177. محاكاة سوق الأسهم (Stock Market Simulation)
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
في حلقة النهارده بنتكلم عن "المحفظة الافتراضية" Portfolio Simulation، أداة مهمة بتقدمها بعض المواقع والشركات المتخصصة لأي حد لسه بادئ في عالم الاستثمار أو حتى المستثمر اللي عايز يجرب سوق جديد زي السوق الأمريكي مثلاً، الأداة دي بتساعدك تدرب على الاستثمار من غير ما تحط فلوس حقيقية
موقع www.Investopedia.com اللي اتكلمنا عليه في الحلقة بيقدم محفظة افتراضية بقيمة 100,000 دولار
(02:05) ازاي تفتح حساب محفظة افتراضية على موقع Investopedia -
(02:33) طريقة شراء الأسهم واستخدام أوامر البيع والشراء في المحفظة -
(04:26) إيه الفرق بين أوامر الشراء "Limit" و"Market" وإزاي تختار المناسب ليك -
(05:59) متابعة أداء المحفظة بتاعتك بالرسم البياني وشكل التداولات -
(06:33) مقدمة بسيطة عن خيارات الأسهم (Options) -
(08:02) أدوات البحث السريع عشان تعرف معلومات عن الأسهم وتتابع السوق -
(09:30) قسم تعليم سريع في الموقع بفيديوهات تشرحلك أساسيات التداول وإدارة المحفظة -
(11:11) تقدر تشارك في مسابقات محاكاة مع أصحابك وتتحدوا بعض في إدارة المحافظ -
(12:58) انضم لمسابقة "كلام ينور" للمحاكاة وشوف مين أحسن مستثمر -
ابعتولنا أسئلتكم و استفساراتكم على صفحتنا على السوشيال ميديا و استنونا الاسبوع الجاي
اكتبولنا آرائكم في التعليقات بعد سماع الحلقة
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
أهلا بيكم في حلقة جديدة من بودكاست كلام ينور النهارده هنتكلم عن موضوع أو المحفظة الافتراضية ودي أداة هنلاقيها موجودة في شركات بتعملها وفيه مواقع بتعملها بتخليك تعمل محفظة افتراضية هدف المحفظة الافتراضية دي إن أنت تتعود على الاستثمار أو طريقة الاستثمار، تجربها من غير فلوس، المحافظ الافتراضية دي بتبقى ببلاش، أنت كل اللي بتحتاجه انك بتروح تفتح محفظة افتراضية بينزلك فيها فلوس، بيتحط فيها قواعد معينة بتشابه المحاكاة الحقيقية للاستثمار أو لمحفظتك بتاعة شركة السمسرة كمثال، وبتساعدك إنك تبني معرفة بالسوق، معرفة بصناديق الاستثمار اللي انت هتشتريها من غير ما تحط فلوس حقيقية فالأداة دي مهمة للناس اللي هي لسه ما بدأتش الاستثمار أو قلقانة أو خايفة أو مش عارفة تبتدي إزاي ممكن تتعلم منها إزاي تتداول أصلا، يعني ازاي تحط اوردرات في السوق، ففيها مزايا كتير للناس المبتدئة والناس اللي هي حتى عندها خبرة بس عايزة تنقل مثلا لسوق زي السوق الأمريكي
(02:05)
النهاردة مثلا هنعمل محاكاة على السوق الأمريكي من خلال موقع إن investopedia.com إحنا هنسيبه في الشو نوتس برضو للناس تقدر تفتح أكونت فيه المحفظة الافتراضية أو محاكاة سوق الأسهم دي زي أي حاجة بتعملها أكونت بتحط أسم المستخدم وكلمة مرور بتاعك، إيميلك يبعتلك تعمل تأكيد أول ما بتعمل تأكيد بيفتحلك الحساب الافتراضي بتاعه إنه بيديك مثلا 100,000 دولار، ده قيمة الأكونت بتاعك
