هي المكان بقى بتاع تنفيذ الحاجات دي، يعني إيه؟ يعني الـ 100 جنيه دي أصلا هي طالعة من المنظومة المالية من البنك المركزي أو الدولة إللي أنت عايش فيها، الدولار أيا كان ده طالع من المنظومة المالية نفسها، فالمنظومة المالية هو مكان تنفيذ الحاجات دي، طيب المكان ده اداني فرص إن هو يديني الورق مطبوع في إيدي ويسميها العملة، فده أول شكل أنت بتاخد بيه العملة، طيب ممكن آخد مرتبي إزاي؟ أو العائد بتاعي على الوقت إللي أنا بديه في الشغل إزاي؟ أو الكلام ده كله، في حاجة اسمها حسابات البنكية، حسابات البنكية ده ده مكان البنك المركزي إللي هو عمل النظام المالي في العالم، البنوك المركزية، يعني قالت لك بدل ما هديك الفلوس في إيدك زمان، كان كل الناس في الأفلام الأبيض الأسود واقفين بيأخذوا اليومية بتاعتهم قدام الراجل بتاع الأنفار ده صح؟ وهو واقف يديله يوميته كده في إيده، فقالك بدل ما نوقف الناس طوابير كده عشان ياخدوا اليومية بتاعتهم، هنعمل لهم إيه؟ هنعمل لهم مكان إن هما نحول الفلوس دي في حتة تروح من الشركة الأساسية أو من مصدر دخل الأساسي، وبعدين أنت ممكن زي ما أنت عايز بقى عايز تسحب منهم شوية، ماشي عايز تسيبهم كلهم عندنا تمام، ده الحساب البنكي، الحساب البنكي هو مكان بدل تحت المخدة، أو تحت المرتبة، أو تحت البلاطة، هو ده المكان الجديد بتاع هذا الزمن التكنولوجي إن هو يوديلك الفلوس دي في حتة معينه؟ طيب وديتي الفلوس دي حطتها فين؟ حطيتها في البنك؟ أنا بقى عمر عايز أسحب فلوس يا إما أروح على الشباك بتاع البنك، أقول له هات لي الفلوس بتاعتي يا إما بيديني بطاقة إلكترونية بحطها في ماكينة الصرف الآلى وباخد الفلوس دي، الماكينة الصرف الآلي ده هو زيه زي الشباك بتاع البنك، بيعمل نفس الحاجة، الحساب بتاعي، نزل لي مثلا 1000 جنيه المرتب بتاعي بتاع ال الش. الشهر ده، رحت رايح حاطط الكارت في الماكينة بتاعة البنك المركزي دي أو البنك بتاعي، وقالتلي عندك رصيدك 1000 عايز منهم كام؟ قلت لها عايز 100 فطلع لي الورقة 100 فده أول حاجة ليه المنظومة دي عملت كده عشان تبطل طباعة ورق ما يبقاش عندك في الاقتصاد فلوس كتير عشان الأمان، إن الفلوس بتاعتك في البنك هي مؤمن عليها أكتر مما تبقى تحت مرتبة أنا ممكن مرتبة لا قدر الله يحصل فيها حاجة، ممكن حد يسرقك، ممكن الدنيا تبوظ فده، أءمن إن الفلوس إللي موجودة في البنك الحاجة كمان بعد كده إن هي سرعت الاقتصاد أنت النهارده عندك اشتراكك بتاع اليوتيوب أو بتدفع مثلا كورس تعليمي أو أي حاجة، فبتعمل تحويل من حسابك ده لحسابك المؤسسة التانية فسرعت أنا مش محتاج بقى أروح أسحب فلوس وأوقف في طابور، وبعدين أروح أديها، والفلوس ماشية ورايحة وجاية؟ لأ، أنا بالتليفون النهارده، بعدين الجيل الصغير الشباب هما أحسن مني ومنك، إن هم فاهمين التكنولوجيا فالتكنولوجيا دي مبنية للناس الأصغر كمان إن هو هيعرف ياخد فلوسه، النهارده المحافظ الإلكترونية شايفينها منتشرة جدا، سواء على خطوط التليفون أو في أشكال أخرى زي مثلا فودافون كاش مثلا في مصر أو أي حاجة إللي هو أنت ممكن تستقبل وترسل فلوس فدي المنظومة المالية المنظومة المالية هي بتحميك إن أنت تضيع فلوسك، تتسرق، يبقى في شنطة حد ياخد الشنطة منك أو في الأتوبيس يتنشله منك، برضو زي الأفلام الأبيض والأسود، فدور النشال هتلاقي دور النشال مش موجود، النهارده لإن الناس معهاش، هتلاقي دور النشال مش موجود، بس هتلاقي دور الناس إللي بتحاول تسرق فلوس من على الإنترنت أكتر بكتير، يعني النشال الإلكتروني بقى،
رضا: أيوه، كنا عايزين نتكلم عن الهاكرز، وازاي الناس تحافظ على فلوسها، يعني كل ما دخلنا في منظومة ليا، وده مثلا فلوس وكده، ازاي اخلي بالي من المواقع الإلكترونية، من اللينكات اللي بتجيلي ع الواتساب مثلا، افتح الصورة دي مش عارف إيه؟ أو في مسجات دلوقتي منتشرة في مصر اوي بتاع رقمك الأن مسجل تبع مثلا وزارة معينة وتستحق معونة برقم تلات 4000 جنيه برجاء الضغط على الرابط وتنزيل البيانات، فيعني قول لنا تفاصيل أكتر لإني بشوف بلاوي بصراحة يعني
عمر: أول حاجة محدش هيختارك من وسط الملايين ويديك حاجة ببلاش، دي أول حاجة إللي لازم نقتنع بيها، جميعا إن أنا مش وسط الآلاف دي أو الملايين هيبقى فجأة أنا جايلي رسالة معينة، فأنا أنا عن نفسي مبفتحش أي رسايل دي ما أبصش عليها لازم أصلا تشيلها من الاعتبار مش حاجة حقيقية لإن ده تاني، ده النشال بتاع الأتوبيس إللي كان موجود في أفلام بتاعة فريد شوقي هو ده دوره النهارده؟ تحول إن هو يبقى أون لاين دي أول حاجة، الحاجة الثانية، المؤسسات المالية دي أنت مش محتاج تحمي فلوسك لإن المؤسسات المالية دي بيبقى عندهم إستاندر عالي من الحماية ده بنك في الآخر، فهو لو ما عندوش المنظومة الإلكترونية دي ما كانش اشتغل، فتبقى فاهم إن هو أول ما تروح البنك وأنت بتفتح ورق حسابك، والكلام ده كله هو هيقول لك والله البنك عبر الإنترنت مكان وأهو الكارت ده عليه رقم سري اعمله فهو هيحميك بالأدوات بتاعته. لو أنت ما عملتش أي حاجة غلط أنت تمام، يعني لو أنت مثلا ما اديتش الرقم السري بتاعك لواحد صاحبك ما تلومنيش بقى، يعني قصدي أنت كده عملت حاجة غلط، الرقم السري ده بتعرضها ما تروحش تديه لأحمد صاحبك عشان أحمد ممكن ياخد الكارت وياخد فلوسك، فدي حاجة بديهية، الرقم السري بتاعك ع ال ع الإنترنت برضو أو الباسوورد بتاعك، اسم المرور والمش عارف إيه الحاجات دي؟ ما تديهاش لحد، فدي البديهيات الأساسية في الحماية بتاعتك أونلاين، الحاجة إللي بعد كده لو جه لك إيميلات من من من أماكن مشبوهة ما تفتحهاش، لو جه لك مسجات ع الواتساب من أماكن من أرقام أنت ما تعرفهاش، حتى لو هيبيع لك إللي هي الجائزة الكبرى ما تفتحهوش، فأي حاجة من مصدر أنت ما تعرفوش ما تفتحهوش يعني سيمبل، يعني ما فيهوش أي حاجة تانية، ممكن تتقل في الحتة دي، ال ال ال بتاعتك، لو أنت بتعمل أرقام سرية أو بتعمل لازم باسورد بتاعتك تبقى متغيرة، يعني إيه متغيرة؟ يعني في كل حساب يبقى ما بتكررش نفس الرقم السري بتاعك أو نفس الحساب ليه؟ عشان لو حصل هاكينج ل أو حد دخل مثلا على داتا بيز معينة خد منها بتاعك ما يروحش يجربه ع الإيميل بتاعك فيفتحه على طول، فدي حاجات برضو بسيطة، يعني ممكن أنت تكون بتاع الفيسبوك بتاعك اسمه عمر، وبعدين أنت رايح عند حساب الصيدلية بتاعكوا إللي في آخر الشارع عندهم أكونت، فكتب الباسورد بتاعك عمر، فالحساب بتاع الصيدلية، حد خد الباسورد مني؟ أول حاجة يروح يعملها إن هو يحاول يفتح بيها الإيميل بتاعي، فده بديهي، فمتعملش كده، يبقى أنت لازم تبقى عندك
رضا: الحاجات إللي هي السهلة دي إللي هي الناس بيخلوها، الاسم إللي مش عارف عيد ميلادك، آ رقم، مش عارف رقم تليفونك، إللي هي الحاجات في البصر بتبقى هشة
عمر: الأهم من ده إن أنتوا ما تكرروش ليه؟ لإن هو ممكن يبقى هش بس محدش عارفه غيرك فاهم قصدي. هما الهاكرز مش هيقعدوا يجربوا يضربوا ال بتاعك، ما عندهمش وقت إن هما يقعدوا يجربوا يفتحوا ال بتاع العالم كله، لكن هو لو خد من ديتا بيز معينة حاجة فم هيرجع يبص عليها عندك، فهيجرب يفتح الإيميل على الإيميل، فتح، لو الإيميل فتح، هو امتلك بقى كل حاجة لإن هو يعرف يعمل ريسيت بقى لكل الحسابات بتاعتك هياخد الفيسبوك، وبعدين الإنستجرام، وبعدين ياخد البنك، وبع عقب بقى كل حاجة، خلص، ما هو عنده الإيميل بتاعك، فتأمين الإيميل بتاعنا مهم جدا، ده، ده أهم حاجة، يعني الإيميل الرئيسي أو البريد الإلكتروني، أنت بتلاقي الناس في الشارع واقفين برضه مع الأسف يعني ناس كبيرة في السن أو ما عندهاش ت تخب مع التكنولوجيا، هو بيكتب رقم السري بتاع الكارت بتاعه بيديه لواحد عشان يروح يسحب له، لا برض حاجة خاطئة لإن هو ممكن ياخد الرقم ده ويعمل بيه معاملة تانية في وقت ما، تاني، دي حاجات المفروض ما نعملهاش فالمنظومة بتحميك لو أنت ماشي جوه القوانين بتاعتها ما تزودش عليها بقى، يعني لو هي قالت لك اعمل الحاجة بالشكل الفلاني اعملها وخلاص استفيد منها بالطريقة دي، فلازم تحمي نفسك بالطريقة دي حتى لو هي حاجة بسيطة، بس هي حاجة مهمة لإن دي بتاعك في الحساب مالي، الحاجة إللي بعديها لما أنت تفتح مع مؤسسات حاول يفتح مؤسسات كويسة، يعني ما تروحش لأصغر مؤسسات في أي مجال وهي دي إللي أنت ت ترتدي بيها، لأ، أشوف المؤسسة دي مؤسسة كويسة عندها خبرة، فاهمة هي بتعمل إيه؟ ده؟ حاجة برضو مهمة ذا في اختيار مؤسسة في أول يوم يعني، بس طبعا يعني الحاجات زي البنوك دي ما عليهاش علامة استفهام عشان هي كلها متراقبة من جهة واحدة، وكان عندها يعني ما ينفعش بنك صغير ي ما بيعملش الحاجات الأساسية يعني، فموضوع البنوك ده مفيش فيه عليه يعني آ مشكلة، بس أتكلم بقى على حاجات إللي بعد كده المعقدة أكتر، فا تاني ال الحتة دي، بس عشان ما نطولش فيها هي تعاملك أنت آ البسيط إن أنت يبقى عندك زي كده شوية بارانويا أو شوية قلق، ممكن ده يكون حاجة غلط مش لازم آ حد كلمني، لازم أرد عليه، أدي له كل حاجة حد بي كلامك على التليفون؟ يقول لك أن مثلا من الجهة بتاعت البنك. فإديني رقم حسابك أو أديني بتاع أنا بالنسبة لي خلاص؟ يعني إيه؟ أنت لو أنت البنك وبتكلمني بتقول لي هات رقم حسابك، يبقى أنت مش البنك غالبا، يعني أنا ما أنت عندك رقم حسابي بتكلمي تقول لي ليه؟ أدي كدي؟ هات لي رقم حسابي إيه؟ ما هو لو عندك حاجة تانية ابعتلي بشكل آخر، مش متتكلميش في التليفون، يعني ما تكلمنيش في التليفون، تاخد مني معلومات، فا الناس ما تشيرش بس الحاجة لإن مع الأسف السايبر سيكيورتي أو السايبر أتاك إللي بيحصل الأيام دي بيبقى بشكل كبير يعني
رضا: طيب يا عمر يعني بص ده يودينا في حتة تانية كده إنه إيه الفرق بين ثلاث حاجات معينين إنه إيه الفرق بين الديبت كارد، الكريديت كارد، وفيزا المشتريات، وكارت المرتبات؟ يعني لو تقدر تشرح لنا بسهولة يعني، بس ببساطة إيه الفرق ما بينهم؟
