114. حوار مع مستثمر ملائكي - الجزء الثاني
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
النهاردة بنكمل الجزء الثاني من حوار مع مستثمر ملائكي، مع ماري تيريز اللي بتشارك شمس استضافة مجموعة من المستثمرين ورواد الأعمال في مجموعة حلقات جايه عشان نسمع تجاربهم وقصص نجاحهم في مجال الشركات الناشئة والاستثمار المخاطر
Marie Therese @LinkedIn :تقدروا تتوصلوا مع ماري
ضيفنا هو أحمد متولي، مستثمر ملائكي بيساعد الشركات الناشئة وعنده خبرة طويلة في المجال، أحمد حالياً مستشار في مجال المدفوعات الرقمية
Ahmed Metwally @LinkedIn :تقدروا تتوصلوا مع أحمد
:في الجزء الثاني
(01:16) إيه الحاجات اللي متخلكش كمستثمر تحط فلوس تاني؟ -
(04:20) هل المستثمر الجديد على موضوع الاستثمار الملائكي فاهم حجم المخاطرة اللي بتتاخد في الاستثمار ده من البداية؟ -
(09:12) هل عمرك شوفت المثال العكسي الراجل المتشائم في أرقامه ومتحفظ؟ -
(14:03) إيه فئات الأصول الجانبية اللي انت بتحطها جنب استثماراتك في الشركات الناشئة؟ -
(16:22) إيه الحاجة اللي لو الناس عرفتها عنك هتبقى مفاجأة؟ -
(16:48) إيه الشخصية التاريخية اللي لو رجع بينا الوقت تروح تتعشى أو تتكلم معاه وليه؟ -
(17:48) إيه أكتر مغامرة عملتها؟ -
(18:38) في أي فيلم/أغنية/كتاب أي حاجه فنية أثرت فيك جامد؟ -
(20:20) بتعمل إيه لما بتحب تسترخي بعد يوم شغل؟ -
(20:44) إيه القوة الخارقة اللي كان نفسك تبقى عندك؟ -
(20:59) هل في حلم لسه نفسك تحققه؟ -
(21:27) عمرك أخدت نصيحة من حد وكانت بجد كويسة جداً وفعلاً غيرت حياتك؟ -
(23:00) لو أخدنا آلة الزمن ورجعت لأحمد وهو صغير بعد الخبرة والتجارب هتقوله إيه؟ -
ابعتولنا آرائكم ومقترحاتكم و استنونا الإسبوع الجاي مع حلقة جديدة وضيف جديد في كلام ينور
.اكتبولنا آرائكم في التعليقات بعد سماع الحلقة
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
اهلاً بيكوا في حلقة جديدة من بودكاست كلام ينور
النهاردة هنكمل حلقتنا مع أحمد متولي، يارب يكون الجزء اللي فات عجبكوا هنكمل كده أسئلة كنا مجهزينها أنا استمتعت جداً جداً بالجزء الأول ويارب الجزء التاني برضه ينال إعجابكم هنستناكم على صفحتنا، أسئلتنا ولو عايزين تتواصلوا مع أحمد المعلومات موجودة في الشو نوتس ومش هطول عليكم نكمل حديثنا مع أحمد
(01:16)
عمر: أنت قولت إن بالنسبالك "العمل الفردي" من الحاجات اللي انت مقدرتش تزود فيها استثمار، إيه تاني حاجتين تلاتة أربعة خمسة زي ما أنت عايز من الحاجات اللي متخلكش كمستثمر تحط فلوس تاني؟
أحمد: أو حتى من قبل ما احط فلوس أساساً، الاجتهاد الواجب يعني لو أنا ببص على فكرة وعندي خبرة فيها والأرقام مش مظبوطة يبقى أنا حد بيتلاعب أو حد بيزود قيمة حاجة معينة بالتأكيد دي من الحاجات اللي بتبوظ الصفقة لو انا معنديش خبرة في الحتة دي مش عيب أجيب حد معايا عنده خبره وعنده فكر يقدر يجي يساعدني يقولي والله الأرقام دي منطقية ولا لأ، فعلاً هتعرف تبيع بالأرقام دي، فعلاً هتعرف تجيب الأهداف ده قبل