(02:33)
فلو فتحنا مع بعض كده المحفظة بيبقى شكلها عامل إزاي؟ بتلاقي أول صفحة بتنزل عليها اسمها بورتفوليو ودي بتبقى شاشة بتديك كده محفظتك النهاردة قد ايه التغير في المحفظة النهاردة في السنة عندك فلوس قد ايه ممكن تشتري بيها والكاش بتاعك قد ايه وبعدين بتشوف الاداء بتاع محفظتك عبر الاسبوع عبر شهر عبر ثلاث شهور ستة شهور او سنة وممكن كمان تقارن ما بينها وما بين المؤشر يعني انت كونت محفظة قلت مثلا اشتري العشر أسهم دول حطتهم ابتديت تشوف اداء المحفظة كل يوم ابتديت تفتحها ابتديت تتابع تشوف ايه اللي طالع ايه اللي نازل ده اسمها البورتفوليو
تاني إحنا هنسيب تاني في الشو نوتس اللينك بتاع المحفظة الافتراضية دي عشان لو الناس عايزة تفتح المحفظة الافتراضية
(03:26)
طيب أول ما تفتح المحفظة دي هتبقى عندك احتمالات إن أنت تشتري، فأنت هتروح على التابت التانية اللي هي تاب بتقول تريد، التريد دي عندك تلات حاجات تحتيها، تحتيها استوكس أسهم وتحتها اختيارات وتحتيها حالة الاوردر بتاعك، لو بصينا على أول حاجة اللي هي الستوكس هي بتسألك أنت عايز تشتري إيه؟ فعلى سبيل المثال اللي هنشتري صندوق استثمار اسمه مثلا الإس بي واي اللي هو مؤشر S&P 500 اللي فيه 500 ساعة كمثال يعني أنا بدي مثال أنت ممكن طبعا تشتري أي حاجة بعدين بتقول لك أنت عايز تشتري ولا تبيع؟ فطبعا إحنا ما عندناش الصندوق ده إحنا أول مرة نشتريه فبتحط Buy أشتري وبتحط عدد الأسهم اللي أنت طالب تشتريها، يعني مثلا السهم ده النهارده وإحنا بنسجل الحلقة كان بـ 554 دولار فحضرتك لو حطيت العدد واحد يبقى هتدفع 500 دولار لو حطيت عدد عشرة تدفع تقريبا 5500 دولار
(04:26)
بعد كده فيه حاجة اسمها نوع الطلب ودي بقى محاكاة للسوق الحقيقي بيقول لك حط حد أو حط ماركت دي أنواع الاوردرات، الميزة في المنصة ده إن في كل حاجة جنبها في علامة i كده ممكن تدوس عليها وبتطلعلك يعني إيه أو الحاجة دي تقدر تستخدمها إزاي؟
بس حد الطلب ده من الاخر معناه إن إحنا بنحط سعر معين أنا عايز الكمية بتاعتي مثلا عشر أسهم أحط الحد بتاعي عايز أشتريها بـ 553 مثلا يبقى تحت السوق شوية لو السعر خلال اليوم راح للسعر ده في التداولات الحقيقية بتاعة السوق هيبتدي يشتري لو قولت ماركت اللي هو النوع التاني من الأوردر هيشتري في أول اليوم أول ما الدنيا تفتح، أول ما السوق يفتح، طبعا الحاجات دي محاكاة فهي حقيقية فهو مش هيشتري مثلا بسعر إمبارح أو سعر بكره لأ، هو هيشتري بالسعر اللي أنت دخلت عليه عشان تحاكي الحقيقة، ودي الطريقة اللي الناس الحياة العادية بتنفذ
تاني اختيار اللي هو المدة يعني عايز الأوردر ده يتنفذ النهارده؟ ولا هسيبه؟ أوردر مفتوح يعني إيه اوردر مفتوح ده معناه إن أنا هسيبه ممكن يقعد يوم 2 3 4 5 لحد ما الأسعار تيجيلي ليه لأم ممكن مثلا الناس بتبقى حاطة أسعار تحت السوق وعايزة تسيبها مثلا أسبوع لو السعر راح للحتة الفلانية دي هتشتري فده معنى المدة الزمنية الموجودة إن أنت تقدر تنفذ هذا الاوردر الجميل هنا إن أنت بتتعلم تاني زي ما قلنا بتتعلم أنت إزاي ممكن تنفذ في الحياة الحقيقية
