97. استضافة مع يوماً ما - الجزء الثاني
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
The one day podcast - النهاردة الجزء التاني من استضافتنا مع عمر المجالي مقدم بودكاست يوماً ما
بودكاست يوماً ما بيساعدك تحط أهداف في مجالك أو في أي مجال انت مهتم بيه ، لأنه بيستضيف رواد أعمال مؤثرين وقصص نجاح ملهمة من الوطن العربي كله وبيشارك المستمعين أهم أدوات النجاح في الحياة والعمل
: تقدروا تتابعوا عمر المجالي على اليوتيوب من خلال رابط القناة
https://www.youtube.com/@Omar.almajali
01:23 إيه الحاجات اللي ممكن تحسب حسابها قبل ما تدخل في أي قرار استثماري؟ -
07:07 هل في أي تطبيقات أو وسائل للاستثمار تقدر تشاركنا بيها؟ -
11:19 ما هو الفرق بين الشخص الغني والشخص الثري؟ -
15:56 احكيلنا اكتر عن عمر شمس ما وراء الكواليس؟ -
18:36 كيف بتقسم وقتك ما بين الشغل والبودكاست وبين دور الأب ودور الزوج؟ -
20:25 نصيحتك للأشخاص اللي حابين يلحقوا شغفهم؟ -
28:08 لو هترجع لورا 10 / 15 / 20 سنة وتعطي لعمر نصيحة واحدة شو بتكون؟ -
29:31 ما هو تعريفك للنجاح؟ -
29:56 ما الذي تطمح لتحقيقه يوماً ما؟ -
يا رب تكونوا استمتعتوا بالحلقتين دول واستنونا في حلقة جديدة الأسبوع الجاي ان شاء الله
تابعوا حلقتنا واكتبولنا آرائكم بعد سماع الحلقة
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
اهلا بيكوا في حلقة جديدة من بودكاست كلام ينور
النهاردة الجزء التاني من الحلقه بتاعة بودكاست يوماً ما اللي هي كانت استضافة مع عمر المجالي انا بس عايزه اقول ان البودكاست ده بشكل عام ، يعني حتى مكتوب في الوصف بتاعه ان هو بيحاول يلهم المستمعين لو حد عنده هدف معين بيساعدك ان انت تحط أهداف معينة في مجالك أو في مجال معين انت مهتم بيه ، بيساعدك توصل لناس ممكن تتعرف على رواد أعمال تانيين كويسين في مجالهم مش في دولة واحدة لأن عمر بيستضيف ناس من الوطن العربي كله فيا رب تستمتعوا بالجزء التاني واسيبكم عمر
01:23
المجالي: ذكرت اشياء بالاستثمار حابب احكي عن موضوع الاستثمار أكثر ويمكن بس تشرح للناس بشكل عام عن مفهوم أو مبادئ عامة في عالم الاستثمار مثلا مبدأ تقدر تحكي لنا عنه هو الفرق بين الاستثمار السلبي أو الاستثمار النشط. وفي فوائد اسمها فوائد مركبة في فوائد في فوائد بسيطه ، وقبل شوي ذكرت الأصول هل في أصول معينة بتشجع الناس أنها تستثمر فيها ولا هاد بيرجع لكل شخص؟ بس هيك بشكل عام بنعطيهم نبذه عن عالم الاستثمار والشغلات اللي ممكن يحسبوا حسابها قبل ما يدخلوا بأي قرار استثماري
شمس: دي حاجه انا برضه شايفها في المجتمع ، بشوف الناس بتفكر ازاي ، انا لما بسال واحد صاحبي مثلا انت عمرك استثمرت يقولي لا ، اقوله طيب ايه اخر حاجه عملتها مثلا كمضاربه او اي حاجه الاقيه مثلاً راح عمل كريبته أو اشتري أسهم عشان تطلع.. انا عندي مشكله في طريقة التفكير دي ، فئات الأصول كلها معروفة في العالم الإقتصادي إن في ملفات معينة خطرة ، في حاجات خطرة جداً وفي حاجات مش خطرة خالص
الناس دايما بتتشد للحاجات الخطرة جداً لأن الإعلام بيغطيها، قصص النجاح الرهيبه بتبقى منتشرة عنها اكثر الناس بتدور على الفرصه اللي تعمل شركات ناشئة فتطلع 18 أكس في أول سنة كل الحاجات دي من وجهة نظري مش هتعملك حاجه على المدى الطويل
لأن أنت النهاردة خلينا نقول في أول حياتك واخترت واشتريت البيتكوين أو كريبتو أو اي حاجه وعملت عليه 10 مرات ، هل انت هتعمل 10 مرات على حاجة هتغير حياتك ولا لأ؟ بنسبة كبيرة لأ لأن انت هتبقى حاطت فيها حاجه صغيرة اصلاً