عمر: إحنا زي ما قلنا البنك بينزل لك مرتبك ده حساب، مثلا ممكن نقول عليه الحساب بتاع المرتب بتاعك ده الشركة بتروح مثلا تفتحه لك، أو إنت بتروح تفتحهم على البنك، سواء كده أو كده، بتقول لهم يا جماعة حولوا لي مرتبي على الحساب، ده، الحسابات فيها نوعين، حساب جاري، وحساب توفير حساب الجاري، ما بتاخدش عليه، أي فوايد، حساب التوفير بتاخد عليه فوائد فوائد، بمعنى إن هو بتاخد أو كل ما الفلوس بتقعد بتاخد عليها فايدة، طيب ممكن حساب الشغل المرتب بتاعي ده يبقى ف جاري أو توفير؟ أو ممكن يبقى واحد من الإتنين عادي، مفيش مشكلة، طيب الجاري ب فيه حاجة كمان بتطلع الجاري، الشيكات، لو واحد عايز يدفع بالشيكات، الشيكات ده سند ورقي مستند بيقول عمر ادفع لرضا كذا ال الشيك ده عشان أطلعه البنك إللي لازم يطلعه لي على حساب جاري، مش بيطلعه على حساب توفير، فده الفرق التاني ما بين الجاري والتوفير يبقى الجاري، وما بناخدش عليه فايدة، ونقدر نطلع ليه شيكات، والشيكات دي أقدر أدفع بيها الرضا شكل ورق أديه الورقة ويسحب منها في حسابي والتوفير ده حساب بينزل عليه فايدة. طيب الحسابات دي ما ينفعش تروح بال بالسلب، يعني إيه؟ يعني في الحسابات دي هي حسابات تسمى حسابات دائنة دائنة، إن هي بيبقى أنت بيبقى عندك رصيد دايما فيها ده عندك دايما بالنس فيها أوكيه بحط فيه 10,000 بلاقي ال10,000 بسحب ال10,000 بيروحوا لصفر ما ينفعش يبقى عليا في الحسابات دي فلوس، فده فارقة ما بينها وما بين نوع تاني زي الكريديت كارد إللي أنت سألت عليه أو حسابات الكريديت، كارد البطاقة دي، البنك بيطلعها لك زي تمويل، أنت هنا ما عندكش في الحساب ده، فلوس الحساب ده بيبتدي من صفر العلاقة مع البنك بتاعك، إيه؟ بيقول لك أنت عندك يا رضا الكارت ده فيه 10,000 جنيه، معناه إيه؟ إن أنت ممكن تسحب ع زي ما كأنك بتسحب ع المكشوف كده من غير رصيد لحد 10,000 جنيه، طيب دي أنا بستخدمها ليه؟ عشان لو عندي حاجة مثلا عايز أشتريها وأنا ما عنديش فلوس في حسابي دي هتساعدني وقتها عشان بتتقبل في محلات عشان موجودة أون لاين، النظام العالمي بيحاول يخلي الناس تستلف فبحاول يخليهم عندهم قدرة شرائية أكبر من إللي عندهم، أيا كانت الأسباب إللي اتعملت بيها كريديت كارد، بس ده منتج موجود في السوق، طيب اشتغلت بال10,000 جنيه دول، أو الرصيد بتاعي 10,000 سحبت منه الفلوس فعملت مشتريات ب ما ف مطلوب أعمل إيه؟ مطلوب أرجعهم للبنك، أرجعهم لصفر تاني، سحبت العشرة لازم أرجع للبنك عشرة سحبت عشرة، لازم أرجع للبنك، 10 ساعات، إتنين لازم أرجع البنك، إتنين البنك بيديك 55 يوم مهلة بحد أقصى، يعني ساعات بيبقى أقل، لو على حسب، بس الموضوع بس معقد شوية، بس خلينا نقول كل شهر خلينا نقفل عشان ما ننصعبش على نفسنا، عندك شهر من يوم ما اشتريت ادفع فلوس تاني مش تدفع عليها فوائد، هنا البنك بيعملها عشان ياخد بقى منك فوائد، هو في الحساب، التوفير كان بيديك فوائد، هنا، هو بياخد منك في البطاقة الائتمانية الكريديت كارد، لكن لو أنت شاطر ورست ترجع فلوس. في 30 يوم مش هياخد عليك فوائد يبقى هو سلفك 30 يوم ببلاش؟ طب البنك بيلعب على إيه؟ هنا بيلعب إن المجموع بتاع الناس كلهم مش هيعرفوا يرجعوا في 30 يوم، ففي جزء مو معين منهم هيدفع فايدة، هتغطي إللي ما دفعوش، وإحنا كنا عملنا برضو حلقة كاملة على موضوع الكريديت كارد دي، لو حابب تخش عليها بالتفصيل وفيها نسب الناس إللي بتدفع في وقتها، والكلام ده كله، طيب أنا محتاج كريديت كارد في أول طريقي، لأ، لو أنا لسه ببتدي في حياتي، أنا مش محتاج النوع ده، أنا محتاج إيه؟ محتاج يبقى عندي دخل، لو أنا ببتدي محتاج يبقى عندي دخل. وعارف أنا بأصرف قد إيه الحقيقة، الحاجات الأساسية، موضوع الكردت كارد ده بيجي قدام في المستقبل لحاجات تانية، لما يبقى عندك آ بتاخد بقى عليه نقط وبت، يعني فيلم تاني كده ملوش أي أي لازمة، بالنسبة لي، لو أنا ببتدي لو أنا ببتدي في حياتي المالية، حيساب البنك إللي هو ال الجاري أو التوفير، كفاية قوي إن أنت تحوش فيه، سواء صندوق الطوارئ بتاعك، أو تدفع فيه المشتريات بتاعتك، أو تسحب فلوس تمشي بيها ميزانيتك أو كده، خلينا ن نبقى في الحتة بتاعة بالذات للناس إللي في الأول، وفي الحياة في الحتة بتاعة الجاري والتوفير
رضا: طيب فيزة المشتريات هل هي الكريديت كارد ولا حاجه تانية؟