بعد لو لقيت التحويل وفريق العمل بيرجع بيرجع للقسمين وبيوريلهم الأداء الحقيقي يعني ميحسسهمش ان الدنيا ماشية كويس وفجأة يفاجئهم أن ألحق انا عندي مشكلة في السيولة ومحتاج فلوس، يبقى ده أكيد أكيد من الحاجات اللي بتبوظ الصفقات
عمر: انا ممكن نلخص دي في الصدق، ان الواحد يبقى صادق
أحمد: الشفافية والصدق في اللي هو بيعمله
عمر: يعني عرض فردي لأ واحد بيكدب أو بيغير الأرقام أو الحقايق لأ، أنا بحاول أخدهم منك نقاط نقطية كده عشان لو رحت انا عملت الموضوع ده بعد كده معملش الحاجات دي
أحمد: هو انت مش هتكدب اكيد يعني بس يعني ممكن تسميها متفائل جدا زي ما بيقولوا يعني أنت حاطت أنك هتبيع مليون وحدة في أول شهر طبعاً رقم مش منطقي انت بتضحك على نفسك ولا بتضحك عليا ولا بتضحك على مين فدي حاجه من الحاجات اللي انا دايما ببص عليها وممكن يكون هو بقى في ضهره بيكذب بقى دى قصه تانيه احنا بنبص من ناحية ان هو بالتأكيد حاطط السيناريو الصح السيناريو المتفائل والسيناريو الأسوأ والسيناريو الخفيف لما بتحط الـ 3 سيناريو دول ده برضه بيوري للمستثمر إن الراجل ده عمل المراجعة الصح، الواجب الصح ودي من الحاجات اللي الشبكات بتساعدها يعني الشركات اللي بتجمع المستثمرين مع بعض بيكونوا هما جايبين ناس عندهم خبرة في حتة الفحص النافي للجهالة بتاعة الشركات خاصة الشركات الصغيرة لرواد الأعمال فبيبصلها من الجانب القانوني ومن الجانب المالي بيبصلها من جوانب مختلفة فبتدي ثقة اكتر في المستثمر وطبعا كل حاجه فيها مخاطرة في الآخر هي مخاطره الواحد بيعملها بس لازم تبقى مخاطرة محسوبة زي ما بيقولوا .. اعقلها وتوكل
(04:20)
ماري: بس احمد انا بفكر دلوقتي لو في حد بيسمعنا مش رائد اعمال يعني بيشتغل في شركه وناجح جدا ومهتم بقطاع التكنولوجيا وريادة الأعمال وعايز يبقى جزء منه عايز يستثمر عنده شويه مدخرات وده واحد من فئات الاستثمار اللي هو عايز يستثمر فيها بس الفكره ان لو حد بيستثمر عشان عاده اللي بيميز أو مختلف في موضوع الاستثمار الملائكي أن مدى الاستثمار ده طويل قوي يعني عاده طويل الا اذا حصل تخارج او جت شركه اكبر تشتريها ولكن هل المستثمر الجديد على الموضوع ده فاهم حجم المخاطرة اللي بتتاخد ده من الاستثمار فاهم مدى الاستثمار في رأيك معظمهم اللي انت اتكلمت معاهم او قابلتهم بيبقوا من البدايه فاهمين الجزئيه دي ولا لا؟
أحمد: طبعاً دي نقطة مهمه جداً يا ماري، كويس إنك حطيتي الضوء عليها لأن المستثمر مهم بالنسبة له انه هو مش بس مصدر للتمويل، هو مصدر للمعرفة والخبرة، وهو وضع مربح للجانبين، مصلحة للمستثمر إن الشركة دي تنجح ففي حالتي أنا كنت ببقى صريح من الاول اني معنديش خبرة في البيزنس بتاعة الراجل ده، ومقدرش أساعد في المجال ده بس مش معنى إني معنديش خبرة مش معناه إني مساعدش لأن ممكن دايماً تفكر بره الصندوق زي ما بيقولوا فلما تجيب حد معندوش خبرة وبتوريله الفكر ده قدامه يقدر يرجع بفكرة ممكن أنت متكونش فكرت فيها، فدايماً ببقى موجود عشان خاطر اسأل أسئلة معينة أو أقترح اقتراح حتى لو الاقتراح ده غلط بس ساعات الحاجه دي بتخلي رائد الأعمال يستفيد ويبص للموضوع من منظور حد جديد فبالتأكيد نصيحة للمستثمرين مش معنى إنه حد معندوش خبرة في الحتة دي مش معنى إنه ميروحش يوفر وقت ويقعد مع فريق العمل ويفهم النموذج ويشوف إزاي ممكن يساعد في حتة، يزود مثلاً فكرة جديدة، يبص على الحاجة من منظور مختلف يعني