يبقى تعالى بقى نمشي من الأول كده في فئات الأصول كلها ، فئات الأصول انت ممكن تبتدي من الأول من عند الكاش اللي هو حاطه تحت السرير ، ده عنده مشكلة ان هو مش بيحميك من التضخم أو البلد أو العملة اللي أنت حاطت بيها الفلوس ، العملة الورقية مع الوقت قيمتها بتقل لأن الاقتصاد العالمي مبني على هذا المبدأ أنه في تضخم في النظام عشان يشجع الناس على الاستهلاك فأول حاجه الكاش ، البديل بتاع الكاش اننا بنحط الفلوس بتاعتنا في البنك اللي هو بيدينا عليها مثلاً حساب ادخار بيديني عليها فوايد
المستوى اللي بعده ممكن يحط شهادات استثمار بتأمين شوية في نفس البنك ده اسمها شهادة إيداع ، دي بيعمل عليك تأمين غير الودايع بتبقى بتأمين أطول شوية وبيدفع فايدة أعلى شوية ، بعد كده ممكن نروح على السندات ، السندات دي ممكن تديك أعلى شوية من الحاجة اللي قبليها ، دي بتبقى سند أو قرض مديه لحكومة أو شركة ، بعد كده بنروح للعقارات سواء سكنية أو تجارية أو مكاتب أو أياً كان أنواع العقارات مختلفة كتير ، بعد كده الأسهم ، بعد الأسهم عندنا السلع اللي هي زي الدهب والفضة والحاجات دي ، وبعدين الشركات الناشئة ، وبعدين العملات المشفرة والحاجات الجديدة
فالناس بتسيب بقى كل الحاجات اللي في الأول وبتروح تهتم بالحاجات اللي هناك في الاخر دي ودي مشكلة بالنسبالي كبيرة أن انت لازم توزع نفسك على مصفوفة المخاطر كلها ، او لازم تعمل محفظة متنوعة لآن في سنين أو في فترات معينة في الاقتصاد الحاجه اللي بتبقى فيها مخاطرة عالية بتبقى النتايج بتاعتها وحشه جداً والناس ممكن تفقد الثقة نفسها في الاستثمار لكن انت لو موزع مدخراتك بطريقة مظبوطة وعندك 10 أو 20 للاستثمار مش هتبقي مهتم انك تصحى الصبح أغنى واحد في العالم
نرجع للمفهوم التاني اللي انت ذكرته مهم جداً الفايدة المركبة ، أنا عملت محفظة في أي قطاع وخلينا نقول انا بعمل 10% في السنة ، أنا حطيت 100$ السنة الجاية بقى عندي 110$ لما هاجي استثمر السنة اللي وراها هستثمر الـ 110 بالكامل مش هستثمر الـ 100 فهعمل عليها 10% تاني يبقى السنة التانية انا هعمل 11$ فالسنة التالتة بقى عندي 121$ هستثمرهم على 10% فهعمل 12.1$ في السنة اللي وراها فبنلاحظ هنا أن كل سنة الفوايد أو العائد بيزيد ولكن نسبة العائد نفسها ثابته اللي هي 10% في الـ 3 سنين ده بيجي من حاجه اسمها الفايدة المركبة ، ان انت بتعمل فايدة على الفايدة أنت بتستثمر وبتعيد استثمار الدخل بتاعك
في ناس بشوفها بيحطوا الـ 100 وياخدوا الـ 10 في أخر السنة وبيروحوا يصرفوها ، وبعدين ياخدوا الـ 10 السنة اللي وراها ويروحوا يصرفوها فدي تعتبر مفهاش الفايدة المركبة انت هتاخد الـ 10 ديما وتروح تصرفها ومع الاسف الـ 100 اللي انت حاطتها في البنك قيمتها كل سنة بتقل .. ده الفرق ما بين الفايدة المركبة والفايدة البسيطة
الفايدة المركبة بقى القوة بتاعتها بتيجي في السنين الأخيرة يعني لو قعدنا نستثمر 30 سنة هنلاقي اخر 10 سنين الفايدة المركبة الربح بتاعتها رهيب ، لو قعدنا نحسبها رياضياً حتى هنلاقي إن التضاعف بيحصل بنسبة كبيرة جداً في السنين اللي قدام وده اللي يخليني وانا صغير مش مهتم أوي إني أعمل العوائد العالية ليه؟ لأن أنا مش محتاج في أول 10 سنين في حياتي ابقى مستثمر شاطر او مش محتاج اننا اعمل عوائد عالية جداً أنا محتاج بس إني اخلي الأصل موجود وأكبره حتى لو بنسب صغيرة ومع الوقت والثقة وفهمي للموضوع طريقة استثماري هتتحسن مع الوقت فالعوائد هتعلى في الوقت اللي أنا عايزها تكون عالية .. معرفش أنا عقدت الموضوع عليك ولا سهلته
المجالي: بالعكس شكراً كتير بسطتهالنا
07:07
موضوع تانى كمان حكيت فيه أنا وياك نقطة مهمة يا عمر حابب ارجع اعيدها انه ناس كتير بتلاقيهم بيبعدوا عن الاستثمار عشان بيخافوا من فكرة الاستثمار عشان بيفكروا أن الاستثمار عملية معقدة ولكن الموضوع اليوم أصبح كتير سهل ، طرق الاستثمار عديدة أنت بتقدر اليوم تنزل تطبيق على تليفونك وتستثمر بطريقة كتير سهلة ، إمكانية الوصول للاستثمار صار أسهل اليوم من أي وقت قبل فـ ايش رأيك إيه بهاد الموضوع ، اش بتحكي للناس اللي بيقولولك لأ يا عمي انا ما بدي أدخل هاد العالم للاستثمار لاني ما بفهم فيه ، عشان معقد ، عشان ما بدي اقرأ عنه ، هل في أي تطبيقات أو أي مثلاً محلات أو مصادر ووسائل تشاركنا بيها يا عمر أنه الناس تقدر تطلع عليها بلكي بتقدر تفيدهم بموضوع الاستثمار؟