(05:59)
طب إيه تاني بنشوفه على الصفحة بتاعة التريت دي إن إحنا بنشوف الصندوق أو السهم أو أيا كان اللي أنت بتشتريه دي بتشوف رسم بياني له، رسم بياني لمدة يوم، لمدة شهر، تلات شهور، سنة، خمس سنين، أو كل التاريخ اللي موجود لهذا الاستثمار
ليه بيحط لك هنا الرسم البياني ده عشان أنت لو بتحط سعر معين خلال اليوم عايز تعرف أنت بعيد عنه قد إيه، أو خلال الشهر الأداء الشهري بتشوفه فبتشوف أوردرك موجود على أنهي مستوى من الأسعار، فتشوف هو بعيد ولا قريب، فبيساعدك كده يعني بطريقة سريعة إن أنت تعرف
(06:33)
طيب تاني حاجة ويمكن مش هنتعمق فيها اوي النهاردة ان انت ممكن تشتري أوبشنز والأوبشنز دي خيارات إن أنت تشتري هو موضوع معقد يمكن هنتكلم عليه في حلقة تانية فأنا بس أنا مش هغطيه النهارده، بس الأوبشن ده معناه إن أنت تاخد الحق في الشرا بتاع السهم ده على سعر معين في زمن معين، أو تبيعه في سعر معين في زمن معين، هو موضوع معقد للناس المبتدئين مش عايزهم يشتغلوا بالأوبشنز النهاردة لإنها تعتبر محتاجة حاجة زي مستثمر محترف أو مستثمر عارف هو بيعمل إيه عشان يستخدمه فمش هنغطيها قوي النهارده
(07:07)
طيب تاني حاجة بعد كده أو تالت حاجة بقى حالة الطلب بتاعي أو لما أنا بنزل السوق بيقول لي اتنفذت ولا لأ فبروح على التاب التالت ده بيجيبلي حالة الأوردر نزل الساعة كام اسم السهم سعره صلاحيته هتنتهي إمتى وهكذا وبيقولي لو في اوردرات ما اتنفذتش وإيه أسباب عدم تنفيذها
فالموضوع اللطيف وظريف وده تاني بيحاكي شركة السمسرة بتاعتك، يمكن هنا الموضوع مبسط شوية، سمسرة ممكن تكون بتقدم حاجات أكتر من كده، ولكن زي ما نقول للناس اللي هي ما جربتش أو عايزة تجرب سوق جديد، ده طريقة لطيفة أنا ابتديت بيها حياتي وأنا صغير، لما كنت بحاول أفتح حسابات والكلام ده كله وأنا مثلا تحت سن معين ما أقدرش أفتح حساب أو أنا عايز أتابع السوق ومش عارف فبستخدم هذه المحاكاة
(08:02)
طيب إحنا كده غطينا البورتفوليو، أول حاجة اللي هي بتقولي مشاكل محفظتك عاملة إزاي؟ وتاني حاجة شكل التنفيذات أو التداولات بتاعتك، شكلها عامل إزاي؟ من التاب التاني
التاب رقم تلاتة هو عبارة عن قسم الأبحاث بتاعهم، فتاني أنت بتحط اسم السهم اللي أنت عايز تبحث وتدور على معلومات عنه يعني مثلا لو خدنا مثال بأبل بيديك شوية معلومات عن أبل وبيديك الأسهم الشبيهة بأبل هنلاقي تحت في أنا يعني وأنا فاتح دلوقتي في 8000 سهم موجودين أنت ممكن تشوف معلومات سريعة عنهم، القطاع متوسط الربحية عدد التداول، لو فيه إشارة شراء أو بيع أيا كان بقى الطريقة اللي هما بيستخدموها، ولكن معلومات لطيفة كده إن أنت تبتدي بس تعرف إيه الأسهم دي طبعا عشان تعرف معلومات أكتر لازم تروح لمراكز أبحاث تانية أوتستخدم أدوات تانيه غير الحاجات البسيطة دي بس هي تاني دي بتفتح لك بس السكة إن أنت تفهم إيه الوضع، تقدروا تاني تعملوا فلاتر تقدروا تشوفوا مثلا عايزين قطاع معين، إيه الأسهم اللي موجودة فهو سكرينر لذيذ وسريع كده إن أنت تفهم بيه إيه هي الأسهم، وفي أني قطاعات والحاجات دي وتاني فيه معلومات تانية كتير ممكن ت تبص عليها، وفيه طبعا رسومات بيانية