عمر: أه هي هي يعني هي يطلق عليها هي فيزا دي شركة ماشي زي كده، مثلا المناديل كلينكس مثلا عارف إللي هو يقول لك كلنا فاكرين إن إللي هو اسمه كلينكس مثلا أو بيبسي مثلا، أو اشرب كوكا، تبقى هي لأ، هي فيزا دي شركة برضو زي زي ماستر كارد زي أمريكان إكسبريس والكلام ده، فالناس سموها فيزا على أساس إن هي بتعمل الكروت الائتمانية دي ولكن في ح حقيقة الأمر، الفيزا هي ال بتلاقي عليها فيزا عادي، إللي هو الحساب الجاري بتاعك عليه فيزا، الحساب التوفير البطاقة بتاعته تلاقي عليها فيزا، المشتريات، أسامي بقى كتير، بس الأساسيات التلاتة إللي إحنا اتكلمنا عليهم الجاري والتوفير والكردت هما دول التلات، أساسيات في في الحسابات في أنواع الحسابات، نيجي بعد كده بقى للودايع وشهادات والكلام ده كله، دي حاجات استثمارية، بس بكلمك على الحسابات إللي أنت بت، لما بتخش تفتح حساب البنك بتاعك، دخلت كده أونلاين، هتلاقي حساب جاري حساب توفير حساب الفيزا بتاعه أو الماستر كارد أو أي شركة مصدرة للبطاقة الائتمانية. ف كلهم بتعرف تعمل بيهم المشتريات دلوقتي يعني بتعرف تعمل من حسابك جيلي دايركت ديبت كارد بتقدر تشتري بيه فمشتريات عادي كريديت مشتريات، بس هي في بداية الأمر كانت الناس بتعمل دايما مشتريات بتاعتها من الفيزا أو كده، فاتسمت هذا ال المسمى يعني
رضا: طيب لو عايز أشتري حاجات أون لاين، يعني خلاص عرفت مثلا إن الديبت دي مثلا أنا بحط فيها فلوس واقدر استخدمها مثلا في السوبر ماركت، أسحب بيها من ماكينة صراف آلي فلوس، يعني لو عايز أعمل حاجات أون لاين هل برضه نفس الكرت؟ ولا كروت معينة ولا إيه؟
عمر: تمام لو أنت بتشتري أون لاين الناس ما بتبقاش مستراحة قوي إن هي تدي الرقم بتاع البطاقة الائتمانية بتاع البنك بتاعها إللي هو بعلى الحساب دايركت، إللي هو مثلا حساب مرتبي، فبيخافوا جزء كبير من الكريديت كارد إن هي معمولة إن هي تستخدم في المتاجر الإلكترونية الأون لاين، تمام؟ ففيه ناس بتتجه لهذا الاتجاه إن هي تشتر ت تعمل الكريديت كارد فقط للاشتراكات بتاعتها، سواء أنت تتفرج ع التليفزيون أوبتعمل يوتيوب أو أيا كان، أو بتاخد كرسي بره أو أي حاجة. بتستخدم هذه البطاقة الطريقة الثانية إن أنت ممكن تشتري يعني إيه تشتري؟ يعني أنت مثلا بتشتري من على أمازون، أمازون ده متجر إلكتروني، ممكن تروح السوبر ماركت، تلاقي أمازون بيبيع لك بطاقة ب100 جنيه ب1000 جنيه، ده فيها رصيد موجود تستخدمه بس على أمازون أو تستخدمه في المحل الفلاني، البلاي ستيشن، مثلا لو رحت المحلات بتاعة الألعاب هتلاقي فيه بطاقات بلاي ستيشن ستور. تقدر تشتريها؟ أنت مش عايز تحط الكرت بتاعك، مش عايز تديهم حاجتك، فبتعمل إيه؟ بتقول لهم والله خدوا البطاقة دي، آ أنا هشتري البطاقة دي بيبقى فيها رقم كده، بتدخلوا البلايستيشن بي بيشتري لك اللعبة، فأنت هنا بتدي له كا في إيده وبتاخد وقت حاجة، فدي الحاجة التانية إللي بشوف الناس بتعملها، الحاجة التالتة إللي بشوف برضو الناس بتعملها إن هو بيروحوا يشتروا كرت مؤقت، برضو ممكن تلاقي في السوبر ماركت ده السوبر ماركتس الكبيرة يعني. بتلاقي بيبقى لك كارت. تقدر تشحنه رصيد مؤقت تقدر بقى هنا تستخدمه ع الإنترنت في أي حتة، يعني هنا مش محتاج مثلا نشتري من أمازون بس أو كده، لأ، ده على كل الناس، فبتشحن الكارت ده زي كده بتشحن خط تليفونك، والكرت ده بقى فيه رقم معين، تقدر بس تصرفه أون لاين، الفكرة في الحتة دي إن أنت برضو خايف إن أنت تس ال البطاقة بتاعتك تتسرق أو قلقان أو فبتعمل الحاجة، الحاجة دي، الحاجة الرابعة والأخيرة، لو المتجر الإلكتروني ده مديك وسائل دفع مختلفة زي مثلا فودافون، كاش أو زي. فوري أو زي أي حاجة تانية، فدي الأربع أربع طرق اللي أنت ممكن تدفع بيهم حاجات أونلاين اللي أنا فاكرهم، يعني دلوقتي مش. مش عارف لو في حاجات ثانيه، أكيد فيه طرق تانية، بس دول الأربع حاجات آ إللي أنت ممكن تشتري بيهم حاجات أون لاين، وفيه طبعا ال إللي هو آ أنا هشتري حاجة من أون لاين، ولما الراجل يجي لي مندوب التوصيل هدي له، أنا هنا اشتريت، حصلت العملية، بس أنا هدي له الكاش لما يوصل لي،
رضا: طيب يعني ده كده ياخدني، لو فيه منتجات تاني، حاسس إنه ممكن نبقى ما سألناش عليها أو محتاجين نبقى واعيين بيها وإحنا بنتعامل بالفلوس عموما يعني هل في أي حاجة؟
عمر:اللي أقدر أقوله لك إن مثلا دايما تخلي بالك ما تكتبش على نفسك شيكات آ أو ديون أو تمضي وصولات أمانة ملهاش أي لازمة، غير لو أنت مثلا مخ مخطوف أو حد خاطفك مجبرك أو حاجة إن أنت هاهاها تمضي يعني، بس قصدي غير كده ما تكتبش على نفسك أيأي ديون ملهاش أي لازمة، لإن المستندات المستندات دمستندات قانونية ممكن تدخل واحد في مشكلة ممكن تدخله في قضية، في حبس، في حاجات زي كده. لأن ال حتى الوصولات الأمان تعتبر سند قانوني ااا ما تعملها غير لو يعني في الطوارئ أو ما تعملهاش عمرك، دي نصيحة برضو آ لو معاكش الفلوس بتاعتها ما تعملهاش آ، أو أعملها فيشكل ودي مش لازم يكون س حاجة توصلك لل إن هي إن أنت يبقى فيه مشكلة، يعني بنلاقي مثلا دايما عارف في الحاجات بتاعت الشارتي الغارمين، وال فيه جزء كبير جدا، ناس دخلوا السجن بسبب إن هما مضوا أوراق آ، فدي مشكلة مجتمعية كبيرة، أنا فاهم إن الاحتياج مهم للف بال، للفلوس بيبقى في تحت ظروف معينة، وكان لازم ياخدوها والكلام ده كله، بس مع الأسف