شمس: بص زي مانت قولت بالظبط العالم تطور ، احنا كنا عشان نتكلم زمان كنا لازم نقابل بعض احنا النهارده بنتقابل في حتين مختلفين تماماً ، نفس الكلام في المفهوم ده أو التكنولوجيا دي اتطبقت على أدوات الاستثمار ، زمان مثلاً في الستينات أو السبعينات في أمريكا عشان تعمل محفظة صعب جداً لازم يبقى عندي سمسار وأكلمه ويبقى عندي اتصالات معينة والكلام ده كله ، ولكن في السنين الاخيرة يمكن الـ 20 / 30 سنة اللي فاتوا النظام المالي تطور تماماً وفي حاجه اسمها صناديق الإستثمار ، صناديق الاستثمار هي موجودة كفكرة من زمان بس إتاحتها للأفرد بقت بسهولة جداً في الـ 20 / 30 سنة اللي فاتوا
ده صندوق بيديك محفظة متنوعة من حاجة معينة انت عايزها انت قولت مثلاً عايز استثمر في الأسهم وهنا بنقول مثلاً متنوعة زي مثلاً مؤشر الـ (إس أند بي 500) ده أكبر 500 شركة في أمريكا أنا عايز أشتريهم
انت ممكن بعد ما نخلص الحلقة تنزل تطبيق وتفتح ورقك أونلاين ، كل حاجه تمام ، تمول حسابك وتقدر تشتري سهم الـ (إس أند بي) بعديها مثلاً باسبوع فالسهولة انك تعمل ده بقت سهل جداً
طيب قولتلي انا عايز استثمر في قطاع الصحي في أمريكا أو في القطاع الصحي العالمي ، عايز اشتري مجموعة من المستشفيات أو الحاجات من مقدمي الرعاية الصحية هنلاقي برضه صندوق استثمار متداول ، ده صندوق استثمار شركات عملاه وحطاه على البورصات عشان أي حد في العالم يقدر يتداول عليه دي طريقة بس تاني أنا مش عايز أقول أن الطريقة الوحيدة اللي انا أقدر أعمل بيها دخل سلبي اللي هو بيجي من غير ما أعمل أي مجهود هو في كل الحاجات اللي احنا اتكلمنا عليها يعني كل القطاعات أو كل فئات الأصول اللي اتكلمنا عليها وغطناها هي بتعملك دخل سلبي
يعني لو جبنا وحده أشترتها وهأجرها للناس ، اشتريت مكتب في مكان شعبي في القاهرة مثلاً وأجرته لشركة معينة مع الوقت انت عارف ان الحته دي أسعارها هتزيد مع الوقت وهيفضل جايلك دخل سلبي منها دي تعتبر طريقة سلبية حتى في إدارة فلوسك انت مش بتروح ولا قاعد في المكتب ولا بتعمل اي حاجه في واحد قاعد مكانك فالايجارات تعتبر دخل سلبي
لو شاركت في شركه في شركه ناشئه والناس انت واثق فيهم مشروع والفكره كويسة وعملت نتائج كويسه دي هيجيلك منها دخل انا مش بقول اشتغل بس في الاسهم او حياتك كلها تبقى كده
طب موضوع المخاطرة كل حاجه اتكلمنا فيها فيها مخاطرة ، شفنا دول بتصحى الصبح متلاقيش العملة بتاعتك اصلا وما تلاقيش فلوسك فالمخاطره دايما موجوده يعني المخاطرة دي وانا خارج من البيت بركب العربيه بتاعتي انا عندي مخاطره ان انا ما وصلش المكان بتاعي فاحنا عايشين طول عمرنا في مخاطرة
الفلوس فيها مخاطره ولكن لو عرفت وحسبت المخاطرة اللي انا اقدر اتقبلها واقدر انام بيها بالليل ومبقاش قلقان يبقى انا كده عملت المحفظه اللي تناسبني انا شخصيا ، البصمة بتاعه كل واحد مختلفه نفس الكلام انا مقتنع ان البصمة الاستثمارية مختلفة عني ولو كده انا ممكن أعلن عن محفظتي والناس كلها تتابع محفظتي او نعرف مثلا محفظة وارن بافت والناس تقدر تمشي عليها يعني الناس دي معروفه حاجاتهم بيعملوا ايه بس في ناس مبتقدرش تعمل نفس الخطوات عشان تحمل المخاطرة بتاعتهم مختلف
المجالي: تقبلهم للمخاطرة أو للمجازفة
شمس: مظبوط
11:19
المجالي: عمر شو الفرق بين الشخص الغني والشخص الثري؟ هاد اشي تاني لقيته على الانستجرام بتاعك وبرضه لفت انتباهي ، ما هو الفرق بين الشخص الغني والشخص الثري؟