(09:30)
التاب الرابع في محكاة الأسهم ده إن هما أصلا موقع تعليمي، يعني هو بيبقى عنده الويب سايت الرئيسي عنده مقالات كتير عن الموضوع، عنده تعريفات مالية لو عايز تقرا على الموضوع وكده فهنا بيمتد موضوع التعليم، أو التاب الرابع هو عبارة عن قسم التعليم هنلاقي إنه متقسم لكذا حاجة، فيه فيديوهات قصيرة في كل موضوع من مواضيع اللي أنا هأقول عليها دلوقتي إن أنت أول حاجة اسمها دليل البدء بيخليك تفهم إزاي تستخدم المحاكاة دي، فعمل لك فيديوهات لمدة دقيقة أو مثلا دقيقتين ماكسيموم بيمشيك في البورتل ده يشرحلك هو إيه هيشرحلك أحسن مني أنا، يعني معرفتش أشرحه بطريقة ما أعتقدش إنها كويسة، بس هو أنت بتقدر تشوفها مرئياً هيمشيك في الموضوع بيديك مقدمة للاسهم إيه الأسهم إزاي الأسهم بتشتغل وحاجات من هذا النوع، بعد كده تالت حاجة بيقولك أساسيات تداول الأسهم التداولات ازاي تعملها؟
رابع حاجه إزاي تكون مع حفظتك تاني فيديوهات سريعة يمكن تتعلم منها معلومة يمكن متتعلمش بس يعني أنصح دايما إن الناس تتفرج على المحتوى بهذا الشكل لأن هو لطيف وسريع مش هياخد منك وقت
بعد كده أبحاث الأسهم بيقولك نصايح كده سريعة إزاي تبص على الأسهم وإزاي تختارها
وبعدين اخر تابين للناس المتقدمة اللي هي موضوع الأوبشنز، فقسم التعليم ده لو أنت عديت على الفيديوهات غالبا أنت هتعرف تشتغل بالمحفظة دي بطريقة كويسة، وهتتعلم إزاي تعملها
(11:11)
الاختيار الأخير اللي موجود في محاكاة الأسهم إن في حاجة اسمها الألعاب عبارة عن زي مسابقات كده الناس بتعملها، أنت ممكن تكون المسابقة بتاعتك أنت مثلا وخمسة أصحابك عايزين تعملوا خمس محافظ وتنافسوا بعض، فبتفتح تعمل إنشاء لعبة بتسمي المسابقة دي عمر مثلا، وعمر بتبعت لأصحابك تقول لهم أنا عملت حاجة اسمها عمر خليها عامة أو خاصة سواء بتبقى بتدعيهم مباشرة أوالمستوى دي بتوعه، ومن خلال الموضوع ده أنتو ممكن تشوفوا أداء بعض تشوفوا عمر اشتري النهارده محمد باع إيه مش عارف إيه، لإن المعلومات ممكن تبقى مفتوحة، فهي فيها جزء لطيف إن أنت ممكن تعملها فده في حتة اللعب
اما بتنضم للعب بيديك دخول أو وصول كتير قوي أو محاكاة مختلفة لناس عاملينها تقدر تنضم join وتقدر تقارن أدائك بأدائهم، وتقدر تابع محافظه، بنفس هذا الكلام
وإحنا مثلا عملنا كلام ينور عملنا واحدة دلوقتي قبل ما أسجل الحلقة دي عملت وحدة اسمها كلام ينور ممتدة لحد خر سنة 25، لو حابب تنضم للمحاكاة دي وتشارك محفظتك هناك محفظتك هتبقى عامة وتشوف الناس التانية وممكن أنا أشوفها وممكن أبعتلك تعليقات عليها وهكذا،
فممكن تروح على الجيمز وبعدين دور على كلام ينور هتلاقيها موجودة هناك تقدر تشارك فيها وهينزلك تحت ألعابي بتاعتك اللي هو تحت التاب ده هتلاقي فيه حاجة تالتة اسمها ماي جيمز هتلاقي الموضوع باين