(06:47)
عمر: هسألك حاجه إيه أوحش استثمار عملته، وإيه أحسن استثمار، وعندي متابعة بعديه بس من الحاجات اللي انت عملتها أكيد أنت شوفت كتير مش لازم تذكر الاسم.. الفكرة بس
أحمد: من أحسن الاستثمارات اللي عملتها كانت دخلت على حاجه عندي خبرة فيها أولاً، ثانياً كان استثمار كبير شوية لأن الشركة كانت بدأت تكبر فكان دخولي في الشركة دي كان فيه مخاطرة لأن انا كان المرحلة اللي بعديها إنهم هيكبروا لمرحلة متسارعة زي ما بيقولوا، وفعلاً حطيت الجزء اللي كنت عايز احطها وكنت شايف نموذج العمل وهما كانوا خلاص وصلوا لمرحلة من النضج إنهم بقوا قادرين يشغلوا البيزنس ويخشوا في حتة تدفق نقدي أحسن فكنت شايف إنها رايحة في إتجاة كويس فبالتالي أخدت المخاطرة إني أحط الفلوس على الفكر بتاع إنه هيرجعلي لو حصل تخارج أو استحواذ زي ما بيقولوا إن في شركة تانية تيجي تشتريهم وبالفعل بعد حوالي سنتين ونص الشركة دي اتباعت لشركة كبيرة وفعلاً رجع عائد لكل الناس المستثمرين في المرحلة دي
قصادها بقى الفكرة اللي أنا معملتش فيها كويس إننا مشوفتش العلامات، أنا كان عندي ثقة في الفكرة وثقة في الفريق وثقة في القطاع أو المجال لأننا كنت فاهمة كويس ومع ذلك كنت بعاند نفسي زي ما بيقولوا ودي كانت الغلطة اللي عملتها لأني روحت رايح عامل تمويل زيادة، يعني كنت شايف إن الشركة مش رايحة في حتة كويسة ومع ذلك روحت حطيت تمويل زيادة عشان خاطر أنقذ الشركة دي وأكبرها فالعند ده انتهى بإنهم فعلاً خسروا وأنا للأسف خسرت الاستثمار بتاعي ففي بعض الأوقات لازم تعرف امتى تطلع بره زي ما بيقولوا
عمر: وده كله نابع من جواك يعني أنت بتشوف إن جزء من القرار إنك كمستثمر ممكن تكون أخدت قرار غلط مش لازم الشركة هي اللي يعني قصدي إن كان قدامك معطيات وغلطت عادي محصلش حاجه
أحمد: بالظبط، بيحصل طبعاً
(09:12)
عمر: طيب هسألك بقى السؤال التابع للموضوع ده، هل عمرك شوفت ناس بيجولك بتوقعات بتاعتهم أقل من العادي وأنت قولتلهم لأ يا جماعة ده قليل أوي زودوا أرقامكم أنتو المفروض تعملوا أكتر من كده أو اللي هيحصل غالباً أكتر من كده لأن أنا بشوف إن الناس بيكون عندها تفاؤل زيادة عن اللزوم في جميع أفكارها يعني أنا لو عندي فكرة عايز أعملها أنا ببقى متفائل بكمية النجاح اللي هعملها والحقيقة مبتطلعش كده هل شوفت المثال العكسي الراجل المتشائم في أرقامه ومتحفظ وبتقوله لأ أنت أرقامك دي قليلة؟