شمس: بص انا حاولت اجيب اقرب كلمتين بالعربي الغني والثري ، الإنسان الغني هو اللي دخله عالي بس ممكن يكون مصروفه عالي في نفس الوقت ، هو عايش حياة غنية ، راكب عربيه كويسه عايش في بيت كويس ، نمط الحياة غني جدا انا اعرف ناس بتقبض من أعلى 1% في البلد بتاعته وما زال عنده مشاكل ليه لأن أسلوب الحياة بتاعه عالي جدا بالنسبة للدخل اللي هو بياخده
لو هو خسر شغله هو حياته هتتغير 360 درجه ان أنا كنت بروح الجولف كلوب وبنام على المركب بعد الضهر وبتعشى فين وبعمل ايه وفجاه انا معنديش الحاجات دي كلها لان انا عايش عيشه نوعا ما غنيه ده تعريفي للغني ، دخله عالي وصرفه عالي ولكن ممكن يكون لغويا قصدي في المحتوى بتاع الكلمتين فاهم قصدي بس ترجمتها ممكن يختلف عليها علماء اللغة يعني
المجالي: أكيد لأ احنا واخدينها من سياق الحديث بتاعنا
شمس: الشخص الثري هو بقى اللي بيعمل عكس كده تماما ، هو عنده ثروه مكونها مع الوقت هي عمرها ما بتتكون من أول يوم هو بياخد وقت عشان يكونها ، الثروة دي بتتكون من ان في فرق بين الدخل والمصروف وبيعيد استثمارها بمنتهى البساطة يعني مفيش اي حاجه تانيه
انت برضه لو بصيت في ناس حتى من الأغنياء مش شرط انه يكون غني بالشغل ممكن يكون ورث حد ورث من أهله فلوس وصرفها صرفها صرفها من غير ما يعمل أي حاجه ولكن الثري على الناحيه التانيه اللي عمل ثروة كبيرة جدا وبعد شويه بقى بالعكس تماما حد اخدها منه هو عنده القدره انه يبتدي تاني من الأول من الصفر ويقدر يعمل نفس الثروة دي تاني لان هو عنده الكتالوج بتاع ازاي اعمل ثروة .. فدي الفروقات اللي انا بشوفها من الاتنين يعني ده ممكن تديله فلوس يضيعها وده ممكن تاخد منه فلوس ويعملها تاني
المجالي: لانه الفرق مش بالقيمة المالية ما بين الغني والثري لكن بالعقليه المالية بالتفكير المالي واحد عنده صرف كتير ، مصاري كتير و بيصرف كتير والتاني عنده مصاري كتير ولكن أساسها بطرق وكان في استراتيجية خلف الموضوع وكان في تفكير مستقبلي للموضوع
شمس: بالظبط ، وهتلاقي حاجات شائعة في الشخصيتين يعني ممكن تلاقي الشخص الغني هو بيهتم جدا برأي الناس فيه هو دايما عايز يبهر الناس اللي حواليه بشكله او نوع من اللي هو انا عايز اوريكم انا معايا ايه ، هتلاقي الناحيه التانيه الشخص الثري ممكن ميكونش اصلا مهتم تعرف هو عايش فين وبيعمل ايه او بيشتغل في ايه او اي حاجه فهنلاقي فيه كده شويه علامات معينه
مش بقول على فكره ان ده وحش او ده حلو انا بس بعرف الحاله انا معنديش مشكله لو انت اخترت في حياتك انك تعيش تصرف اللي انت بتاخده كله انا مش ضد الحاجات دي
المجالي: اه كل واحد بيطلع له يسوي اللي بده اياه بهالدنيا مدام مش بيأذى اي حد تاني
شمس: بالظبط ، انا مش بقولك انك تبقى ده أو ده او ان انت ايه الصح أو ايه الغلط أو انك لازم تبقى ثري لأ انا بحاول بس اوضح لك الفروقات ما بين الاننين
وبعدين في حاجه يا عمر مهمه جدا في الحياة بقى عموما ان انت مينفعش تبقى متطرف للناحيه التانيه بمعنى ايه ان انا الشخصيه اللي هي بتصرف اكتر من دخلها دي بنشوفها كتير جدا مينفعش بقى انا الناحيه التانيه اللي هو انا بصرف اقل كتير من اللي انا المفروض اصرفه الوسطية مهمه جدا يعني لازم يبقى عندي جودة حياة كويسة فاهم قصدي يعني لازم ابقى مبسوط ان انا عايش فى مستوى كويس ومدخل ولادي في حته انا عايزها والكلام ده كله بس بالعقل ومخطط له انا مشكلتي في عدم التخطيط أنا مش بقوللك حوش اكتر حاجه الدنيا سوداء او خلي بالك انت لازم متصرفش اي حاجه ومتاكلش ومتخرجش لا انا مبقولش كده انا بقولك خلي الجودة بتاعه الحياه كويسة
برضه الوقت مهم جدا وهي دي العمله الوحيده اللي بتخلص مننا ، دي الحاجه الوحيده الحقيقية في الحياة اللي بتخلص مننا فأنت عايز تصرف اصرف وقتك بطريقه كويسه اللي هو وازن ما بين الحاضر والمستقبل