يعني أنا بقول ده خلوه آخر احتمال، مش أول احتمال، فأنا مثلا بنصح بعدم ال. الحاجة دي على عدم نادر، برضو، أنا فاهم إن الظروف ساعات بيضطر الواحد إنه يعمل حاجات من هذا النوع، بس يعني، وقتاني بقى بنصح، السلف لما تيجي تستلف، ما تحاولش، تستلف آ، استهلاك، يعني ما تحاولش تستلف عشان مثلا أنا عايز أصيف مثلا السنة دي، أو عايز آ أشتري جزمة جديدة، نزلت آ. مش. ه يعني أنا. آه مش. مش. مش بلوم الناس دي، مش بقول إن أنا تمام، بس أنا بس يعني على الأقل ما تعملهاش وأنت مستلف، يعني على الأقل الأسباب بتاعة السلف تبقى مهم إن هي تكون أسباب صحيحة أو بتستلف عشان تشتري أصول، ودي بقى حاجة صعبة شوية ممكن نتكلم عليها بعد كده، في وقت تاني، فا حاول تمنع السلف، حاول ما تخشش في دوامة الدين، عشان دوامة الدين، زي ما بتخلص إللي هو أنا استلفت النهارده، وسددت، وبعدين استلفت تاني، وسددت، و. وهعيش دايما. من غير فوائد. فأحاول يبقى عندك فوائد. فدي الحاجات يعني الأساسية إللي أنا أقول الناس تبعد عنها، وبعدين لوغلطت لو اتسرقت، لو حد خد منك آ حاجة، ده حاجة طبيعية، عادي بتحصل ت تعامل مع الوضع عادي، تعامل مع الوضع إن أنت بتتعلم دي مش آخر الدنيا، ومش آخر مرة هيحصل لواحد حاجة وحشة، ف آ خدوا الموضوع بصادر رحب، قعدت خبط وهتوقع وهتقوم وهتكمل يعني ما فيش حد. مش هعرف، أنصح حد أقول له إوعى ما يحصلكش حاجة وحشة، فاهم قصدي؟ هي منظومة وحياة، و. آ ساعتها تبقى كويسة وساعات مش تبقى كويسة. سعيد
رضا: صحيح بس بقول دايما يعني الواحد بس ناخد بالأسباب لإنه كمان فيه حتة كده يعني بشوف الشباب لما بيتحمس شوية وبيبقى عنده مساحة إن هو بعد ما بيفتح حساب في البنك وبعد كده ينزلوا رصيد يقدر يفتح بيه كريديت كارد، للأسف مبيبقاش واخد باله إن فيه تبعيات لعدم سداد الكريديت كارد أو الصرف بشكل كبير الحد بتاعه في الكريديت كارد، وبعد كده مبيعرفش يسد، فبيتبدي ينزل عليه فوايد، بعديها بيبتدي مبيعرفش يسد خالص بقى كله فبيتدي البنك يجري وراه، يلا بقى سد، فيبتدي يبقى في زي إنذارات للأسف، ملاحقة وقانونية لا قدر الله يبتدي بعد كده يدخل في المساحة بتاعت آه السجن، برضه بقول ضروري الشباب يخلوا بالهم منها، آه الكردت كارد أنا كنت عامله فترة بعد كده، ووقفته بصراحة لأني حسيت إني مش قادر احافظ على المساحة بتاعت ال30 يوم إن أنا لما أصرف منه ابتدي أرجع الفلوس اللي أنا اخدتها، فخفت بصراحة خليني أكون واضح إنه بعد كده يبقى في ملاحقة قانونية اكتفيت يعني وقلت خلاص كده ألم نفسي أنا عارف قدراتي، فقمت قفلته فدي يمكن بقول خلي بالنا منها، لأنه هو بيطمع الواحد بس بنفس الوقت إيه البني آدم يبقى راكز وهو بيتصرف في حاجه زي كده يعني
عمر: هي مع الأسف الديون دوامة، يعني، يعني مع الأسف يعني هي ده أوامة الواحد بيعرفش يخرج منها. سهولة، أنت عايز تحول دوامة الديون دي الدوامة تانية، إللي هي دوامة دوامة الاستثمار والتحويش والكلام ده كله، يعني بدل ما أنت تبقى مدمن ديون وبدل ما أنت مدمن استهلاك وبدل ما أنت آ في الحتة دي، لأ، أنت مفروض تعيش حياتك طبيعي، مستوى كويس، مبسوط، بس أنت برضو مدمن تحويش أو مدمن استثمار، أنت بتغير العادة دي بعدة أحسن شوية، يعني أنا م. مش بقول يعني مدمن إن هي دايما تبقى حاجة وحشة، آ، ممكن تبقى مدمن حاجات كويسة، يعني فاهم مواظب على حاجة معينة. أسلوب حياة معين، حاجة، حاجة ظريفة يعني آ، فهي هي الدوامة دي زي ما أنت بتقول بالظبط آ دوامة صعبة الخروج منها نهايتها وحشة، وكويس قوي. إن أنت فهمت نفسك يعني. يعني نقطة كويسة قوي إن أنت قلت أنا مش قادر، أنا جربته، مش قادر، فالناس تجرب، مش بقول لك واح واحد تاني بيسمعنا، ممكن يكون علاقته مع الكريديت كارد، ده علاقة جميلة جدا، ما عندوش مشكلة معاه، فاهم، فهو ده رأيه كده، وهو عارف يع بيعمل إيه، وهو بي ال، رحم الله امرأة، أنا عارف قدر نفسه فاهم، أنت عارف أنت قدرك إيه وقدرتك إيه، وإيه إللي أنت بتحبه، إيه إللي ما تحبوش فمش هجبرك، فمهم جدا جدا إن أنت تتعرف على الموضوع، اتعرفت عليه إزاي؟ إن أنت جربت تفتح، اتعلمت الاستثمار بإن أنت جربت تفتح عجبك ما عجبكش. يناسب شخصيتك ما يناسبش شخصيتك، كل واحد وعنده البصمة الوراثية بتاعته، والبصمة الشخصية بتاعته إللي هتخليه يحب حاجاته ما يحبش حاجات، فكويس جدا جدا، إن أنت ذكرت المثال ده إللي أنت جربت تفتح ما عجبتكش، فقفلته حرية شخصية إن أنت تاخد القرار ده
رضا: طيب مش عارف يا عمر إن خلاص بنختم حلقتنا، بس عايزة أسأل في حتة كده، بقول قعدة القهاوي
عمر: المشاريع في القهاوي
رضا: أيوة الحتة دي لأن كيم إخواتي وبقول إخواتي هنا بقول على الشباب إللي اتربوا في دور أيتام سواء كانوا في نفس الدار بتاعتي أو دور تانية، كتير بشوف وحتى البنات برضه بيتجمعوا كده وتعالوا لنفتح مشروع ومنها بيبقى أحيانا قهوي يلا نعمل قهوة
عمر: يلا نعمل قهوة اللي احنا هنقعد فيها