أحمد: شوفته وقليل جداً زي ما انت قولت هو ده نادراً ما بيحصل رائد الأعمال دايماً بيبقى عايز يبقى متفائل وموري أرقام اكبر عشان يجيله استثمار أكبر ويدي جزء أقل من شركته هي دي دايماً المعادلة يعني بس لما بيحصل حاجه زي دي وبتشوف حد فعلاً مش هسميه متشائم بس هسميه متحفظ زي ما بيقولوا، بيحاول يبقى متحفظ زيادة عن اللزوم وده بيعكس أو بيوري ما مدى انك ممكن تثق في البني آدم ده لأنه راجل عايز يبقى متحفظ ومستعد انه يدي زيادة لشركته في مقابل تمويل أقل فتعرف إن الراجل ده مش بيجري ورا التمويل ده أو بيجري ورا انه عايز ينجح نفسه وينجح المستثمرين اللي معاه فده فعلاً بيحصل بس كل فين وفين لما تلاقي حاجه زي دي يعني
عمر: وده ممكن يكون علامة إن أنت تحط رقم أكبر صح؟ يعني ده ممكن يكون علامة أنه تديله الثقة زي ما انت قولت وتحط رقم أكبر صح كمستثمر
أحمد: دي حقيقة، انت هتحط رقم أكبر لأنك عارف أنه ممكن يكبر وفعلاً بعد كده لو هو كان مقوم بأقل من قيمته هو هيبقى تقييمه أعلى بكتير من اللي هو ممكن يكون وصله في جولة تانية من الاستثمار أصلاً
ماري: أنا كنت عايزة أعلق على موضوع التوقعات اللي هي متشائمة اوي، الأرقام الضعيفة، هو أحمد بصلها من وجهة نظر إن ده ممكن يكون الشركة التقييم بتاعها قليل أو مش مبالغ فيه دي طبعاً حاجه مهمه جداً لأن انت كرائد أعمال لو انت مش مكافح أنك تاخد نسبة كبيرة من السوق، لو السوق كبير أوي وانت جاي تقولي انا عايز اخد نسبة صغير اوي دي حاجه تخوفني لازم تكون مكافح لأن أنت لو بتستهدف 10% هينتهي بيك الأمر بـ 5%، ولو بتستهدف 5% هتنتهي بـ 2% صح، فدايماً لازم تبقى حاجه أقدر أبررها أنا ليه بقول أنا هاخد 10% من السوق ده أو ليه بقول أن ده الهدف بتاعي لو السبب مقنع بالنسبالي كمستثمر تمام.. يعني مينفعش يبقى مكافح أوي ومينفع يبقى ضعيف أوي مع إنه هو مش مكافح كفاية وخد بالك بالذات في حتة التكنولوجي المستثمر بيدور على النمو القوي، نمو متسارع زي ما بيقولوا مش النمو الطبيعي بتاع أي بيزنس تقليدي، التكنولوجيا بتسرع النمو فعايز يشوف نمو كبير مش نمو بجنون زي ما شوفنا شوية منه الفترة اللي فاتت بس في نفس الوقت انا بكافح إني أخد نسبة كبيرة من السوق اللي انا داخله فحبيت بس أعلق على النقطة دي لأن هي بيتبص لها من كذا ناحية وفي نفس الوقت ده مش معناه ان تقييم الشركة برضه يبقى مبالغ فيه ده حاجه وده حاجه
أحمد: موافقك 100% يا ماري ده أكيد انك تبقى حد عايز يحط لنفسه هدف أعلى من العادي دي بالتأكيد علامة كويسة زي ما بتقولي، لكن أنا بقول حد متحفظ مش انه عايز يجيب أرقام كبيرة بالعكس هو بالتأكيد مفروض ياخد حصة أكبر، فأنا موافقك 100% ولو بصينا لها من المنظور ده أكيد الواحد كمستثمر يقول لصاحب الشركة او رائد الأعمال لأ انت كده لازم يبقى عندك هدف أعلى بكتير أنا كنت باصص لها اكتر من ناحية تقييم الشركة اننا مروحش أتضخم، الناس اللي بيحطوا أرقام كبيرة جداً هي دي اللي لو حد حط حاجه معقوله لأن قصاد الهدف في صرف تاني فده بيأثر كمان في كل المعادلة زي ما بيقولوا
(14:03)
عمر: هسأل معلش سؤال التنويع اللي ليه علاقة بالبودكاست وله علاقة بكلام ينور، لما بتستثمر فلوسك كمستثمر ملائكي أكيد مش بتحط كل حاجه في عالم الاستثمار المخاطر.. إيه فئات الأصول الجانبية اللي انت بتحطها جنب استثماراتك في الشركات الناشئة عشان المحفظة اللي هي بشكل أكبر اللي هي صافي القيمة بتاع أحمد أو عمر أياً كان هل بتحط جنبة عقارات، هل بتحط أسهم، هل بتحط خليط من كل حاجه .. ازاي بتفكر في الحتة دي؟