المجالي: طبعاً حلو كتير عمر
15:56
المجالي: طب احكيلنا شوي عن عمر شمس ما وراء الكواليس ، كل الناس بتسمع صوتك بس ما بعرف إذا الناس بتعرف اي اشي عنك! بتقدر تحكيلنا عن روتينك اليومي ، بعرف انو عندك البودكاست وعندك عملك ، روتين شو شغفك بالحياة هواياتك خارج نطاق التوعية المالية والأوضة اللي انت قاعد فيها ، احكيلنا أكتر عن عمر ما خلف الصوت؟
شمس: انا من اسكندريه اسكندراني دي اول حاجه بعتز بيها بحب اسكندرية جدا ، انا مقيم في الامارات ، بشتغل في مجال إدارة أصول المؤسسات يعني بنتعامل دايما مع مؤسسات ، مؤسسات يمكن ليها علاقه بالتقاعد او اللي هي بتبقى عايز تستثمر في الاسواق العربيه احنا بنشتغل في الاسواق العربيه خاصه الأسهم ، انا بحب جدا المجال بتاعي يعني انا كنت من الناس المحظوظة اللي اشتغلت في حاجه بتحبها يعني مش حاجه سهله ان الواحد يشتغل في حاجه بيحبها وهي حاجه مش سهل ان الواحد يحبها اصلا
المجالي: محظوظ بالقليل كتير
شمس: بس برضو ممكن نقول ان مش اي حد بيحبها برضو فاهم قصدي ، فيمكن انا حبيتها عشان مفيش حد بيحبها قوي فالحمد لله يعني
اقولك ايه مثلاً أنا كنت بعوم وانا صغير كنت بلعب سباحة ، بعدين لعبت باسكت كنت بلعب في نادي سبورتنج في اسكندريه ومن الباسكت نما حبي للرابطة الوطنية لكرة السلة يعني وبتفرج على ماتشات باسكت كتير جدا
المجالي: مين بتشجع؟
شمس: انا مع الاسف مع الاسف انا بشجع فريق اسمه بورتلاند ترايل بلايزرز محدش بيتفرج عليها محدش بيحبها بس أنا بحبها جداً جداً ولو وريتك عندي هنا عندي شويه حاجات معلقها ليهم لسبب ما يعني قصه كده مع لعيب انا بحبه وهو اللي بيلعب في الفرقه دي بس أنا بحبهم جدا ، انا بحب الباسكت بشكل عام ، بحب الرياضه جدا وبحب اتفرج على الرياضة بشكل عام
ايه تاني بعمله الحاجات الطبيعيه بقى اب بيحاول ، اب متوسط الحال بيحاول مع أولاده كل يوم انهم يبقوا احسن يعني مش متأكد من ادائي
المجالي: اكيد ادائك لا شك منه انه ممتاز
شمس: لا والله بحاول
المجالي: انت عندك اكتر من ابن؟ عندك ابن وبنت ولا عندك ولدين؟
شمس: عندي ولدين
المجالي: الله يخليلك اياهم
شمس: ربنا يخليك وبعدين برضه بقى بتشوف نفسك فيهم تاني بتشوف بقى حاجات في شخصيتهم منك كتير بس يعني ده بشكل عام
18:36
المجالي: كيف بتقسم وقتك ما بين الشغل والبودكاست وبين دور الأب ودور الزوج مش سهل؟
شمس: بص تاني الكورونا ادتني فرصه وفعلا مش بهزر يعني ادتني فرصه إني ابني الهيكل بتاع البودكاست ده انه يبقى مش متعب بالنسبالي ، فكر فيها انه مثلا نوع من انواع الثيرابي نوع من انواع انك بتتكلم وبتطلع طاقه في حاجه انت بتحبها مع ناس جديده يعني انا اتعرفت عليك من خلال البودكاست يعني عمرنا ما كنا بنسبه كبيره هنتقابل غير من خلال البودكاست في تجارب كتير جدا حصلت وعلاقات كثير جدا بنتها ، الناس اللي بيسمعونا ناس بقوا اصحابي ، ناس بقى بيبعتولي على طول فـ زي ما هي ممكن تكون بتاخد وقت هي بتديك جزء إجتماعي مهم في الحياه يعني انك بتعمل مجتمع جديد ن
بحاول اسجل دايما في نهاية الأسبوع ، بحاول الحلقات تكون مكتوبه على قد ما اقدر بدري مش بكتب الحلقه مره واحده ممكن تجيلي فكره بكتب عنوانها وبعدين بعد شوية لما الفكره تكتمل ببدأ اكتبها وبعدين معظم الوقت بسجلها مره واحده يعني فمبتاخدش مني مجهود
برضه معايا فريق صغير كده على قدي ، معايا حد بيظبط الصوت ومعايا حد على السوشيال ميديا بصراحه الأداء فوق الممتاز هما اعتقد احسن مني بكتير هما الاتنين يعني لو البودكاست نجح فهو نجح بسببهم مش بسببي مساعدتهم ليا كانت مهمه جدا ، ويعني انا اعتقد هو الفريق لما بتبني الفريق حواليك بيساعدك انك توفر وقت كبير جدا