رضا: فا يعني للأسف يعني بيبقى فيه بعض المشاريع بقول ممكن تقدر تصمد سنة أو أكتر، وبعض المشاريع التانية للأسف الشباب بسبب عدم دراسة يخسروا فيها كل فلوسهم، وبعد شوية كمان بيبقى فيه حتة كده بيقولوا عليها الجزء القانوني بسبب عدم الوعي بيخسروا فلوسهم، وكمان ممكن يدخلوا في مشاكل قانونية، وآخر حاجة فكرة إنه في مثل دايماً بنقوله اللي الأوله شرط آخره نور فما بقاش في شرط في الأول، فما بيبقاش في نور في الآخر، للأسف بيختلفوا كمان بعد كده، يعني يبقوا الأخوات ومتربين في نفس المكان أو أصحاب مثلا وكده، والناس بيختلفوا بعد كده بام يعني بشكل حقيقي مش كويس خالص، فممكن نختم لو تقدر تقولنا شوية نصائح نخلي بالنا منها في الجزء ده
عمر: ريادة الأعمال إللي أنت تبقى صاحب عمل ده موضوع مش سهل ومش معمول لكل الناس، يعني آ هي قدرات فيه ناس تقدر تبقى. صاحبة أعمال، وفي ناس بتقدر تبقى موظفين كويسين قوي وده لا يعيب ده. وده لا يعيب ده يعني مش الهدف إن أنا أبقى صاحب عمل، أنا فيه ناس قابلتهم يقول لي أنا موظف كويس قوي، أنا عايز أبقى موظف كويس قوي، أنا عايز أبقى الأول كل شهر، أنا عايز أبقى شاطر، أنا عايز. عايز. عايز شخصيتي مبنية كده، واحد تاني يقول لي أنا ما أعرفش أقعد 5 دقائق ع الكرسي، فأنا عايز أبقى صاحب عمل ومش موظف، والكلام ده كله، الشخصيات. النسب الأكبر على فكرة يعني 90، 95% الناس بتبقى مايلة أكتر من ناحية الوظيفة، ده ال. ده التكوين بتاعنا، فمش كل الناس. تقدر تبقى؟ صاحبة عمل. وده أول حاجة لازم نعرفها عن نفسنا، يعني قبل ما نبتدي في الكلام هل أنت من ال0.1 ولا لأ؟ فدي. دي حاجه مهمة جدا، طيب ال0.1 لو ابتدى وهو صغير قوي، أه، فيه تجارب ناجحة كبيرة في العشرينات، وفي الثلاثينات بنوا كيانات ضخمة جدا في العالم بتحصل، ولكن نسبها قليلة جدا، ف. فمش كل الناس حتى لا تبتدي بدري هتنجح، فيه واحد تاني يقول لأ، أنا ماشي، أنا بحب ريادة الأعمال، بس أنا مثلا محتاج عشر سنين إن أنا أشتغل الأول، أتعلم يعني إيه فلوس؟ أتعلم يعني إيه؟ خدمة عملاء؟ تعلم يعني تسويق وأفهم الكلام ده كله، وربنا يكرم إن شاء الله في يوم من الأيام أفتح حاجة دي شخصية تانية، فتاني هأرجع أقول إيه؟ إن أنت لازم تعرف أصلا شخصيتك قبل ما أدور ع الشركاء، أنا لازم مثلا أصلا أعرف أنا النهارده أفتح إيه؟ ولو هأفتح حاجة، هل أنا فكرت 50,000 مرة، إيه إللي أنا هضيفه للعالم؟ لما أنا أفتح الحاجة دي، إيه السلعة إللي مش متوفرة؟ النهارده إللي أنا هيبقى عندي فيها إدج أو عندي فيها حتة معينة، محدش تاني بيعملها، ف فيه أسئلة كتير قوي لازم نمشي فيها مع النفس. الأول. على الشورى بتاعتي. لو أنا وصلت للي أنا أه أنا. أنا جاهز. أه أنا عايز أفتح. أه أنا شاطر، أنا عندي حاجة أقدمها للمجتمع مختلفة، والكلام ده كله لازم أبتدي، أدور على الشريك، الشريك مهم جدا جدا في النجاح، لا بتاعي، الشريك ده لو هو. هو نفسه شخصيتي غالبا هنفشل، إحنا الإتنين الشريك ده لازم يبقى عنده آ حاجة في شخصيته، أوفر لاب قليل ما بيني وما بينه، يعني النقطة القدرات بتاعتي آ لازم ما تبقاش موجودة مع شريكي بنسبة عالية، يعني أنا لو شاطر مثلا في الحسابات وفي الفلوس،وهو شاطر في التسويق، وواحد تالت شاطر في التكنولوجيا دي مجموعة لطيفة، فكل ما يكون التنوع في الفي الجروب أو التيم آ موجود، كل ما فرصك أحسن للنجاح، ليه؟ لإنك أنت النهارده أنت مش هيعدل على ده، وده مش هيقول لده أنت بتعمل إيه؟ والكلام ده، كله، كل واحد ماسك حتته ومركز فيها وبيعمل إللي عليه فيها، الحاجة كمان مهمة إن أنت لما تدور على شريك أو بتعمل مشروع إللي أنت لازم تبقى متأكد إن الناس دي هتحط، لو أنت هتحط ساعة هما هيحطوا ساعة، مش أنت هتحط ساعة، وهما هيحطوا 10 دقايق، فدي بتخلق مشاكل في الفي، الفي، الحياة إللي هو إيه؟ ده؟ أنت ابتديت، وبعدين أنت ما بتعملش حاجة، وأنا إللي بعمل كل حاجة، والنسب بتاعتي كانت كده، وأنت كده. فبتعمل برضه مشاكل فلازم تبقى عندك حد جد لأنه في إن هو يحط قد عدد سعادتك، وإن. وإن شاء الله أنت ما تطلعش الراجل إللي هو هيحط 5 دقايق، يعني تبقى إنت إللي بتشتغل، يعني فاهم دي مهمة، طبعا مش هننساها، فدي حاجة مهمة، حاجة كمان أنت قلتها مهمة ال إللي إحنا ما بنكتبش الكلام ده في ورق، يعني لو إحنا اتفقنا على مشروع معين لازم نكتب، الكلام ده فرق، لازم نكتب، اتفاقنا ده في ورق، لازم نكتب، حصصنا في ورق، لازم نعمل التق ت ت تأسيس شركة بشكل محترف عشان حتى لو هي قهوة، حتى لو مثال بسيط بتاع القهوة عمر هيعمل الشاي ومحمد هيعمل القهوة ومش عارف مين هيعمل العصير. اكتبي الكلام ده. اكتبوا في النظام الأساسي بتاع الشركة بتاعها، النظام الأساسي ده مش لازم يبقى ورقة قانونية، ده ممكن يبقى إيميل أو ورقة أو ح متعلقة ع الحيطة، قدامكم أنتوا التلاتة، فالكتابة بتاعة الموضوع مهم جدا لتوثيق الحدث، إن مين هيعمل إيه؟ إيه النسب بتاعتك؟ أنت حطيت فلوس قد إيه؟ مهم جدا، حد يبقى مسؤول عن المالية وحد يبقى فاهم في الفلوس لإن معظم الشركات أو شركات كتير جدا بتفشل عشان الإدارة المالية بتاعتها غلط. فلازم حد يبقى عنده تركيز في موضوع المالية مش بس المالية يعني محاسبين و آ ادفع ضرايب، والكلام ده كله، لا ملاقي، يعني إحنا لمينا راس المال المضبوط إللي يخلينا نعيش عدد معين الس في السنين بتاع المشروع بتاعنا، إن إحنا ندفع مرتبات للناس إن إحنا نتوقع أسوأ الظروف إللي ممكن تحصل لنا، فده ال ال ده المستشار المالي بتاعك جوه الشركة، أو ده الرأي إللي هو واحد هتلاقي فيه واحد كده في الشركة، دايما هو إللي عايز يعمل فلوس مركزإن إنت الراجل ده دوره مهم في التوقع بتاع الحياة بتاعتك، والإدارة بتاعة الفلوس، هو إللي هيدفع مرتبات، هو إللي هيفتح حسابات البنوك، هو هيعمل الحاجات دي كلها، فا حتى لو فكرة صغيرة ع القهوة، ال ال فتح الشركات ده من أع أعلى نسب مخاطرة في العالم، يعني إن أنت تفتح شركة أنت خدت أصعب حاجة في الاستثمارإن هي تنجح إن أنت تعملها ليه؟ لإن فيه حاجات في الاستثمار أسهل من كده بكتير، إللي هو إيه؟ تعمل شهادة في البنك أو. تعمل، تشتري أسهم لإن الأسهم دي؟ بيقدرها، ناس مديرين استثمار، أو مديرين شركات، آسف ااا بي عارفين هما بيعملوا إيه، يعني؟ هل أنا أفتح بنك ولا أس أحسن، ولا أروح أشتري بنك السي آي بي مثلا في مصر؟ غالبا أشتري بنك السي آي بي أحسن من ما أنا أفتح البنك لإن أنا هياخد وقت كبير عشان أفهم يعني إيه بنك، و واخد رخصة وفلوس والكلام ده كله، ويمكن ما انجحش، لكن واحد قائد في المجال بتاعه أسهل لإن أنا أشتريه أسهمه، فإن أنا أفتح بزنس دي مخاطرة عالية جدا. الناس مع الأسف بتبتديها كأول نوع من أنواع الاستثمار، مع إن هو المفروض يبقى آخر نوع من أنواع الاستثمار، يعني أنت في محفظتك الاستثمارية بتاعتك لازم تعمل حاجات قبليها بكتير قبل ما تروح لفكرة إن أنا أفتح شركة أو مشروع مع واحد صاحبي، أنا يمكن ما جهالص الموضوع أو ما كبروا شوية، بس أنت ممكن تشتري بيت وتأجره، ده استثمار، ممكن تشتري وديعة في البنك ده استثمار، ممكن تشتري صندوق استثمار في البورصة، ده استثمار، عندك حاجات كتير قوي هتعملها قبل ما تفتح المشروع
رضا: الحتة دي يا عمر مهم قوي، لإنه كمان بقول بعض الشباب في الدور والبنات بيوصلوا مثلا عند سن بقول بعد رعاية اللاحقة الاستقلالية بعد سن 21 سنة بيبدأوا يبقى بعض دور عمل لهم زي دفاتر توفير فيها نوع من الشهادات، أو بدائع بأرقام أحيانا بتبقى كويسة وأحيانا أرقام ضعيفة، ولكن للأسف الشديد بيروحوا يفكوا الشهادات دي، والودايع دي، في نوعين، في نوع بيبتدي يصرف ويجيب كل الحاجات اللي كان نفسه فيها وهو في الدار ما خدهاش يعني والنوع التاني بقول ما بيبقاش عارف يصرف الحاجات دي فين بيبقى خلاص، هو يعني الضرب بتاعته كانت وفرة كل حاجة وهو الدنيا تمام، مش عارف إيه، فيبتدي نوع من التكامل الاجتماعي أو الاجتماعي، ما أعرفش بيبتدي وزع الفلوس دي على ممكن صحابه وممكن على كذا، مش عارف والله عايز كذا، فلوسه له أو حاجات زي كده في منها الكويس في منها المش مظبوط، فالفلوس في الأكل بقول بتضيع. في حين كانت ممكن تبقى فرصة كويسة أوي لي طور الاستثمار
عمر: لبداية حاجة بالظبط، أنت ممكن على فكرة أنت ممكن تأخذ الفلوس دي، أنت مثلا وصلت حد حوش لك 50,000، لقيت عندك 50,000 رقم كويس قوي تبتدي بيه مثلا، يعني أنت النهارده عايز توزع الناس واللي حواليك والكلام ده وزع مفيش مشكلة، بس وزع بنسبة معينة أنت مرتضي بيها إن هي ما تضيعش فلوس، يعني اعمل ال. أنا مش بقول ما تعملش اعمل حاجة زي دي، لو أنت عايز تعمل كده خد 10,000 خد 20% من الفلوس دي وزعها واديها للناس إللي حواليك ويبسط الناس وخلي الناس مبسوطة وأنت تتبسط وكل الكلام ده ما عنديش مشكلة. ال40 بقى إللي باقيين دول ممكن مثلا يبقى مقدم في شقة صغيرة مثلا نبتدي في حاجة صغيرة. على عشرة 15 سنة، بتمويل بحاجة مثلا مع الدولة أو أي حاجة فيه فرص، فحطيت أول بذرة لأداة استثمار، الفكرة في إيه؟ افتراضا أنت ابتديت كده من وأنت عندك 20 سنة وأنت عندك 3035 سنة، أنت لقيت معاك شقة وإتنين وتلاتة، على فكرة مش ببالغ، يعني لو أنت وإن وأنت صغير وبدي بدري قوي، هتقول لي إزاي أجيب شقة وإتنين وتلاتة؟ هأقول لك إن أنت أول رقم جه لك، ده، رحت رميه مقدم، وابتديت تدفع، قصته مدخلك البسيط، حتى لو دخلك مش كبير، جبت حاجة صغيرة قوي. بعد ما استلمت الشقة دي. ربنا كرمك والقيمة السوقية بتاعتها طلعت بعتها رحت مثلا حاطط مقدمين في شقتين حتاخد 57 سنين كمان عقبال ما تدفعه لتدفعهم تدفعهم مثلا ب شقة منهم. جت لك استلامتها بعد تلات سنين. ابتدت يتأجر نفسها فابتدى دخلها يدفع نفسها. فابتدى يبقى أنت عندك فائض. ممكن تحط مقدم لشقة يعني دي أنا بأتكلمك عن مثال مثلا لو واحد خد السكة بتاعة الاستثمار العقاري هتلاقي إن أنت عندك 3540 سنة ممكن ما عندكش شقتين وتلاتة وأربعة. شفت النماذج دي؟ طب الشقتين 34 دول بيدخلوا لي دخل النهارده وأنا عندي 35 سنة وعندي وظيفة ومش محتاج فلوس. ممكن وقتها بقى آخد الدخل ده وأفتح بيه مشروع. ما أنا هنا بقى عندي أداة استثمارية باسيف إنكم أو دخل سلبي جاي لي من غير مجهود، أقدر آخد الفلوس دي وأحطها في ريسك أعلى، أقدر آخد الفلوس دي، وأديهم حصة لواحد صاحبي بيعمل فكرة معينة، يمكن تضرب، ويمكن تبقى حاجة كويسة جدا، بس هنا أنا ما عملتش العكس، أنا ما خليتش المشروع يجيب لي البزنس، يعني ما خليتش المشروع، آسف يجيب لي الشقق، وأنا عندي 30، لأ، أنا خدت المسار الأبطأ إن أنا. خليت الأصل هو إللي يعمل لي المشروع، فاهم؟ قصدي لإن الأصل هنا يعتبر في الم في أدوات المخاطرة، أقل مخاطرة، أنا ابتديت بأقل مخاطرة، وبعدين لما كبرت ابتديت أعمل مخاطرات على إن أنا أفتح مثلا مشروع فالمشكلة، لما ابتديت حياتك بتحط كل حاجتك في المشروع، ومشروع ما بينجحش بيجيب لك إحباط، وبيجيب لك يعمل لك مشكلة، ما بتقدرش تستثمر و. وكده، ولكن الموضوع التاني هو زي السحلفة، المثل دايما بتاع السحلفة والأرنب، يعني إللي هو السباق إللي إحنا كلنا عارفينه. الطريقة التانية طريقة سح سلحفاة شوية. إللي هو أنا هبتدي بالراحة وهحوش، والموضوع هياخد له 1520 سنة عشان أبتدي أشوف نتايجه، ولكن النتايج بتاعته بتبقى سوليد أو بتبقى نتائج جامدة وتقدر تعمل بيها حاجات تانية. فا بنفس الفكر ده أنت ممكن مشاريعك وأفكارك دي تصرف على أو سوري الاستثمارات بتاعتك دي تصرف على مشاريعك وأفكارها.
رضا: يعني برضه كان في حاجات بسيطة ممكن زيي بقول في اللي هي موضوع سبايك الدهب مش خواتم وسلاسل بالنسبة للبنات أو كده، لأ في اللي هو موضوع الجنيه الدهب سباكي الدهب من أول جرام و2 جم وفي كمان سباكي تفضل ده برضه كان جزء حلو أوي، ممكن برضه الناس بتبتدي يعني. مش عارف إيه ثاني؟ ممكن يبقى بيساعد فيه؟ على الأقل موضوع قيمة الفلوس، يعني برضه في كده بحوش فلوس بس وركينها على جنب بتقلل من قيمة الفلوس ده، يمكن بقول أنا كنت فرد له حلقة، موضوع الإستثمار
عمر: بالزبط، موضوع الإستثمار ده موضوع كبير جد ا وأعتقد إن نحنا محتاجين له حلقة كاملة إن إحنا نتكلم فيه باستفاضة، أنا مش عايز برضو آ أقول كلمتين كده، أما بقولوا استثمار وخلاص. ولكن في فئات أصول مختلفة كتير يمكن ذكرنا منهم العقار النهاردة، البيوت، المشاريع، الكلام ده كله، ولكن فيه فئات أصول كتير جدا، أنا مش عايز بس يعني عايز ياخد وقتي فيهم إن إحنا نتكلم فيهم، الاستفاضة، النهارده أعتقد إحنا حطينا كده أول خطوة في. في إللي هو، إذ تعمل إيه؟ أو ما تخرج الدنيا فيها إيه؟ آ ابتدي ب بالراحة وما تحاولش تجري قبل ما. ما تمشي وتقف، وتاني هياخد مثال المخ بتاع الطفل إن هو بياخد سنين طويلة عشان يكون. ال الاكتفاء المالي أو الحرية المالية بتاخد برضو سنين عشان تتكون
رضا: عمر شكرا جزيلا ليك يعني بيدنا كيف هيدي حالتنا؟ يعني حاجة بجد، أشكرك و ممتنة جدا، بقول إحنا في كل حلقة نبتدي بنحط بقول الفريم العام للحاجة أو للمجال اللي إحنا عايزين نخلي بالنا منه، لما بنيجي سواء إحنا لسا في الدار أو بنجي نخرج من الدار، بالنسبة للشباب بقول دي أول سلمة النهارده في الحرية المالية أو عموم الوعي المالي بشكل عام يمكن بشجع الشباب اللي بيسمعونا يبتدي يخشو كمان على البودكاست بتاعت كلام ينور ويبدءوا يسمعوا فيها، أنا يمكن بقول يومي رايح جاي مثلا من طريق المترو، المسار بتاعتي على طول، هي في ودني في البودكاست على كل منصات بصراحة إيه فدي خطوة مهمة، يمكن بقول أشجعكم تقرأوا أكتر، تدوروا أكتر، امم، كل حاجة ليها علاقة بالوعي المالي، في تطبيقات على الموبايلات تقدر تساعدنا بعد كده في إزاي نحوش إزاي نستثمر، نخلي بالنا من إيه وكده عمر شكراً ليك مرة تانية وشكراً للمستمعين
عمر: أنا إللي عايز أشكرك والله يا رضا على وقتك وعلى مجهودك وعلى إنت بتعمله الرسالة إللي إنت بتحولوا تعملوها وتوصلوها، التنمية مهمة جدا، وشكرا جدا على استضافتك ليا، ميرسي جدا
رضا: شكرا جدا ليك، وحلقة جديدة إن شاء الله في جايلك في حوار، تابعونا على كل منصات السوشيال ميديا بتاعتنا على تيك بوك اليوتيوب، وهي على إنستجرام وفيسبوك كمان من خلال بودكاست على أنغامي سبوتيفاي قبل بودكاست وانتظروا وانتظروا حلقة جديدة قريب ا إن شاء الله شكرا
وبكدا نكون وصلنا لنهاية الحلقتين مع رضا لو وصلتوا لحد هنا احب اشكركم انكم وصلتوا لحد اخر الحلقة وعايز اشكر للمرة التالته أو الرابعة أو العاشرة رضا على وقته وعلى الفرصة الجميلة اللي هو ادهاني اني اكون ضيف في الحلقة بتاعته
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينوّر #بودكاست #بودكاست_عربي #بودكاست_بالعربي #استضافة #بودكاست_جايلك_في_حوار #الجزء_الثاني