أحمد: طبعاً زي ما انت قولت يا عمر هو انا ببص على التنوع كهدف أكبر ورا إننا دايماً ببص على كل حاجه مش حاجة واحدة بس زي ما انت قولت لو عقار بيبقى جزء من الحاجه اللي بتحصل فيها استثمار، لو أسهم بحط حاجه في أسهم بس لو بحط بحط أقل لأن الأسهم الطلوع والنزول فيها ساعات بيبقى فيها مخاطرة أعلى وأصول بقى زي الدهب لانه حاجه من الحاجات اللى بتبقى ماسكة نفسها، بره بيبصوا على الكريبتو (العملات المشفرة) دي حاجه من الحاجات اللي الناس بتفكر فيها nfts برضه كاستثمار، وفي ناس بتبص على الاستثمار في أفكار جديدة خالص، لما بدأ العالم بتاع
اللي دخلت كتريند ده برضه كان من الناس اللي هما بدأوا يبصوا عليها
فالنصيحة اللي أنا ممكن أقولها لكلام ينور أن احسن حاجه تعملها انك تقسم المحفظة زي ما انت قولت يا عمر بالظبط على مجالات أو قطاعات مختلفة بأنواع مختلفة وأقل حاجه ممكن تخليها معاك هي الكاش هي دي حاجه انصح بيها الناس محدش يسيب معاه سيولة أو كاش لأن دايماً قيمة الكاش بيقل يوم بيوم وسنة بسنة
عمر: أحمد اعتقد اننا ممكن دلوقتي بقى ننقل على حاجات شوية سريعة مش لازم ناخد فيها وقت طويل ومش لازم تجاوب على الأسئلة لو مش حابب تجاوب على الأسئلة يعني قصدي ليك الحق تعدي أي سؤال لو مش عايز
أحمد: ماشي
(16:22)
عمر: إيه الحاجة اللي لو الناس عرفتها عنك هتبقى مفاجأة؟ محدش عارفها أو حاجة مش متوقعة؟
أحمد: كان عندي فرقة وانا في المدرسة زمان كنت بغني في روك باند، دي حاجه محدش كان ممكن يشوفني يتخيلني اني كنت بعمل كده في ناس بتقول ان صوتي ممكن بس اني اغني في روك وحاجه أيام المدرسة دي برضه حاجه من الحاجات اللي الناس ممكن متشوفها
(16:48)
عمر: إيه الشخصية التاريخية اللي لو رجع بينا الوقت تروح تتعشى معاه أو تتكلم معاه.. وليه؟
أحمد: سؤال تقيل، يعني حسب انا عايز اوصل لأيه أو اعمل ايه، حسب انت بتبصلها من منظور تطور علمي، مجال شغل، ممكن أسميه مثلاً "نيكولا تيسلا" هو اللي عمل اللي احنا بدأنا بيه حياتنا ده كله وبالتأكيد جاي من سوق مكنش أمريكاني ومحدش كان عارف الحلم اللي عنده هو اللي خلق الكهربا وبدأ التحول اللي احنا عايشين فيه النهاردة
عمر: ونفس الخط بتاع "إيلون ماسك" يعني اعتقد من نفس السلالة اللي بتعمل حاجات بتغير الحياة يعني
(17:48)
عمر: إيه أكتر مغامرة عملتها وعادي ممكن تقول معنديش ومعملتش عمري، أنا مش إنسان مغامر؟
أحمد: لأ انا بحب المغامرة جداً بالعكس، بس الواحد بقاله فترة معملش حاجه مغامرة اوي
عمر: يمكن ده معناه انك محتاج تعمل
أحمد: بالتأكيد محتاج أعمل مغامرة، بس أخر حاجه عملتها لو انا فاكر صح كانت الزيب لاين (الانزلاق الحر) بتاعة دبي كانت حاجه من الدور الـ 50 فوق المارينا بتاعة دبي، يعني كان ارحم لي أنط ببرشوت على اني أكون مربوط فوق الشوارع كده
عمر: أرحم
(18:38)
عمر: طيب بما إنك بتغني أو غنيت، في أي فيلم أو أغنية أو كتاب أي حاجه فنية أثر فيك جامد حتى لو أغنيه عملت حاجه نورت معاه في حاجه غيرت فيك حاجه؟