فـ البودكاست ممكن يكون بيبان ان هو بياخد وقت ومجهود لكن هو بالعكس انا بحس ان هو يعني لو الحاجه منظمة انت تقدر تقلل الوقت بنسبة كبيرة
20:25
المجالي: حلو كتير ، عندي سؤال عمر عن الشغف بما اننا كنا بنحكي شوية عن الشغف والسؤال ده بيهمني أنا شخصياً يمكن بالمرحلة التنقلية اللي عم أمرأ فيها بحياتي ، هو سؤال وصراع بنفس الوقت وحابب أخد رأيك فيه ، شو نصيحتك للأشخاص اللي حابين يلحقوا شغفهم ولكن بيعرفوا انه يمكن اليوم هاد الشغف ما بطعمي لقمة عيش أو يمكن اذا بدأ تلحق هاد الشغف راح يجي هاد الشغف على حساب أو على عاتق فرصة عمل راتبها أكبر بتقدر توفرلك المال بشكل أكتر ممكن توفرلك أمان بشكل أكبر .. شو وجهة نظرك عن هاد الموضوع اللي هو الشغف ولكن بدك توازن هاد مع المال وفرص العمل المتاحة إلك البعيدة عن شغفك يمكن ما بتحبها ولكن أنسب بطريقة اذا راح نحكي عن الأمن المالي؟
شمس: سؤال اكتر من رائع يعني انا بشوف نصايح كتير جدا من الناس على السوشيال ميديا يقولك سيب اللي انت بتعمله وسيب شغلك ونط من المركب والنهارده احسن من بكره واعمل اللي انت عايزه عشان انت موجود .. انا عندي مشكله في الكلام ده لان إحصائيا الكلام ده مش صح انا لما بحاول اخد اي قرار في حياتي بحاول ابص على الارقام قبل ما أكون رأيي الشخصي يعني بشوف مثلا في كم شركه ناشئه بيتعملوا وفي كام واحده بتنجح ، في كام مطعم بيفتح وفي كام واحد بيقفل انت بتشوف وخاصة في البيزنس بتاع المطاعم بتشوف كمية مطاعم بتفتح وبتقفل اعتقد يمكن الرقم مفزع 50% من المطاعم بتقفل في اول 6 شهور تقريبا اللي انت بتشوفه في الاخر ده 5% من النجاح يعني لو انت عندك حد بتاع شاورما او حد بتاع مش عارف ايه مشهور جدا ده عدى بصرعات كتير جدا فرص النجاح عكسك في الحياة عموما لان المنافسة عالية
اول حاجه في الشغف لازم اتاكد انه شغف نابع عن شخصيتي انا يعني في مشكله بشوفها ان الشغف ممكن يحصل من المجتمع اللي حواليك يعني انا شفت ترند معين جميل في اليومين دول فحسيت ان ده انا وبعدين فجأة تحولت ان ده بقي اهم حاجه في حياتي دي انا برضه عندي مشكله فيها ان انت لازم تتأكد ان الشغف ده بجد انت جربت نفسك مره واتنين وتلاته واربعه وتأكدت ان هي دي الحاجه اللي انت عاوزها لما بتأكد منها ممكن اخد طريق يوصلني ان انا ابقى في موقع أعلى في المستقبل ووقتها احول على الشغف بتاعي بمعنى ايه
انا مثلا عايز ابقى رجل أعمال كويس وعايزه افتح شركتي الخاصه في غلطات كثير جدا بحسها ان الناس ساعات بتبتدي بدري او بتبتدي متاخر قوي انا بحب دايما اللي الوسطية في الموضوع يعني حاول تكون صندوق طوارئ كويس عندك اللي هو مثلا من 3 لـ 6 شهور تحويش على جنب
يعني حاول اعمل قائمة مرجعية الاول اللي تخليك لما تنط من المركب الوظيفية تبقى انت عندك ثقه في نفسك لانك حالتك النفسيه لو انت ناطط في الوقت الغلط انت حالتك النفسيه ممكن تبقى مش كويسة انك تنجح في فكرتك اصلا
المجالي: صح
شمس: فابني صندوق الطوارئ بتاعك اعرف المستثمرين اللي هيساعدوك اعرف الميزة التنافسية بتاعتك أعرف الحد بتاعك انت هتضيف ايه للدنيا لما تعمل حاجه زي كده ، فكر كويس قبل ما تاخد الخطوة وبعدين حط الهيكل وازاى هتنفذها واقعد اتخيل
يعني انا تخيلت في البودكاست قبل ما ابتدي تخيلت لو انا في حلقه رقم كذا انا عايزه اعمل ايه او لو طورت المحتوى بتاعى هطوره ازاى والكلام ده كله حتى قبل ما ابتدي ويمكن ده مش كل الناس بتعمله اللي هو لو نجحت انا عايزه اعمل الخطوه التانيه
زي كده بتلعب جيم لما تجيبى نتيجة عالية توصلك للمستوى اللي بعده أو المرحله التانيه ، ففكر في شغفك ده وقسمه لكذا مرحلة بالراحه كده على ورق وقلم اقعد ارسم ، اقعد فكر انزل اشرب قهوه في حته لوحدك وشخبط في ورقة حط الاستراتيجي بتاعتك اعرف انت عايز ايه لو انت مشيت من القعده دي وانت مش كاتب الخطة بتاعتك بالشكل تقدر تقوله لأي حد من اصحابك او من اي حد من المستثمرين او اي حاجه يبقي انت لسه الفكره دي مش كامله في دماغك ده من وجهه نظري وثق الحاجة واتكلم عليها وحاول تقولها بصوت عالي هل هي اصلا جوه مخك صوتها حلو ولما بتقولها للناس بتبقى شكلها وحش ولا هي في الحالتين كويسه