بعد كده أخر حاجة في حاجة اسمها لوحة المتصدرين اللي هو ترتيبك في هذا المسابقة، يعني أنت مثلا مشترك في خمس مسابقات، ترتيبك في كل مسابقة زي الناس اللي بتلعب فانتسي بتلعب رياضة على الموبايل مسابقات اللي هي المحاكاة برضو بس على الرياضة اللي هي نفس الكلام بس عن طريق محفظة الأسهم
(13:08)
بشكل عام مين اللي مفروض يعني يفتح الحاجة دي لو حد عايز يتعلم السوق الأمريكي حد عايز يبتدي يعمل محفظة بشكل مختلف ولسة قلقان بس لسه أول مرة تبتدي في حياتها التداول، السؤال اللي دايماً بيجيلي إزاي نتداول؟ مش عارفين نتداول، نعمل إيه؟ ده برضو هيعلمك فيه فيديو لطيف تقدر تتعلم منه، وتقدر تبتدي طريقك في الاستثمار
هدفي طبعا إن أنت ما تقعدش هنا محاكاة سنين طويلة دي مجرد خطوة أنت ممكن تستخدمها وبعدين تفتح في يوم من الأيام محفظتك، دايما بنصح إن الناس تشتغل استثمار سلبي Passive على قد ما تقدر بالذات الناس اللي معندهاش وقت، هنا أنت ممكن تعمل استثمار سلبي، ممكن تعمل محفظة على المدى الطويل تحط فيها صناديق استثمار وعملنا كذا حلقة على الموضوع ممكن ترجعوله أو ممكن تفتح وتقفل مراكز أسهم سريعة أو ممكن تعمل دمج ما بين الإتنين اللي هو أنا عندي محفظة 80% مثلا منها طويلة الاجل و20% بعمل عليها تداول
بشكل عام أدائك هيبان في البورتفوليو تاب الأولانية لما تقارن نفسك بالمؤشر ممكن من غير مجهود تاخد أداء المؤشر، أو بمجهود قليل تحاول تعمل أحسن من المؤشر فأتمنى إن أنتم تستخدموا هذه الأداة تتعلموا بيها إزاي تحطوا طلبات وإزاي تبتدي تعمل محافظ وفي نفس الوقت تتعرف على نفسك وتتعرف على شخصيتك الاستثمارية، هل أنت بتخاف، هل أنت مبتخافش؟ عشان لما تشتغل بفلوس حقيقية يبقى عندك ثقة بنفسك أكثر تاني هنسيب الكلام ده كله في الشو نوتس ولو عندكم أسئلة على الحتة دي تقدروا تبعتوا لنا على صفحتنا وميرسي جدا جدا على وقتكم وإن شاء الله أشوفكم الأسبوع الجاي
Translation of some words and terms:
Portfolio Simulation: محاكاة المحفظة
Tool: أداة
websites: مواقع
Trade: تتداول
Rules: قواعد
Account: حساب
value: قيمة
default: الافتراضي
username: اسم المستخدم
password: كلمة مرور
verify: تأكيد
Account value: قيمة الحساب
portfolio: محفظة
performance: الأداء
SPY: مؤشر S&P 500
stock: سهم
stocks: أسهم
Buy: أشتري
Order type: نوع الطلب
Limit: حد
Market: سوق
platform: المنصة
duration: المدة
execute: تنفيذ
graph: رسم بياني
Options: اختيارات
Research: بحث
sectors: القطاعات
Market Cap: رأس المال السوقي
Article: مقالات
video: فيديو
guide: دليل
Stock trading basics: أساسيات تداول الأسهم
Managing portfolio: إدارة المحفظة
Stock research: أبحاث الأسهم
Advance: متقدم
leaderboard: لوحة المتصدرين
passive: استثمار سلبي
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينور #بودكاست #بودكاست_عربي #بودكاست_بالعربي #محاكاة_سوق_الأسهم