"Art of impossible" أحمد: لسه قاري كتاب أثر فيا جداً بتاع واحد اسمه "ستيفن كوتلر" اسمه
Flow Research Collective ستيفن كوتلر ده عامل حاجه اسمها
وقبليها كان عامل حاجه مع واحد اسباني اسمه جيني ويل بيعملوا حاجه هدفها انهم يشوفوا ازاي البني أدمين يقدروا يوصلوا لذروة الأداء وازاي الإنسان كل شوية بيعدي رقم حد يكون وصل له يعني زمان حد كان بيجري كيلو وبعدين بقى بيجري 5 وكسر الريكورد بتاعه وبعدين 10 كيلو وبعدين ماراثون فاللي بيقولوه انه ازاي الانسان ممكن يوصل لحاجات معينة بأنه اولاً بيغير طريقة حياته وطريقة نومه والعادات والتكفير وازاي تستخدم التدفق ده في حياتك وفي شغلك يعني نفترض انك بتعمل تزحلق على الماء إحساسك وأنت على اللوح وانت راكب الموجة دي وحاسس انك دخلت في حالة ده بيسموه التدفق، فإزاي تخش في حالة التدفق دي وانت قاعد بتعمل البودكاست بتاعك دلوقتي يا عمر ومركز تركيز كامل فدي حاجه من الحاجات اللي جت في مخي دلوقتي
(20:20)
عمر: طيب لما بتحب تسترخي كده بعد يوم شغل في حاجة معينة بتعملها؟ يعني أنا ممكن أفضل باصص للسقف.. إيه الحاجة اللي بتخليك تسترخي؟
أحمد: بشغل فيلم وانام على الكنبة
(20:44)
عمر: إيه القوة الخارقة اللي انت عايزها كل واحد عنده قوة خارقة في دماغه كان نفسه يبقى هو بيعمل كده؟
أحمد: السفر عبر الزمن
عمر: وهترجع تقابل بيها الناس اللي انت عايز تقابلهم مثلاً؟
أحمد: هرجع و أطلع لقدام ونفضل نرجع ونيجي كده
عمر: هايل
(20:59)
عمر: هل في حاجه محققتهاش نفسك تحققها؟ يعني هل في حلم لسه نفسك تحققه؟
أحمد: حاجات كتيرة في الواقع، السفر الواحد نفسه يسافر طبعاً الدنيا بقت أصعب بكتير دلوقتي مش زي زمان بس بالتأكيد السفر وإنك تلف حتت كتير في العالم الواحد مشفهاش ومجتمعات وأماكن دي حاجه من الحاجات اللي نفسي أعملها اكيد
(21:27)
عمر: عمرك أخدت نصيحة من حد وكانت بجد كويسة جداً وأثرت في حياتك نصيحة من حد مش مصدر أداك نصيحة وفعلاً غيرت حياتك؟
أحمد: اه، يعني ممكن تقول مثلاً في مواقف معينة الواحد بيبقى بيتأثر بتفكير الناس بيتأثر بوجهة نظر الناس فالنصيحة جاتلي من ناحية اللي هو الموضوع عبارة عن انت بينك وبين نفسك السبق انت مش بتسابق حد او مش بتقارن نفسك بحد في الاخر انت عارف هل انت ده اكتر حاجه ممكن تحققها، وهل دي احسن حاجه عندك ممكن تعملها زي ما بيقولوا السبق بينك وبين نفسك، المنافسة بينك وبين نفسك انت باصص لنفسك تشوف هل ده كده احسن حاجه وصلتلها ولا ممكن تعمل اكتر وتوصل لحاجات اعلى فدي من الحاجات اللي خلتني دايماً افكر في حياتي مش لازم اشوف اللي قاعد جانبي وصل لايه واللي هناك ده حقق إيه في الاخر انا شايف هل انا ممكن احقق اكتر وبالتأكيد أي حد في الدنيا ممكن يحقق أكتر طول ما هو عنده العزيمة والطاقة جواهم يعني
(23:00)
عمر:أخر سؤال وأعتقد إنك عديت كل التوقعات، يعني انت جاوبت على كل الاسئلة فشكراً جداً انك جاوبت على كل الأسئلة، أخر سؤال هسألهولك لو أخدنا آلة الزمن دي ورجعت لأحمد وهو صغير بعد ما شاف التجارب بقى وأتعلم هتقول لأحمد إيه وهو صغير هترجع تقوله حاجه وترجع دلوقتي تاني؟