25:00
المجالي: حلو كتير ، حكيت اشي كتير كتير مهم عمر أعتقد احنا بننساها وبنتغاضى عنها أو ما بنفكر فيها لما بنقعد نفكر بهادول المجازفات الكبيرة اللي لازم ناخدها بحياتنا انه الناس اذا بس نطت وتركت حياة آمنة لتلحق شغفها وما فكرت باستراتيجية معينة يمكن بعد فترة تلاحظ انو ملاحقة هاد الشغف تعبها عشان في أمور مالية ونمط حياة معين هاد الشخص متعود عليه بيلاحظ انه يمكن هاد الشغف لا يستحق ، انو بلا هالهم كله لأ خليني أرجع على شغلتي القديمة على الأقل انا كنت عايش حياة أهنأ فأنت يمكن اصلاً تخسر شغفك من خلال عدم التفكير الصحيح والسليم بهاد الموضوع ومن غير ما تجازف بطريقة استراتيجية
شمس: مظبوط ، وبعدين انت ممكن تكون موظف وتنقل للناحية التانية وتلاقي أنك اصلاً متبسطتش ، يعني ممكن تكتشف ان حياة رجل الأعمال دي مش مكتوبة ليا أو مكنتش عايزها اصلاً أنا كنت مبسوط الناحية التانية فلازم تعرف نفسك ومتشوفش النماذج الناجحة ، رجل الأعمال فلان الفلاني ده ناجح وانا حاسس اني هبقى زيه فلازم أعمل خطواته ، تاني كل واحد مبني بطريقة معينة أفهم نفسك ، الناس لو فهمت نفسها
المجالي: كل واحد عنده طريقته
شمس: بالظبط ، لما بتفهم نفسك بتستريح ، بتستريح اللي هو أنا غالباً لو اتحطيت في موقف اللي هو غالباً أنا لو اتحطيت فى الموقف ده هتصرف بالطريقة دي فأنت لما تعرف نفسك قراراتك هتختلف تماماً ، الحياة هي عبارة عن مجموعة قرارات ورا بعض فأنت بس بتحاول متعملش زي ما بيقولوا مصايب أو كوارث أو حاجات كده والحياة هتبقى لطيفة يعني خلي بالك برضه احنا الحمدلله جيل محظوظ ودي برده حاجه بقولها للناس كلها مقابل مثلا 100 سنه فاته أو 200 سنة فاتوا يعني تخيل احنا لو مولودين من 200 سنه مثلا حياتنا كلها فيها صعوبات بطرق مختلفه تماما فاحنا من الأجيال المحظوظه ، المجتمع والسوشيال ميديا والناس حطوا عليك ضغط انت اللي حطه على نفسك ملهوش لازمه انت عايز تبقى ناس تانيه غير نفسك فهي تاني هي توجهات عقلية يعني
المجالي: أتفق يا عمر
عمر وصلنا للفقرة النهائية لحلقة البودكاست وعادة بحب اسأل أسئلة ختامية سريعة لضيوفي بتمنى إني أكون سألت كل الأسئلة اللي عادة الناس بتسألهالك والأسئلة الأكثر شيوعاً بعالم الثقافة المالية واذا لأ إن شاء الله نعمل حلقة بودكاست تانية زي ما كنت بقولك أول الحلقة قد ما في مواضيع كتير بنقدر نغوص فيها أكتر ونتعمق فيها بس هيك حبيت أعطي رؤوس أقلام لبعض المواضيع للناس تبلش تفكر فيها ، العناصر المهمة شو هي
بالنسبة للأسئلة الختامية هسألك سؤال وأعطيني هيك أول جواب بيطلع على بالك وعلى راسك من غير ما تفكر فيه بعمق خلي الجواب يطلع من قلبك .. جاهز
شمس: أوكي ، ربنا يستر
المجالي: لأ كلها أسئلة سهلة
28:08
المجالي: أول سؤال .. اذا بتقدر ترجع بالوقت لـ 10 / 15 / 20 سنة لورا وتعطي لعمر نصيحة واحدة شو بتكون هاي النصيحة؟
شمس: اننا ممكن أكون مثلاً أهدى شوية مع نفسي يعني أنا باخد الحياة بجدية وواضح من الكلام أنا بفكر كتير في العموم ممكن اقلل تفكير شوية والحياة أسهل من كده شوية ده اللي أنا هرجع أقوله لنفسي
المجالي: شو برجك؟ العذراء؟
شمس: حوت
المجالي: أوكي ، معروف عن العذراء أنهم كثير بيفكروا
شمس: لأ أنا برج الحوت
المجالي: حلو ، انه خذ الأمور ببساطة
28:50
المجالي: تاني سؤال .. شو أسوأ نصيحة سمعتها في حياتك يا على المجال المهني أو المجال الشخصي؟
شمس: أسوأ نصيحة النصيحة الموحدة بشكل عام
المجالي: شو يعني؟
شمس: يعني لو قلتلي إحنا المفروض نعمل كده
المجالي: يعني أي شيء الناس بتعمم عليه ، كأن هاي لازم يكون قانون
شمس: لأ القانون فوق راسنا ونحترمه وده حاجه جميله ده تنظيمنا ، لكن
المجالي: مو القانون ، لكن لما تاخد نصائح أكن هاي قانون معمم على الناس
شمس: مظبوط ، يعني انت تقولي مثلاً كل الحاجة الفلانية دي مفيدة ليك أنا مش هقدر أصدقك لأن علمياً لازم نعمل حاجات كتير أوي أوي قبل ما نقول الحاجه دي تنفعك ولا لا فالنصيحة المعممة مبحبهاش
29:31
المجالي: حلو كتير ، ما هو تعريفك للنجاح عمر؟
شمس: انك تبقى مبسوط فقط لا غير
المجالي: نجاح يساوي السعادة .. حلو كتير
شمس: السعاده وانك تبقى فخور بنفسك ومش كلام كتب او كلام تليفزيون يعني لا انك تبقى فعلياً وقلبيا تبقى حاسس بانبساط وتنام نوم كويس بالليل
29:56
المجالي: آخر سؤال إلك اخر سؤال الك يا عمر ايش تتمنى تحققه يوماً ما ، ما الذي تطمح لتحقيقه يوماً ما؟ ممكن تبلش الجملة بيوماً ما بتمنى ، يوماً ما بحب
شمس: ان انا ابقى انسان مفيد في الحياة ، ان بعد مبقاش موجود يبقى في ناس حياتها اتغيرت للافضل بسببي
المجالي: يكون لك أثر
شمس: بالظبط وده اللي بحاول اعمله من خلال البودكاست وحاجات التانيه
المجالي: حلو والصراحه الاثر اللي عم تعملوا كتير كتير كبير عشان زي ما حكيت لك المعلومات اللي انت قاعد بتشاركها مع العالم معلومات ثمينة ، يا ريت انا اصلا كنت اسمع بهاي الشغلات من قبل لما ما كان عندي هاد الوعي المالي من قبل كان كتير اختصرت على حالي مشاكل وكفوف في الحياة
عمر شكرا كتير لوقتك يعطيك الف الف عافيه على هاي المهمه لتثقيف الناس عن الحياة الماليه والله يوفقك في كل المجالات المهنيه والشخصيه ان شاء الله واتمنى اشوفك قريب جدا
شمس: ميرسي جدا يا عمر والنهارده انت الوحيده اللي فتحتني في الحته الشخصية وعرفت مين عمر اللي ورا الميكروفون فشكرا جدا جدا على وقتك النهاردة انا اتبسطت جدا معاك
المجالي: حبيب قلبي يا عمر
شكرا جدا وحابب في آخر الحلقتين دول اشكر عمر على الاستضافة الجميلة دي انا استمتعت جدا ويا رب تكونوا استمتعتوا بالحلقتين دول واشوفكم ان شاء الله الاسبوع الجاي
Translation of some words and terms:
Description صف
Goal هدف
Concept مفهوم
Passive Investment الاستثمار السلبي
Active Investment الاستثمار النشط
Risk Profile ملف خطر
Media وسائل الإعلام
Startups الشركات الناشئة
Inflation تضخم اقتصادي
System نظام
Saving Account حساب ادخار
Interest فوائد
Level مستوى
Lockups تأمين
Certificate Of Deposit شهادة إيداع
Bonds السندات
Residential سكني
Commodity السلع
Risk Matrix مصفوفة المخاطر
Compounding Interest فائدة مركبة
Contribution مساهمة
Asset أصل
App تطبيق
Accessibility إمكانية الوصول
Resources مصادر
Connections اتصالات
Fund Your Account مول حسابك
Ease سهولة
Health Care Providers مقدمي الرعاية الصحية
Etf - Exchange-Traded Fund صندوق المؤشرات المتداولة
Unit وحدة
Popular شعبي
Destination وجهة
Risk Tolerance تحمل المخاطر
Rich غني
Wealthy ثري
Lifestyle أسلوب الحياة
Common شائع
Impress يبهر
Case حاله
Extreme تطرف
Quality Of Life جودة الحياة
Fact حقيقة
Balancing وازن
Nba National Basketball Association الرابطة الوطنية لكرة السلة
Structure الهيكل
Social اجتماعي
Team فريق
Edit تعديل
Competition المنافسة
Switch يُحوّل
Checklist قائمة مرجعية
Competitive Advantage ميزة تنافسية
Edge حد
Score نتيجة
Document وثق
Not Worth لا يستحق
Mindset توجهات عقلية
I Agree اتفق
Rapid Fire Question اسئلة سريعة
Scientifically علمياً
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينوّر #بودكاست #بودكاست_عربي #بودكاست_بالعربي #يوما_ما