أحمد: هقول لأحمد وهو صغير أول حاجه التعليم ده اهم حاجه هو الحياة عبارة عن رحلة تعليم طويلة مش معنى انك اتخرجت من الجامعة إنك كده وقفت ولا خلصت الماجستير يبقى انت كده خلصت لأ دي حاجه مكملة في حياتك اللي انت عايش فيها، تانى حاجه كنت بدأت زمان شركات وريادة أعمال دي حاجه كنت اكيد هقوله ارجع واعمل وابدأ واطلع بره منطقة الراحة بتاعتك زي ما بيقولوا دي نصيحتي للناس كلها اول لما الواحد يحس انه داخل في بلاتوه أو دخل جوه منقطة الراحة بتاعته طلع نفسك منه ونط في الماية وجرب واغلط واتعلم ازاي تقف تاني يعني دي حاجه من الحاجات اللي كنت هقولها لنفسي زمان عشان زمان من قبل 2015 بكتير يعني
عمر: أحمد والله انا مش عارف اقولك قد ايه انا مبسوط، احنا اول مره نتقابل النهاردة وحاسس اكني اعرفك من قبل كده آرائك بجد جميلة جداً ومهم جداً للناس اللي بتبتدي وللناس اللي بتستثمر بجد والله يعني أنت عندك معرفة كبيرة واي حد عايز يستفيد من أحمد يقدر يبعتله مباشرة احنا بنسيب دايماً اللينك في الشو نوتس بتاعتنا شكراً جداً جداً انا اتبسطت جداً ومش عايز اخد من وقتك أكتر من كده ولو ان احنا ممكن نقعد نتكلم كتير اكتر من كده
أحمد: المرة الجاية هسألك انت الأسئلة دي على فكر
عمر: خلاص ماشي نعمل حلقة بالعكس
أحمد: ميرسي ليك يا عمر وميرسي لماري وميرسي لجمهور كلام ينور ميرسي ليكوا وارجو اني اكون ساعدت او عملت اي نوع من الاستفادة للمستمعين والبودكاست بتاعك يا عمر بالتأكيد بيساعد ناس كتير وان شاء الله نتقابل في جولة تانية إن شاء الله قريب
عمر: إن شاء الله شكراً جداً يا أحمد وشكراً لكل الناس اللي وصلوا معانا للحتة دي وإن شاء الله اشوفكم الاسبوع الجاي
Translation of some words and terms:
Deal-Breaker قواطع الصفقات
Due Diligence الفحص النافي للجهالة
The Transfer التحويل
Performance أداء
Cash Flow تدفق مالي
Bulleted Points نقاط نقطية
Too Optimistic متفائل جدا
Worst Case Scenario السيناريو الأسوأ
Specifically خاصة
Entrepreneurs رواد الأعمال
Legal Aspect الجانب القانوني
Financial Aspect الجانب المالي
Confidence ثقة
Calculated Risk مخاطره محسوبه
Follow Up متابعة
Exponential متسارع
Maturity النضج
Acquisition استحواذ
Despite استخفاف
End Up ينتهى إلى
Undervalued بأقل من قيمتها
Round جولة
Aggressive مكافح
Exponential Growth نمو متسارع
Diversification تنويع
Net Worth صافي القيمة
Property عقارات
Stocks أسهم
Source Of Fund مصدر التمويل
Source Of Knowledge مصدر المعرفة
Win Win Situation مربح للجانبين
Band فرقة
Advocates دعاه
State Of Flow حالة التدفق
Time Travel السفر عبر الزمن
A Long Learning Journey رحلة تعليم طويلة
Comfort Zone منطقة الراحة
Audience جمهور
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينوّر #بودكاست #بودكاست_عربي #بودكاست_بالعربي #المستثمر_الملائكي #الجزء_الثاني